YOSUA 8:20 - ALLAH NIHYET MEM TUNGWATU NYA

^20-22 Lene tentara Ai ikiek yok bei inghim dip bingat lo, hum nimmup brou bikui ug ei mpia-bbed him. Yosua kin nide tentara nya cem ingat hum mmup lene ikan bipia tentara nindigsi nya pima ihwen minu ndig Ai leu bigyai bigyati tu. Gima rino Yosua ya tut nide tentara ba, ikiek yok kep mben Ai bihwen yok bigyai nimai biyok cem. Tentara Israel di ingat rin ei minu ndig dima cem ikwei ba, yoni cem ihwen yok. Apino ittem timiei minu ndig Ai ndam yam ba, bit bon inangti bi. Tungwagom ngat cem kwat nyahan ba, ningwes ngun cem bi. Mben Israel igyai nimai bak yo dima yahagom bingwig.

YOSUA 8:20 ပူးပေါင်းရင်းမြစ်များ

NITRITI 19:28

Lene noni cap ser mbang briep mo jug ndam Sodom kin Gomora bingat lo, hum mmup brou noyam kin hum di yem baham kikau bikui ug ei mpia-bbed him.

AYUB 11:20

Noro yo di isibut nya miba ingon di ttai-ttai bou biput-put nyen bingat lo, mem yoni ne hi dima mpu yok bi. Ba, yo dima igyok ingon mem ide njap ningwigsi tau kep yok bimai hak ug.”

MAZMUR 76:5

Mbenjen! Na di Allah anyeng jei bibor ba, Ade nisieng-siausi piga kei tirigi angkwei hanyen leu nungug him di abindei timek Ade siceu nya eisi.

YESAYA 34:10

Hi dima mu ninjeng dima kan bi ba, jo njap jei mmun jei dimo kikau. Lene nimmup di brou leu mpia dima brou bijo ninno bijo kikau. Mikes dihyei dima bijo ngwak lene bingak-cai leu nintun him yamti di bram yam nya ug ei nintun him yamti di bram yam bu nya cem. Hi dima mbut kak dihyei dima bu bi sren.

YOSUA 8:19

Hammi tirigi Yosua su ninda tut nide micim lene nimpung tentara di iku yo nyahan pima ikiju bigya haninyai ba, injei bihwen minu ndig Ai leu bigyai bigyati. Lene ibindig minu ndig dima cem.

NINGAT-HI-NGAT NYA 18:9

Nibou ndig dihyeisi dini di icut tut noni bimbus ndigban nindig bibor keyam ei bit noni cem yahagom mipim bigyai nggwei kibor tut minu ndig dima tirigi ingat hum mmup di brou leu hum di yem noni bingkiong dima.

NINGAT-HI-NGAT NYA 19:3

Leu api tungwatu ningot ndig ighyet tibim hanyen bu bipai “Jikwei ba, inggei sut Allah! Hum di yem minu ndig di ninyeng jei dima nimmup brou bijo kikau buug hon nohonti bi o!”

NIJAM NIKEI NYA 20:38

Noro tentara Israel gi nahacan kin nimpung di iku yok nyahan pima igyok ingon gom nipou su bipia gino tentara gi nahacan ingat hum di nimmup brou kui leu minu ndig ninggimau yon,

NIJAM NIKEI NYA 20:40

Noro ingat lo, hum mmup brou bikui leu minu ndig Gibea ninggimau yon tu. Tirigi ikiek yok bingat lo, hum yem ide minu ndig titut yam tu lene idigit tut.

NIJAM NIKEI NYA 20:41

Ei nituti dima cem tentara gi nahacan ikiek yok kep yok bikon pran bit yok. Apino tentara keret Benyamin nya ingon tai-tai bou lewo ikan tut bipia yoni micut ug ri.