YUDAS 1:12 - ALLAH NIHYET MEM TUNGWATU NYA

¹² Tirigi jiyem njita bit yam lene yo dini isrig jikieti bibindei mmai jahagom cem iduhwen njita hak yon ba, ingon hek tut yonti njem he. Inok bumbuhui di hou miep-miep nyen lo, but kan bi. Inok biei di ngat ningat hi bi mem nijam di biei nya ngat ningat. Inok biei mon di tungwatu nya iprim tut nigau di mui bihigom cem.

YUDAS 1:12 ပူးပေါင်းရင်းမြစ်များ

NIBOHON MBEN ISRAEL GI NICAN 7:20

lene mporo dibindei hei je leu minu dini di dikes bije tu. Lene midikes Ig di ditak buk kep nok gumihyep nikuk no biDa eisi dini ei bidimbut leu. Leu api tungwatu nya bidem minu miba ighyet bicig ig dini bipa tut cem.

AYUB 8:17

Ide nigau nya krau kep tig di jo dihyeiti bingkiem ba, tti kan bi.

MAZMUR 1:3

No dima ne ningat di kei ntun nide midyai nya hagom him noyam kin biei di hei ei minyei ntig dip ba, ngat ningat di kei bidem nijam hagom. Nimeng cem nggrou kei lene ngoi hanyen bi sren.

MAZMUR 37:2

Jei bi lene yahagom mipror dem kep nok minta di mpia wam bimui. Yahagom mimai dem kep nok mitou susti nya.

NIPINGOK NINGONTI 25:14

No di ningon ngkwei leu nide nipreu ei mem hiterti dem kep nok bumbuhui kin hou di biang biget kwei bi.

YEHEZKIEL 17:9

Leu api Da di tuhan Di Dinyeng Jei Bibor dihig ser bipia ba anggur dima hei bingun-ngau cem binindig nut ug e? Ha krubri gi nigom pima mohom tut nigau nya cem mikikam ningat cem midahat ninda nya lene misindui sut biei anggur dima bimbriong bi e? Ningat ne isuar tungwatu imang bibor bitut ide nisindemti kin mben di mimbri kui ingkek mem gima yohom ba anggur dima tut nigau nya bi.

YEHEZKIEL 34:10

Da di tuhan Di Dinyeng Jei Bibor dibon Danti bidinok jide siceu. Midiyai Ditde domba nya hanyen leu je bidisindui sut ba, jinok gembala mem yok bijehek tut jenti bibie bu bi sren. Miditeu Ditde domba nya ba, ingwes ngun leu jinda nsi ser nhyema jibui yok nok mikwau hanyen bu bi.’ ”

YEHEZKIEL 34:18

Lewo jibou poi jingon cut hon gi jiyem kep abris di kei bibor he bi noro jico kep gi hi di jiyem bi ariwace kindi-kindok! Jidut minyei di pimbai kei he bi noro jico kep minyei di jidut bi bijibindei nghet!

YEHEZKIEL 34:2

“Na di tungwatu di ayaijo kikau bi e, ma apai kep nibou ndig minu Israel. Da di tuhan Di Dinyeng Jei Bibor disok dihyet ei na dip bak yo dima ba, apai ‘Je di gembala Israel nya e, mun di buhun bibor micut igkep je lewo jehek tut jenti noro jehek tut jide domba nya bi.

YEHEZKIEL 34:8

Deheng bitug hon Danti di Allah di diyaijo dinyeng bipia ma jiyok ngon kep dihyet! Mindhe-ndhe di niten-pos nya yaham domba nya ningwig lewo ibon ide gembala hi bi. Je di gembala jingkek ndok tut domba dima yok. Jehek tut jenti noro jehek tut jide domba nya bi.

HOSEA 6:4

Noro tuhan pai “Je di mben Israel kin Yehuda nya e, dinggon ndei je i? Jingon di ngakei Da pren-pren nyen haninyai noyam kin bumbuhui kin nggou di pren mem njap tekti.

IMAM NYA IDE MIDYAI 14:43

Gino ig ceu dima bei tig ba, kak plester di nisgwa nutti yem cem leu lo, nisgwa nutti dima yem ig dima bikieng kep dring hanyen,

MATIUS 13:6

Mpe dino mpia ngket lene nikioi mbris lewo com nigau ei dihyei jou bi ba, jei bi leu api mui bingwig.

MATIUS 15:13

Yesus buhup “Dicig ei gwamti mohom njita kioi di Noni ta bi nya hagom.

MARKUS 4:6

Noro mpe dino mpia ngket lene nikioi mbris lewo bit bon com nigau ei dihyei jou bi ba, jei bi lene mui bingwig.

LUKAS 12:45

Noro gino awak dima kan ‘Siceu ug bong ninno ba, mikwei hanyen bigyo’ lene noni sindi hwen bit awak nindigsi nya biyem njita ba, dut ndia ngei di pu noni.

LUKAS 16:19

“Mpe di gom ne tungwagom di nyeng bibor no rinaha ba, noni juk kep sinsun di nibok kak bibor nya lene yem njita ninyeng hagom bikwop njap-njap.

LUKAS 21:34

“Ma jingon sok kep jenti. Leu gino jibou sibui ei nibon pestati kin nidut mun di pu jeti kin niyai munti nya di mipror yon lene njap ningwig honti mittau kros kep je,

LUKAS 8:6

Lene njita ngan gom-gom cut ariwace ug ei tigsi. Jei bi ne nikioi hei noro mbris bimui lewo hei ei dihyei ninggati.

EFESUS 4:14

Leu api inok munggwom nya bu bi. Lewo munggwom nya inok ut mien di mbut ariwace bibit muk di tti kin hou di ttem yok drek dip yo di ingon mang ide ningginausi. Yo dima icom biei mpup ris tungwatu bibindei srawir yok.

FILIPI 3:19

Yoni mitug ndei hukum ug ei hum njengti lewo ikuk yok bak ide ningut pri kepti nya. Suar immai sut igyai kepti nya di biyai ingon jei lewo ikan-kan nyenti sror ndam mun di ntun dihyeisi dini him he.

TIMOTIUS GI NIGOM 5:6

Sop kibom di ba noho rok mun di ngat ningwes eisi lene mbro nok gino niyaijo yo lo, mai su.

IBRANI 13:9

Ma jisindui sut ba, nihyet di nitrowai nya bindei bijisrawir au. Gi bon ninyeng rino jiyai nisindemti tug hon Allah de nisingat tut jeti lene tug hon nidimig sutti di bitut njita di mipror yon bi. Nidimig sutti dima ngat ningat di kei hi mem yo di ibit nya bi.

YAKOBUS 5:5

Jibong kei jigwam kei ei dihyeisi dini ba, jiba joho rok mun di jingat jingwes eisi. Gima tereu nok jibindei mmau jenti bijimmau ndok ei mem njap dino ibui je dem kep nok ibui mikwau.