YUNUS 2:9 - ALLAH NIHYET MEM TUNGWATU NYA

⁹ Noro midipai doia ba, dibinggei sut Na bidibui mindhe tut ninggrom ei Aho bei bidiyai igbit mun di dipreu ei mem Na hagom cem. Nani ne tuhan di teu tungwatu nya leu mun di buhun tak yok ri!”

YUNUS 2:9 ပူးပေါင်းရင်းမြစ်များ

NITRITI 35:3

Lewo nyeni imbut rin bingkwei hanyen ug ei minu ndig Betel ba, ei sirima mididingug tig binok nimbar hum dok mem Allah di nyohou da mpe di po mun di buhun cut igkep da pima. Noni ningat rin bit da kikau bidem dimbutti nya hagom.”

SAMUEL GI NICAN 15:7

Ari bingwam nitindur bitai bu lene Absalom pai bak Nibou Ndig Daud “Andigpoi e, ma asindui sut ba, duug ei Hebron leu binhyepo diyai mun igbit leu nok dipreu ei mem tuhanti.

AYUB 22:27

Gino angat nadi bak lene Noni mibuhup ade nadi hanyen. Lene dem mem gima ayai mun bipek kep ade nipreu ei mem tuhanti nya.

MAZMUR 107:22

Suar iba midut nibipai sigyo bikuk yok bak Noni bitri tut niyai munti nya hagom tug hon doia di iba ningon llei bibor bipai.

MAZMUR 27:1

Doia Daud. tuhan ne nipigati di piga digai da kin No di teu da leu sisar biyai niyaijo nijep bida cem ri. Gima rino dittin tut tungwa hi bi. Noni ne tentara nibousi di diya coi. Gima rino dinghuisi mpig sut mun nyeng hi bi sren.

MAZMUR 3:8

Ditde tuhan Allah e, ateu da bidinggwes ngun. Akes hukum ei ditde siceu di iba nitok bida nya dip lene abindei ba, yahagom imig lit cem.

MAZMUR 50:14

Ma jibon midut nibipai sigyo bak Allah ba, jiyai bipek kep mun di jipreu ei bak No Di Ninyeng Jei.

MAZMUR 50:23

Yo di ibon midut nibipai sigyo biDa yongkom ibikon dinyenga. Midindo Ditde puig di bie ndam niteu leu biningwes ngunti bak yo di ibit dihyet.”

MAZMUR 68:20

Ma jinggei sut tuhan lewo Noni ne Allah di teu nye di ingwes ngun bikon ide mun di buhun ei ninghat dip bikwop njap-njap cem ri.

MAZMUR 95:2

Jikwei ba, yahagom igya ei Noho bei bipai sigyo biNoni ba, iba doia di llei bibor binggei sut Noni.

YESAYA 45:17

Noro tuhan miteu je di mben Israel ba, jingwes ngun bijo ninno bijo kikau. Mijimmai sut jenti ba, hi dima nim kep je bi sren bijo ninno bijo kikau.’ ”

YEREMIA 33:11

Noro nihyet niyai nilleisi kin ningon di nggei-hi-nggeisi kin nihyet nibon pesta niwak yamti mitibim hanyen kwei leu mpia dini yo. Doia di tibim leu yo di ibon midut nibipai sigyo ei Ditde Ig yuhui him cem mitibim yo. Yoni mipai, “Ma jipai sigyo bak tuhan Di Sindem Bibor lewo Noni singat kei ba, ningon ngakeisi jo ninno bijo mimpui.” Midibindei ba, nibong kei nigwam keisi kieng kep minu dini noyam kin gi nipou pima. Da di tuhan disimbot dat tu.”

HOSEA 14:2

Je di mben Israel e, ma jingkwei hanyen ndam tuhan di nok jide Allah. Jide sisar bindei ba, jicut tu.

YOHANES 4:22

Je di mben Samaria jikan igbit tut mun di jikuk je bak bi. Noro nye di mben Yahudi nikan igbit tut No di nikuk nye bak. Lewo niyai niteu leu sisarti kin niyaijo nijep tug hon mben Yahudi.

KISAH 4:12

Tungwatu nya igyai niteu leu sisarti kin niyaijo nijep tug hon Yesus Nongkom he. Lewo tungwa hi leu tungwatu nya ikieti ei dihyeisi dini nisurti-nipekti hagom gi yai nisindemti leu Allah mem gima teu nye leu sisar kan bi.”

ROMA 12:1

He disut bat jen, Allah singat tut nye nindig bibor. Gima rino dibidip huk je leu binhyepo jikes jenti njem ei mem Allah noyam kin mun di imam nya ikes ei nimbar hum dokti. Ma jidimig jenti njem ei mem Nide midyai nya leu api Noni mijoi sut je. Suar jiba nisinati dima bikuk je biNoni mungkun kei.

NINDAT KEP TUHAN NICUKTI NYA 23:18

Nok gima cem ma yo dima ipwoi ninghoi di iba ide nicut tut yamti bipek dima ba, yuug sut ei jide tuhan Allah de ig bibigo mun di yoni ipreu ei mem Noni tug hon neheng au. Lewo jide tuhan Allah ningon mpo tut yo di icut igkei ei mpia di ngkiai nya ikuk yok bak ide kwar nya eisi bitut ninghoi di ibipek mem yonti cem.

IBRANI 13:15

Gima rino ma inggei sut Allah tereu nok midut nibikos ser sisarti tug hon Yesus. Iba midut dima binggei sut Allah tirigi ipai jit bipia Noni ne ide Tuhan ri.

NINGAT-HI-NGAT NYA 7:10

Yo dini iba ighyet nindig bibor bahara “Niteu leu sisarti kin niyaijo nijep tug hon ide Allah di gwam banggo mbrei dip kin Domba Pmot cem.”

SAMUEL GI NIGOM 12:21

Ma jiba joho rok kwar nya au. Bit bon yoni impu je ba, iteu je bijingwes ngun kan bi lewo innei dihip ihwap nsi bi.