YUNUS 1:12 - ALLAH NIHYET MEM TUNGWATU NYA

¹² Noni buhup “Ma jicom da hak ug ei muk mpoti leu binhyepo muk di tti dini mikes hon ba, mpia mbum-bra hanyen. Lewo dikan tut bipia dani rino dibindei dino sigau dini yem je a.”

YUNUS 1:12 ပူးပေါင်းရင်းမြစ်များ

SAMUEL GI NICAN 24:17

Tirigi Daud ngat malaikati di ba nsuwer ajar bihwen limwa nya lene pai bak tuhan “Dani rino dibon sisar a. Dangkom ngat rino dibon mun di tunggwei dima. Noro yo di yuum hukum dima ne itunggwei sut mindei ngan i? Suar akes hukum ei dani kin ditde ig bei nsi nya dip hak ug.”

NIBOHON MBEN ISRAEL GI NIGOM 21:17

Daud ngat nadi bipai “Allah e, dani rino ditunggwei sut dino dicuk Yoab nya di ikwop mben Israel imangti ug a. Mben dini ne igyai mun di tunggwei hi bi sren. Ditde tuhan Allah e, ma akes hukum ei dani kin ditde ig bei nsi nya dip lene ma aom angon tut Ade limwa di ingon ngun nya.”

AYUB 35:8

Noro ade sisar di abon nya he ribindin asut bat nya lene ade nibon munti di kei rino bimpu yok cem a.

NIBA NINGON SRIP HUKTI 9:18

Ningon kiti bon ninyeng dor njiriek minggwen di ibikon pran. Noro bon ningon mbumti poi mien binggek tut niyai munti di kei mang bibor.

YUNUS 1:11

Sigau yem yok bikum eisi nindig bibor bu. Gima rino timiei kibar nsi nya ihig ser Yunus “Ninggon ndei na leu binhyepo sigau dini kes hon ba, yem nye bi i?”

YUNUS 1:13

Noro timiei kibar nsi nya ibingon mem gima itig minyei sindem bibor leu binhyepo iba kibar bitot ndam mam bei noro indei bi. Lewo muk tti nindig bibor bikum eisi bu.

YOHANES 11:50

Jikan tut bipia gi kei rino tungwagom mai luei ide limwa nya leu gima mben Yahudi yahagom imai bingwig bi e?”

KISAH 27:24

pai bida ‘Paulus e, ma angon digit tut au! Mporo ma aya ei Kaisar Roma noho bei. Allah nisingat tut nati mibindei ba, yo di kibar nsi yahagom ingwes ngun drek dip nani yo.’

YOSUA 7:12

Gima rino bit bon yahau mem gima ikon pran bit siceu nya kan bi a. Siceu yuhuk yok binang lewo dikes hukum ei mben Israel dip leu binhyepo itug ndei nimai. Gino jibindei sar ndigban po jinggimang pima bi lene midingat rin bit jeni bu bi.