YOSUA 8:29 - ALLAH NIHYET MEM TUNGWATU NYA

²⁹ Tentara Israel ipindur nibou ndig Ai ningut ei cou dihimti lene isindui sut ei sirima kikau bipek mmunti. Tirigi mpia cutti lene Yosua cuk tentara nya ibou poi ba, icug nimbiam ngut dima bicom hak ei dimbou pmem minu ndig Ai nuhui a. Leu api ittei tig mang bibor ba, inju bijo-jo yam dip ei mpia dima. Tig dima yok no jo nijoti dima kikau kwei bipek ammani kep.

YOSUA 8:29 ပူးပေါင်းရင်းမြစ်များ

SAMUEL GI NICAN 18:17

Lene nide limwa nya icug Absalom ningut binjei ug ei jui nsi di jut bibor ei bigbehei pima leu api idingug tig mang bibor bijo-jo yam dip ser nuhuigya. Lene tentara Israel pima yok yahagom inang bingkwei hanyen ug ei itimieisi.

ESTER 7:10

Apino yoni ipindur Haman ei cou dihim di Haman nonti tas ei mem gima bipindur Mordekhai eisi leu api nibou ndig ningon cut leu nigga biborti.

MAZMUR 107:40

Noni om yo di inyeng tak kep yok nya bibindei ba, ite-te nyen bisrawir ei iggum ndigsi di bon puig hi bi.

MAZMUR 110:5

tuhan ya kui anda com. Gino Noni gga nibou ndig nya lene Noni mibindei timek yok bingwig.

YOHANES 19:31

Njap dima ne ide Njap Nigwam Kep Ninghuisi ba, mben Yahudi itin ei mem Njap Ndig Paskah di cut igbit njap dima ri. Gima rino nibou mben Yahudi nya ikou sut gima nimbiam nya ingut jo ei biei salibti kikau mem Njap Nigwam Kep Ninghuisi a. Lewo njap dima ne Njap Ndig di bon ninyeng. Gima rino yahara Pilatus leu binhyepo noni sindui sut yok ba, idahat yo di ipek yok ei biei salibti imig leu api icug ingut leu biei salib.

KISAH 12:23

Hammi tirigi ikon ighyet nok rino Tuhan de malaikati gom tot Herodes kros lewo noni nggei sut Allah Nongkom he bi. Apino nji nya isui ningut bibindei ba, mai hak ug.

YOSUA 10:30

tuhan bindei ba, tentara Israel ibindei timek minu ndig dima kin nide nibou ndig cem. Yoni isindui sut tungwagom cem biniyaijo ei bi. Noro igyai nimai bak timiei minu ndig dima yok yahagom. Lene Yosua bibon nibou ndig dima noyam kin gi po bibon nibou ndig Yerikho pima.

YOSUA 10:33

Mbro nok gino Horam di nibou ndig Gezer kwei mpu mben Lakhis lo, Yosua bindei timek noni kin nide tentara nya cem. Tentara Israel igyai nimai bak yahagom ba, hi niyaijo ei bi.

YOSUA 12:9

Nibou ndig di mben Israel ibindei timek yok yahagom sok yam imangti ibou ningot ningai. Nibou ndig dima yok leu minu ndig Yerikho kin minu ndig Ai (gi dideu Betel) kin Yerusalem kin Hebron kin Yarmut kin Lakhis kin Eglon kin Gezer kin Debir kin Geder kin Horma kin Arad kin Libna kin Adulam kin Makeda kin Betel kin Tapuah kin Hefer kin Afek kin Lasaron kin Madon kin Hazor kin Simron-Meron kin Akhsaf kin Taanakh kin Megido kin Kedes kin Yokneam (ei Karmel) kin Dor (ei les him) kin Goyim (ei Galilea) kin Tirza.

YOSUA 7:26

Gima leu api ittei tig mang bibor binju bijo-jo yam dip ei mpia dima ba, tig dima no jo kikau kwei bipek ammani kep. Gima rino ijem mpia dima ninyeng Mbang Briep Nuum Ningon Buhun. Lene tuhan kes hon ba, gga yok bu bi.

YOSUA 8:23

Nibou ndig Ai nongkom ngat he rino niyaijo api ikat ba, ikri noni ug ei Yosua noho bei.