YUDAS 1:20 - ALLAH NIHYET MEM TUNGWATU NYA

²⁰ Noro disut bat jen, ma jiba jide niba ningon com Yesus Kristusti di kwes-kwau bingot jide niyaijoti noyam kin jingot igya. Lene jibingat nadi kin nisindemti di kwei leu Ninnei Gi Kwes.

YUDAS 1:20 ပူးပေါင်းရင်းမြစ်များ

ZAKHARIA 12:10

Leu api midibindei ba, yo di intun Daud him kin timiei minu ndig Yerusalem ingon ya tut ningon ngakei yamti kin ningon ya tut naditi. Igyai mibong kep no di idat leu api ipim nggruet drek dip noyam kin no di pim nggruet drek dip nipmot di nimig gom nimaisi pimo. Yoni iba ingon di ngguk bibor bipim nggruet noyam kin no di nide munggwom mighumbou sar leu no pimo.

KISAH 15:9

Allah mig mbus nyeni kin yoni ter leu yam bi. Noni yai ingon kwes kei tug hon ide niba ningon com Noniti.

KISAH 26:18

leu binhyepo apiga igyai ba, acen yok leu nidinditi ug ei nipigati. Leu binhyepo Bilis ninyeng tak kep yok bu bi noro Allah ninyeng tak kep yok. Allah mikos ser ide sisar tug hon ide niba ningon com Dati apino inggre kin Allah de limwa di Noni dimig ei su nya.’ ”

KISAH 6:7

Tug hon nisinati dima lene Allah Nihyet kieng kep minu dima hagom. Yo di ibit Yesus imang ndig hi kin yok bu ei minu ndig Yerusalem ba, imam nya cem imang bibor iba ingon com Yesus.

KISAH 9:31

Hon kep njap dima kui lene yo di inggre kin mbusyamei ei hanjop Yudea kin Galilea kin minu Samaria nya yahagom ibong kei igwam kei. Yoni igyai nisindemti hi kin bu ba, imangti ningot ndig bikum yok bu tug hon nisindemti leu Allah Ninnei. Ba, gima hagom tug hon ide niba ningon gom bikuk yok bak Tuhanti.

ROMA 15:2

Noro ma bikwop tungwagom-gom bindei nisut no di ningon jo kep dima ningon llei bibor bimpu noni cem. Tug hon niyai munti dima ne nyeni mibiwin kep ningonti leu binhyepo ba ningon com Tuhan bibor.

ROMA 8:15

Lewo Allah Ninnei di Allah yai bije bibon je tereu nok awak leu dima jiyaijo ei ningon di ttinti bi. Noro Ninnei bindei jeni bijinok Allah nimunggwom bat nya. Apino bikwop nyeni iba Allah Ninnei nisindemti bihig Allah nok Icig bipai “Arig e! Arig e!”

KORINTUS GI NIGOM 1:8

Noni nyohou je biyai jingon nddong kikau bije bipek njap ningwig honti leu binhyepo jingon nddong mem ide Tuhan Yesus Kristus De Njap nitekti.

KORINTUS GI NIGOM 10:23

Nihyet nibiti nindati pai “Nna ba igyai mun di niggai serti nya srep bi nya hagom hak ug.” Igbit ri! Noro igyaisi dima hagom kei mem nye bi. Mbro nok gino ipai “Nnaba igyai mun di niggai serti srep tut bi nya hagom” lo, ma isindui sut ba, igyai munti dima ubon nye nok awak au.

KORINTUS GI NIGOM 14:15

Gima rino dibon mindei i? Dibon nok gini. Diba dinnei he bingat nadi bi noro diba dibou ngwakti cem bingat nadi. Diba dinnei he bipai doia bi noro diba dibou ngwakti cem bipai doia.

KORINTUS GI NIGOM 14:26

Disut bat jen, gini ne ditde nipingok jeti nya ri. Tirigi jidem yam ei mem jikuk je bak Tuhan ba, hi kon doia lene hi ngginau tungwatu nya lene hi tri tut nihyet gom di Allah mbot kep tut binoni lene hi ba nihyet mindur bimbrap lene hi luei nihyet mindur dima hanyen brei bak tungwatu nya lene nok. Noro ma jiba nisindemti dini yok hagom bingginau yo di mbusyamei nya leu binhyepo ingwes gwam yamti tut.

GALATIA 4:6

Allah kes Nipmot Ninnei ei jeni kin nyeni ingonti lewo yahagom inok nipmot bat nya. Ninnei dima bindei ba, yahara Allah “Arig e, Arig e!”

EFESUS 4:12

Noni ta yo dini yahagom ba, bitin ei Nide limwa nya mem gima igyai igbit Nide midyai nya di ibindei Kristus ningut mahan.

EFESUS 4:16

Kristus nipingokti bindei ba, nimbumbati di ter leu yam hagom bicim tindei yam ba, nituti nya gom-gom bikrau yam nok gom. Gima rino gino bikwop nimbumbati yai igbit niyai kepti lene ningut titut mahan bikum ei nisindemti tug hon ningon ngakei yamti.

EFESUS 4:29

Gino jimbrap bit yam lene ma jiba jihyet di kinei bimbrap bit yam au. Noro ma jiba jingon di nggriu sut yam bimbrap bit yam leu binhyepo jibiwin kep yam ngonti bijibimpu yam. Tug hon nisinati dima ne jihyet misindem tut yo di imiap kep nya.

EFESUS 6:18

Ma jiyai mun dini yok hagom ba, jibingat nadi bak Allah leu binhyepo Noni mpu je. Ma jiba jiyai ngkiemti kin jingon cut leu bisi bingat nadi bidem nituti kin nikwesti hagom bit leu nok Allah Ninnei nibie tut jeti. Mpe dino jimut jiyai ne ma juhuk nadi mem jisut bat yo di Kresten yahagom.

KOLOSE 2:7

Ma jicom jigau kikau ug ei Noniti. Ma jingot jide niyaijo tereu nok jingot ig ei Kristus di nok nikiou di nddong keiti. Ma jikum ei jide niba ningon com Kristusti bit leu nok jide nibou ngginau je tut tu. Ma jinggok biken tirigi jipai sigyo.

TESALONIKA GI NIGOM 5:11

Gima rino ma jiwin kep yam ngonti ba, jahati tut yam kikau bit leu nok gi jiyai kep bipek ammani tu.

TIMOTIUS GI NIGOM 1:4

Ma yo dima isimbot kep biyam kikau sut mumpui hyet kin nitig pung bijo ninnoti au. Mun dima yok hagom ribindei dino iliriem yam. Nok gima cem mun dima yok ribindei mbut Allah ningon kanti bi. Allah ningon kanti dima ne tungwatu nya ikan tut tug hon ide niba ningon com Noniti.

2 TIMOTIUS GI NICAN 1:5

Diyok ngon kep ade niba ningon com Kristusti di mungkun kei ba, dem kep nok adrot Lois kin apmem Eunike ide niba ningon com Kristusti. Lene dikan tut bipia nani cem aba angon com Kristus noyam kin yoni.

TITUS 1:1

Srat dini leu da di Paulus. Dinok awak mem Allah bidiyai dinyeng nok no di ya kui Yesus. Allah dimig da leu binhyepo dibiwin kep yo di Noni dimig ei su nya ide niba ningon com Kristusti. Dipingok ingonti leu binhyepo ingon dorti tut nihyet di nijit di bindei ba, igyai munti nya bit leu Allah ningon kanti mem yok.

YAKOBUS 2:22

Jo nibreisi mem na bi e? Nide niba ningon comti kin niyai munti nya bicim tindei yam. Niyai munti nya bindei ba, nide niba ningon comti dem bimahan tu.

PETRUS GI NICAN 1:1

Srat dini leu da di Petrus ba, dinok awak mem Yesus Kristus bidiya kui Noni cem. Srat dini mem je dino jiyai jide niba ningon comti noyam kin nyeni tug hon ide Yesus Kristus di ningon sren-srau. Noni ne Allah kin No di teu nye leu sisar biyai niyaijo nijep binye cem ri.

YOHANES GI NIGOM 5:4

Bikwop Allah nimunggwom bat nya yahagom igyai nisindemti mem ibindei cut mun di ntun dihyeisi dini him. Ibindei cut mun di ntun dihyeisi dini him tug hon ide niba ningon com Yesus Kristusti.

YUDAS 1:3

Disut bat di dingon kieti jen, dipi bidipas srat bak jeni tut ide niteu leu sisar kin niyaijo nijepti di pek kep mem nyeni yahagom tu. Noro nogindini dingon hukti tut ba, diba srat dini bibiwin kep jingonti leu binhyepo jibrim jingkek ba, jinyohou jide niba ningon comti di Allah kes bak Nide limwa nya mbigom ngat he bijo kikau.

NINGAT-HI-NGAT NYA 13:10

No di yai hukum nisima ei ig bui nsi misima hak. No di miyai nimai tug hon singau simeda miyai nimai tug hon singau simeda hak. Gima rino suar Allah de limwa nya ingon nddong ba, ingon gom cem.