YUNUS 2:2 - ALLAH NIHYET MEM TUNGWATU NYA

² “tuhan e, mun di buhun bibor dini cut igkep da lo, dahara Na leu api abuhup dihyet. Tirigi dibong ei gumihyep nimai nya ide ne dahara Na leu api amiap dihyet ba, ayok ngon kep da.

YUNUS 2:2 ပူးပေါင်းရင်းမြစ်များ

MAZMUR 120:1

Doia nikui ug ei Mbigdip Sionti. Tirigi dingon buhun bibor ne dahara tuhan leu api Noni buhup dihyet.

MAZMUR 34:6

Mbro nok gino hi co kep yok lo, yo di iba ingon com Noni yahagom ingon nggan-triot kei ba, bit bon ingon pus tut Noni bi sren cem.

MAZMUR 86:13

Lewo aba angon ngakei dati di nindig bibor di nggek jei bi bingon ngakei da. Ateu da bidingwes ngun leu jui nsi tu.

IBRANI 5:7

Tirigi Yesus ningat rin ei dihyeisi dini lene Noni ba nihyet nindig bibor kin niyai nggwei di kibor bingat nadi bak Allah di sindem mem gima nyohou Noni leu binhyepo mai bi. Allah ngig nitingou mem nihyet lewo Yesus ba ningon di gom bikuk No bak Allah.

SAMUEL GI NIGOM 30:6

Daud de tentara nya yahagom ingon buhun bibor lewo imunggwom bat nya kin itnem bat nya ipror bingwig leu yok tu. Gima rino itin ei mem gima iba tig bihwen noni drek dip imunggwom bat nya kin itnem bat nya di ipror leu yok dima. Daud um mun di nggruk bibor dima noro nide tuhan Allah biwin kep ningonti hanyen bu.

MATIUS 12:40

Yunus bong ei wau ndig ninghopti mem mmun-njap ningai. Nok gima cem tut Munggwom Tungwatu Nipmot. Noni mibong ei dihyei jou mem mmun-njap ningai.

MAZMUR 116:3

Mpe di gom ne mun di buhun bibor cut igkep da bikat da ug ei nimai nya ikieti. Diyai ngkek ttin mun di micut igkep da ei jui nsi. Dinghuisi mpig sut bidingon pri tut kikau.

MAZMUR 22:24

Je di Allah de awak nya e, ma jinggei sut Noni! Je di jintun Yakub him e, ma jikon Allah ninyenga! Je di mben Israel e, ma jikuk je biNoni!

MAZMUR 4:1

Doia Daud mem no di bie tut doia nimpung di iba nggong mbrei bikek nya.

LUKAS 22:44

Yesus ningon bei buhun bibor bita nibou ei naditi ba, nahanggwap di mbilen nok ninggrom bitinim ug ei dihyeisi.]

YESAYA 14:9

Minu nimai nya ide ba ningon di nggei-hi-nggei bicigit nibou ndig Babel. Apino yo di inyeng jei ei dihyeisi dini nipou su ingwes nya sindi ikiju leu ibong eisi. Nibou ndig di nipou su nya ingwes sindi ikiju leu ide banggo mbrei.

MAZMUR 65:2

Allah e, dem mem nyeni ninggei sut Nani ei Sion ba, niyai hagom bit leu nok nipreu ei mem Nati cem,

MAZMUR 61:2

Allah e, angig atingou mem dihyet di dahara ma hwou. Ayok atingou mem ditde nadi.

MAZMUR 16:10

Leu mporo asindui sut ba, dinnei ug bisrig yo di imai nya ikieti bihigom bi ba, ace tut Ade awak di ningon gom ningut mikroi ei bi.

KISAH 2:27

Lewo asindui sut ba, dinnei srig yo di imai nya ikieti bihigom bi ba, ace tut Ade awak di ningon gom ningut kroi ei bi.

SAMUEL GI NIGOM 1:16

Ma akan bipia dani ne sop di nibou sibui rin au. Dingat nadi biduhui bingmai-bingmai gwai nok gi pima lewo dingon ngguk bibor.”

NIBWOS-BWOS NYENTI 3:55

tuhan e, dahara biNani ei jui minyei bousi di jut bibor dima nijou bidipai bipia,

YEHEZKIEL 26:20

Midipinak na ug ei minu nimai nya ide apino abicom yam bit yo di imai ei nijam gi nipou nya. Disindui sut na ba, abong kikau ei minu nimai nya ide dima ei ig kum kroisi di jo mimbrek ngan tu bit yo di imai su nya. Apino hi mibong ser atimieisi ba, kwop anyeng bit yo di igyaijo nya inyeng bu bi.

YEHEZKIEL 31:14

Gima yok hagom pek kep leu binhyepo hon kep ammani kui lene biei hi mehei bijei ndig nok gima bu bi. Mbro nok gino biei hi um minyei mang-mang lo, ninggrupti kui kikau bikimbas ei bumbuhui nijunti nok gima hi bu bi. Hagom mimui noyam kin tungwatu di niyaijo kikau bi di ibicom yam bit yo di ijuk ug ei minu nimai nya ide tu.”

NIBOHON MBEN ISRAEL GI NICAN 33:12

Tirigi Manasye tug ndei niwei-nidut dima rino om nonti ei tuhan Allah Noho bei bingat nadi bak leu binhyepo tuhan mikwei mpu no.

LUKAS 11:10

Lewo no di hara miyai lene no di nggok ser mingat lene no di puk dimbou dimbou mikau leu noni.