YOSUA 8:28 - ALLAH NIHYET MEM TUNGWATU NYA

²⁸ Yosua nya indig minu ndig Ai binok humekti. Lene isindui sut ba, minu ndig Ai jo nok gima kikau kwei bipek ammani kep.

YOSUA 8:28 ပူးပေါင်းရင်းမြစ်များ

NIBOU NDIG NYA GI NICAN 19:25

Amiap e, Da di tuhan dikos tut ayai munti nya hagom habiei ei nimbie him tu bi e? Lene hagom dem igbit dikos tutti tu. Dibindei ba, ayai nisindemti leu binhyepo akon pran bit minu di sindem nya lene abindei ba, hagom sar bingwig.

YESAYA 17:1

tuhan pai “Minu ndig Damsyik miwer no minu ndig bu bi. Noro miwer mun ig kum kroisi di kui sur mpia he.

YESAYA 25:2

Abindei timek minu ndig nya ba, anggek tentara nibousi di igya coi nya bisinsiou cem tu. Ig nibou ndig di ngkiai nya iwin dima sar hak. Lene iwin hanyen bu bi bijo ninno bijo kikau.

YEREMIA 49:2

Noro tto bou dem leu api midibindei timiei minu Amon de minu ndig pmem Raba ba, imiap pran nigwei di bong yo. Minu ndig dima mitti sinsiou ba, hum yem minu mien ngot di jo ttai nya hagom bingwig. Leu api mben Israel igyai dihyei di ide hanyen leu yo di nipou igyai di igyati pima inda nsi.

YEREMIA 50:26

Siceu jen e, ma jicoi bijihwen mben Babel leu nima kwei-nima kwei ba, jinggek nide ig gudan di inju gandum eisi nya! Jicat ndigban di jipos nya keyam bikui sur mpia noyam kin gi jinju gandum keyam di kui sur mpia pimo! Jibindei sar minu dima! Ma jibet bihi biniken jo ei au!

YEREMIA 9:11

tuhan pai “Midibindei ba, minu ndig Yerusalem cut bitimek ningwig leu api nsien mbrei nya milus-lus nyen kwei bibong ser ig kumti ba, minu mien nya di jo ei minu Yehuda nya minok ha ngunti lewo timiei nya isar bingwig leu su.”

MIKHA 3:12

Gima rino tungwatu nya miba sapi bibrim ngkimom nitu bitem Sion de igkumti ba, jide siceu nya mibindei minu ndig Yerusalem ba, timek bingwig cem. Leu api nungug tou di tuhan De Ig joti miluei nitta binok baham tigotti bu drek dip jiyai munti di mbuk bibor nya.

NINDAT KEP TUHAN NICUKTI NYA 13:16

Suar jimbus timiei minu ndig dima yok ide ndigban hagom keyam bijo-jo yam dip ei biyati gom leu api jindig minu ndig dima bitut ndigban di inyeng tut nya hagom kep hum nok nibon midut mem jide tuhan Allah. Gima leu su lene suar jisindui sut mpia dima leu binhyepo nindung yem dihyei ei bijo ninno. Lene ma jiwin minu dima hanyen bu au.

NINDAT KEP TUHAN NICUKTI NYA 13:17

Ma jiyok ndigban nisigion nya dima mem jenti njem au. Noro suar jibindei sar mun dima yok hagom bingwig hak. Apino tuhan nigga biborti mikes hon leu api Noni mindo nisingat tut jeti hanyen bije. Ningon nggriu sut jeti mibindei ba, jimang ndig bibor bit leu nok gi po Noni preu ei mem jidigup bat-jidigai bat nya pima.

YOSUA 4:9

Lene Yosua dingug tig nindak simnaibrimigcan hi kin bu ei Yordan ninggimau hammi mpia di imam nya igya tut Brua Gi Preu eisi. (Tig simnaibrimigcan dima jo nijoti kikau kwei bipek ammani kep.)

YOSUA 8:29

Tentara Israel ipindur nibou ndig Ai ningut ei cou dihimti lene isindui sut ei sirima kikau bipek mmunti. Tirigi mpia cutti lene Yosua cuk tentara nya ibou poi ba, icug nimbiam ngut dima bicom hak ei dimbou pmem minu ndig Ai nuhui a. Leu api ittei tig mang bibor ba, inju bijo-jo yam dip ei mpia dima. Tig dima yok no jo nijoti dima kikau kwei bipek ammani kep.