YUDAS 1:17 - ALLAH NIHYET MEM TUNGWATU NYA

¹⁷ Noro disut bat di dingon kieti jen, ma jiyok ngon kep nihyet di yo di igya kui ide Tuhan Yesus Kristus ipai bije nipou su.

YUDAS 1:17 ပူးပေါင်းရင်းမြစ်များ

MALEAKHI 4:4

Ma jiyok ngon kep Ditde awak di Musa ningginau jeti nya. Ma jikan kep dicuk noti nya kin niggai serti nya di diyai binoni ei Nungug Sinai leu binhyepo mben Israel yahagom ibit.

KISAH 20:35

Lewo dindo bindo bije tug hon nisinati hagom tu leu binhyepo jijoi bibor ba, jita jibou ei midyaiti leu binhyepo jibingondut yo di isindem bi nya. Lewo suar jiyok ngon kep Tuhan Yesus Nonti nihyet di pai ‘Tungwatu nya igyai nillei tug hon ide ningondut tungwatu nyati leu gima igyai mun di yo di hiter ibingondut yok a.’ ”

EFESUS 2:20

Allah ba je di jinok ighyei bingot kin nikiou di yo di igya kui Yesus kin nabi nya iprion ei Kristus Yesus di tereu nok tig mma di bon ninyeng ri.

EFESUS 4:11

Kristus rima njei nisindemti nya bak tungwatu nya. Noni ta yo di igya kui Noni kin nabi nya kin yo di itri tut Nihyet Di Kei kin gembala nya kin guru nya cem.

IBRANI 2:3

Notou mem nye i? Gino ingon nyei ndam niteu leu sisarti kin niyaijo nijep di mindur dor njiriek nicukti dima bi ne notou ingwes ngun leu hukum i? Tuhan Nonti tri tut niteu leu sisarti kin niyaijo nijep nipou ngig-ngat leu api yo di imiap ipai brei binye bipia nihyet dima ne nijit-jau ri.

PETRUS GI NICAN 3:2

Ditigtai je leu binhyepo jiyok ngon kep nihyet di tibim ei Allah de nabi nya yuhui him mimbrek ngan tu. Ma jiyok ngon kep Tuhan di teu nye leu sisar biyai niyaijo nijep binye nicuk jeti di tibim ei yo di igya kui Noni yuhui him.

YOHANES GI NIGOM 4:6

Noro Allah ninyeng tak kep nyeni. No di ningon dorti tut Allah bit nyeni ighyet. No di Allah ninyeng tak kep bi bit nyeni ighyet bi. Tug hon nisinati di ibingat Ninnei di nijit kin ninnei di bindei ba, tungwatu nya israwir niter leu yamti.

YUDAS 1:3

Disut bat di dingon kieti jen, dipi bidipas srat bak jeni tut ide niteu leu sisar kin niyaijo nijepti di pek kep mem nyeni yahagom tu. Noro nogindini dingon hukti tut ba, diba srat dini bibiwin kep jingonti leu binhyepo jibrim jingkek ba, jinyohou jide niba ningon comti di Allah kes bak Nide limwa nya mbigom ngat he bijo kikau.