YUNUS 1:3 - ALLAH NIHYET MEM TUNGWATU NYA

³ Noro Yunus kiju binang leu tuhan nicuk noti buug ei minu ndig Yopa. Noni ug krau hammi tirigi kibar minyei gom tin ei mem gima mbut bitot minyei ug ei minu Spanyol. Gima rino noni bipbur ba, go gau nonti bak kiten kibar leu api bri bit timiei kibar nsi nya dima biyuug ei minu Spanyol leu binhyepo bong ting bibor leu tuhan niyai him.

YUNUS 1:3 ပူးပေါင်းရင်းမြစ်များ

NITRITI 3:8

Mmunti lene imiap tuhan Allah di ya-ya nyen ei miaisi dima apino yahacem iku yok nyahan nding biei bou leu binhyepo Noni ngat yok bi.

NITRITI 4:16

Lene Kain jo leu tuhan Noho bei buug bong ei minu Nibong-bong Wai ei miai Eden nite bei mpia nipriti.

NIBOU NDIG NYA GI NIGOM 19:3

Lene Elia ttin tut nindig bibor binang ba, nide awak yoni ingwes ngun ug ei Bersyeba ei minu Yehuda. Tirigi yoni yuug krau lene Elia kuk nide awak bigwam ei mpia dima,

NIBOU NDIG NYA GI NIGOM 19:9

Tirigi noni ug krau lene coi ug ei dihyei nyem gom bibong mmun gom ei sirima. Lene tuhan hig noni kros “Elia e, akwei nggon ei sirini i?”

NIBOHON MBEN ISRAEL GI NICAN 2:15

Nibet ningon mem njita gandum nyeng can kin ba anggur ngei kin mini zaitun di Na di Andigpoi apreu kep da tut pima.

NIBOHON MBEN ISRAEL GI NICAN 2:16

Nyeni miniwim buom leu nungug him ei Libanon bidem nimangti di Na Di Andigpoi asuar mem ig dima. Leu api miningot kin yam nok arreren ei muk ngwa dip leu binhyepo ade limwa nya ibri bigwam dip bitig minyei tut kikau ug ei minu ndig Yope. Leu api ipian leu Yope kikau ug ei minu ndig Yerusalem.”

NIBOHON MBEN ISRAEL GI NICAN 9:21

Salomo nyeng tut kibar minyei di nindig krop mang-mang di ug kwei nyen ei muk ngwa dip bit Nibou Ndig Hiram de kibar minyei nya. Kibar minyei dima yok imbut-mbut nyen mem ari bingwam nitindur ningai leu api ingkwei hanyen tut mas kin perak kin gaja nikwai di jei bibor nya kin dion kin hanggei nya.

EZRA 3:7

Mben Israel iba ide mitiei bigo tukan tig kin tukan biei imuhup ba, imbus njita kin ba anggur ningei kin mini zaitun keyam bipinak hagom bak mben Tirus kin Sidon biluei buom Libanon nuut di tukan nya iwim birim ug ei muk pimat leu binhyepo itig minyei tut ug ei minu ndig Yafo. Kores di nibou ndig Persia sindui sut gima igyai kep ide midyai dini hagom.

AYUB 1:12

Lene tuhan pai bak Bilis “Nna ba abindei Ayub de mun di nyeng tut nya bit leu angon kanti noro ma angget nonti njem binggwen au.” Lene Bilis om no leu tuhan Noho bei bimbut.

AYUB 2:7

Leu api Bilis om no leu tuhan Noho bei bimbut. Noni bindei ba, buhwei com Ayub bidem ningkek dip hagom leu nimig jou kikau ug bipek kin nibou nggram him.

MAZMUR 107:23

Bihi itug ndei imuhup tug hon midyai timiei kibar nsi bimbut-mbut nyen ei muk ngwa dip.

YESAYA 2:16

Noni mibindei sar kibar di nindig bibor di kei-kau nya hagom bicut ei minyei jou.

YESAYA 23:1

Gini ne nisok nihyetti tut minu ndig Tirus ri. Niyai midyai ei muk ngwa dip cig leu minu Spanyol di jiba kibar bimbut muk ndigsi e, ma jipim ba, jibwos-bwos nyen! Mpe di jibri kibar ba, jijo leu Mios Siprus lene jimiap tut bipia minu ndig Tirus timek tu. Muk nuhuisi di kibar yati dima kin ig nya nggek sinsiou tu.

YESAYA 23:10

Timiei minu Spanyol e, ma juug yai jide miai nya. Lewo mun di jibisigi jide kibar nijou nya jo bu bi.

YESAYA 23:6

Timiei mukti e, ma jipim ba, jibwos-bwos nyen leu api jingwes ngun ug ei Spanyol cem.

YESAYA 60:9

Kibar minyei dima kwei leu minu ting bimpung tut Allah de limwa nya di induk yam kwei ei itimieisi hanyen. Yoni ipwoi perak kin mas kwei ba, mibinggei sut tuhan di nok mben Israel ide Allah Di Kwes-Kwau di bindei ba, ngkiai nya ikon Nide limwa nya inyenga.

YEREMIA 10:9

Iba mas kin perak di igyai kwei leu minu Spanyol kin minu ndig Ufas birap kin kwar dima. Gima yok hagom ne mun nibon bou ninda him leu nikilis kep mun cig nya kin nikinding kep mas cig nya ri. Iba minghas di nok nghei nta di pimber kin gi sieng kei bibon kwar nya ide sinsun. Nibien kep minghas cig nya iba ingon di sok kep yonti binap sinsun dima nok mungkun kei.

YEHEZKIEL 2:8

Na di tungwatu di ayaijo kikau bi e, ma ayok ngon kep dihyet lene ma aham ambuk kep Dani au. Noro ma ahap aji ba, ayem mun di diyai bina hak.”

YEHEZKIEL 27:12

Atri ade ndigban nindig bibor ei minu Spanyol leu api abipek perak kin ngkimom nitu kin ngkimom leben nitiei kin ngkimom-leben nimmun.

YEHEZKIEL 3:14

tuhan de nisindemti coi kwei ei dingonti sindem bibor ba, Ninnei kon da bittei da apino dingon mpo-mpam ba, wam cem.

YUNUS 1:10

Lene binut bu bipai “Dinang ug ei ting bibor leu tuhan niyai him.” Imiap tu lene timiei kibar nsi nya ingon ttin bibor ba, ipai binoni bu “Abon mun dini ba, atunggwei sut tuhan nicuk nati!”

YUNUS 4:2

Lene noni ngat nadi bipai “tuhan e, tirigi dijo leu ditimieisi bigyo ne dikan tut bipia mporo abindei ba, timiei minu ndig Niniwe mittin ser ide sisar. Dikan tut bipia angondut tungwatu nya ba, angon nggriu sut yok. Aom angon tut yok ba, asingat tut yok leu api atin ei mem gima aluei angonti tut hukum di akes ei yok dip. Apino bitig dino dinang leu Ade nicuk dati leu api dinang ug ei minu Spanyol leu a.

LUKAS 9:62

Yesus buhup “No di kinyon ei midyaiti tu lo, kiek no kep ninghim dip biningon ngkwei nyahan leu lene no dima dem mem gima nggre kin Allah ninyeng tak kepti bi.”

KISAH 15:38

Noro Paulus ce tut bi lewo Yohanes-Markus yai midyai bit yok bimbut kikau nipou pima bi noro kes yok ei hanjop Pamfilia bingkwei hanyen.

KISAH 26:19

“Na di Nibou Ndig Agripa e, dibrim dingkek kikau bidibit ningat-hi-ngat di Allah bindei bidingat bou diyai him dima.

KISAH 9:36

Sindig Tabita no rima ei minu ndig Yope ba, noni cem ningon jo kep Tuhan. (Iba nihyet Yunani bijem ninyeng hi Dorkas ba, ninyeng ndo tut rusa.) Dorkas de midyai nya hagom kei bibor ba, noni ngondut yo di yuhui mbum nya cem bidem njap ngwa hagom.

KISAH 9:38

Minu ndig Lida kin Yope ne minu di jo dideu yam ri. Gima rino tirigi timiei minu ndig Yope di ingon jo kep nya imiap Petrus ninghapti bipia ningat rin ei minu ndig Lida lene isok ighyet ei ibou can dip bak noni bipai binoni “Ma abrim amig kwei!”

KISAH 9:42

Ninghapti tibim tut mindur dima kikau bikieng kep minu ndig Yope nisurti-nipekti leu api tungwatu imang bibor ingon jo kep bipia Yesus ne Nibou Ndig di teu yok leu sisar biyai niyaijo nijep biyok ri.

KISAH 9:43

Petrus bong ei minu ndig dima njap poi bu bit tukan di ninyeng Simon di tukan nikak mindhe-ndhe ngkek cig.

KORINTUS GI NIGOM 9:16

Tut gi ditri tut Nihyet Di Kei lene gi mbun dingon jei sut bi lewo Tuhan sok nihyet ei da dip mem gima ditri tut bak tungwatu nya. Aye! Notou mem da gino dikes hon biditri tut Nihyet Di Kei bi i?

TESALONIKA GI NICAN 1:9

Yo dima mitug ndei hukum nibindei sar yok di bit bon ug hon nohonti kan bi bisrawir ei minu ting leu Tuhan Noho bei kin Nide nikei-kau-keisi cem.