YUNUS 3:10 - ALLAH NIHYET MEM TUNGWATU NYA

¹⁰ Allah ngat bou niyai him bipia igyai mun di igbit ba, ittin ser igyai munti di kinei bibor nya hagom. Gima rino Noni luei ningonti bikes hukum ei yok dip bit leu nok nikos tutti bi.

YUNUS 3:10 ပူးပေါင်းရင်းမြစ်များ

NIBOHON MBEN ISRAEL GI NIGOM 21:15

Leu api tuhan pinak malaikati gom bipi bibindei sar minu ndig Yerusalem cem. Tirigi malaikati dima ug biya dideu Arauna di mben Yebus de ig gudan di co kep gandum eisi lene tuhan nggek ningonti tut nikos tutti bak mben Israel pima. Lene pai ser malaikati dima “Cobi ba, akes hon!”

NEHEI LEUSI 32:14

Lene tuhan ningonti nggek ba, Noni kes mun di buhun bibor pima bicut igkep Nide limwa nya bit leu nok nipaisi pima bi.

NIPINGOK NINGONTI 28:13

Tungwa tou rino ku nide sisar ei ningonti mibong kei migwam kei bi sren. Tungwa tou rino pai jit nide sisar bittin ser nide sisar mibindei ba, tuhan ningon nggriu sut noni.

YESAYA 30:18

Mbro nok gima lo, tuhan mem kep ser nituti tirigi Noni ngondut je. Noni tin ei mem gima singat tut je lewo Noni ne tuhan di bon mun di igbit. Yo di iba ingon com Noni igyai ingon di nggei-hi-nggei.

YEREMIA 18:7

Gino jam dem ne dikos tut mem dohom mben gom cem midinggek tut ide ninyeng tak kepti bingwig cem dibindei sar yok cem,

YEREMIA 18:8

apino mben dima ittin ser ide sisar leu api midiluei dingonti tut yok.

YEREMIA 36:3

Mpaba timiei Yehuda nya imiap tut mun di buhun bibor di dikos dat bidikes ei yok dip lene ikiek yok leu igyai munti di kinei bibor nya. Gi nok lene dikos ser ide sisar kin igyai munti di kinei bibor nya.”

YEREMIA 42:10

‘Gino jijoi sut jigwam ei jitimieisi kikau ne midibindei timek je bi. Noro midahati tut je. Dibindei bijiya ngkiem kei bijitti bi. Dingon ngguk bibor tut gi dikes mun di buhun ei je dip tu.

YOEL 2:13

Ma jiba jingon di nggriu-nggrop bindo tut gi jittin ser jide sisar leu gino jirik jide sinsun ei je him he ne dem mem bi.” Ma jingkwei hanyen ndam tuhan di nok jide Allah. Ningon jo nyahan ba, ngondut je biningon nggriu sut je cem. Noni tin ei mem gima kos ser tungwatu nya ide sisar bikou sut gi kes hukum ei yok dip.

AMOS 7:3

Lene tuhan luei ningonti bipai “Mun di angat dima micut igkep yok bi.”

AMOS 7:6

Lene tuhan luei ningonti bipai “Mun di angat dima cem micut igkep yok bi.”

YUNUS 4:11

Dem mem gima dingon nggriu sut timiei minu ndig Niniwe di ningot ndig dima bi e? Lewo minu ndig dima bon munggwom nya imangti ibou sribu sratus gom ba, nyatungwagom di imig mbus mun di kei leu mun di kinei kan bigyo nya bitut mindhe-ndhe nya di bit bon ikwop nimangti kan bi cem.”

YUNUS 4:2

Lene noni ngat nadi bipai “tuhan e, tirigi dijo leu ditimieisi bigyo ne dikan tut bipia mporo abindei ba, timiei minu ndig Niniwe mittin ser ide sisar. Dikan tut bipia angondut tungwatu nya ba, angon nggriu sut yok. Aom angon tut yok ba, asingat tut yok leu api atin ei mem gima aluei angonti tut hukum di akes ei yok dip. Apino bitig dino dinang leu Ade nicuk dati leu api dinang ug ei minu Spanyol leu a.

LUKAS 11:32

Tirigi Njap dem mem Allah birop kin hukum lene timiei Niniwe mikiju bit tungwatu nya ei nijam dini leu api mipai kep yok. Lewo timiei Niniwe ittin ser ide sisar bikiek ndam Allah tirigi Yunus tri tut nihyet biyok. Noro tini bu ne No di ninyeng jei dor njiriek Yunus no rinaha!”

LUKAS 15:20

Gima rino noni kiju bingkwei hanyen ndam nicigya. Tirigi noni ttau ei minu ting lene nicig ngat igbit noni leu api ngondut bisau bidor um noni ba, nggriou nipmot bimei ningyoi.