YOSUA 8:2 - ALLAH NIHYET MEM TUNGWATU NYA

² Suar abindei nibou ndig minu ndig Ai kin nide minu ndig noyam kin gi abibon nibou ndig Yerikho kin nide minu ndig nipou su pima. Noro tut mben Ai ne disindui sut ba, apos ide ndigban kin mindhe-ndhe nya ba, ama nok ade kin ade limwa nya ide. Atin ei mem gima acoi ug ei minu ndig dima ba, ahwen kros leu nite bei ninghim.”

YOSUA 8:2 ပူးပေါင်းရင်းမြစ်များ

NIBOHON MBEN ISRAEL GI NICAN 13:13

Tirigi Abia jem biyok bisri lo, Yerobeam kes nide tentara nya nite hi biyuug kos dik ser siceu di timiei Yehuda nya inghim dip dinu kwei su. Lene nindigsi iba yoho rok timiei Yehuda nya bei yoho bei dini ug.

NIBOHON MBEN ISRAEL GI NICAN 20:22

Tirigi nimpung di ipai doia dima yok iba nimbos-hi-mbos bipai doia lene tuhan bindei ba, siceu ide tentara nya igyok nisinsiou ei yamti tirigi itin ei mem ihwen timiei Yehuda nya.

MAZMUR 39:6

Ayo! Akos tut bipia ditde njap cun bibor. Ditde njap nijeisi bon ninyeng ei ayai him bi. Ningat ne tungwatu nya idem kep ninnei di tau nuhwap nsi he.

NIPINGOK NINGONTI 13:22

No di ningon kwes kei mibindei ba, nignyon bat nya iba yokep nide ndigban noro yo di ingon sren nya iba yokep ndigban di yo di ibon sisar inju ei mem yonti.

NIPINGOK NINGONTI 28:20

tuhan mibindei ba, no di ningon gom ningon nggei-hi-nggei noro no di bipbur ba, nibou ngwak sibui sut gi nyeng tut ndigban kin mitiei ningwes ngun leu hukum bi.

YEREMIA 17:11

No di ba ningon di sren bi bitug ndei ndigban noyam kin ha di bong kep ha hiter nidinggwei. Nide njap ug ei nahacanti he apino nide ndigban di nyeng tut nya sar ningwig leu no. Mpe di nide njap ngwig hon lene mijo nibreisi bipia ningon mbum bibor.

YEREMIA 51:12

Jiyai bindo di bitto mem gima jicoi bijihwen minu Babel de ngug tig nya. Lene ma jibindei sindem yo di igya dikti nya bijikes yo di igya ser nya bigya ngkiem ser. Jikes tentara di ikos dik ser minu ndig dima!” tuhan bindei ba, ningon kanti di tin ei mem minu Babel pek kep tu.

NINDAT KEP TUHAN NICUKTI NYA 2:35

Nyeni ipos ide mindhe-ndhe di ighyen kep nya ba, ipos ide mun di inyeng tut nya bicat ndigban di ide nya hagom.

NINDAT KEP TUHAN NICUKTI NYA 20:14

Noro jipos sop nya kin munggwom nya kin mindhe-ndhe nya kin mun nyeng hagom ei minu ndig dima. Jima ndigban ngot di jide siceu ide hagom hak ug. Jide tuhan Allah kes mun nyeng dima yok hagom ei jindati leu binhyepo jinyeng tut.

NINDAT KEP TUHAN NICUKTI NYA 3:2

Noro tuhan pai bida ‘Musa e, ma attin tut noni au. Midikes noni kin nide tentara nya kin nide minu ndig nya hagom titut yam ei jinda nsi. Abindei noni noyam kin gi po abindei Sihon di nibou ndig mben Amori di ninyeng tak kep ei Hesybon pima.’

YOSUA 10:1

Mpe dima lene Adoni-Zedek di nibou ndig ei minu ndig Yerusalem miap Yosua ninghapti tut gi noni kin mben Israel ikon pran bit mben Ai binggek minu dima bitimek bingwig ba, igyai nimai bak timiei minu ndig Ai kin ide nibou ndig dem kep nok gi po ihwen mben Yerikho kin nibou ndig Yerikho pima. Lene noni miap tut mben Gibeon inghapti bipia ibindei ba, mben Israel ikwam minggwen bit yok bice tut yo dima ibong srig mben Israel ikieti.

YOSUA 10:28

Njap dima lene Yosua nya icut igkep mben Makeda bihwen yok lene ibindei timek minu ndig dima kin nide nibou ndig cem. Lene ibiyai nimai bak timiei minu ndig dima yok yahagom. Lene Yosua bibon nibou ndig Makeda noyam kin gi po bibon nibou ndig Yerikho pima.

YOSUA 11:14

Lene mben Israel igisindui sut limwa di ibong ei minu ndig dima yok igom biniyaijo ei bi. Noro igyai nimai bak yahagom ningwig a. Lene ipos ndigban di bon ninyeng nya hagom kin mindhe-ndhe nihyen kep nya hagom ba, ima nok ide bu.

YOSUA 6:21

Lene iba ide simeda bitot timiei minu ndig Yerikho nya nok pinai nya kin sop nya kin munggwom nya kin andigpoi nya yahagom imai bingwig. Lene ibui sapi nya kin domba nya kin keledai nya hagom bingwig.

YOSUA 8:12

Yosua cuk tentara nya ibou sribu muhwi nipou su ba, iku yonti nyahan ei minu ndig dima nite bei mpia nicutti ei minu ndig Ai kin minu ndig Betel ikieti.

YOSUA 8:14

Tirigi nibou ndig Ai ngat yo di ibit Yosua ikileisi lene noni yai nibou tut ba, noni kin nide tentara nya yehei binjei ndam Mbang Briep Yordan mem gima ikon pran bit tentara Israel ei mpia di nipou pima. Noro nibou ndig Ai kan tut tentara po ariman bu mihwen nide minu ndig ei bei ninghim dip pima bi.

YOSUA 8:19

Hammi tirigi Yosua su ninda tut nide micim lene nimpung tentara di iku yo nyahan pima ikiju bigya haninyai ba, injei bihwen minu ndig Ai leu bigyai bigyati. Lene ibindig minu ndig dima cem.

YOSUA 8:24

Tirigi tentara Israel igyai nimai bak siceu ide tentara di yuhuk bram yok ug ei iggum ndigsi pima yahagom bingwig leu su lene ingkwei hanyen kwei ei minu ndig Ai ba, igyai nimai bak yo di yahagom di ingat rin ei minu ndig dima.

YOSUA 8:3

Leu api Yosua tin ei mem njei sut nide tentara nya yahagom ug ei minu ndig Ai. Noni mbus tentara di ikon pran kan nya ibou sribu ningot ningai. Leu api pinak yok ba, iba mmun bimbut.

YOSUA 8:7

Ei nituti dima lene suar jehei leu jiku je eisi ba, jicoi ug ei minu ndig dima lene jihwen timiei nya leu api jiyai minu ndig dima bijiyati. Jide tuhan Allah mikes minu ndig dima ei jindati.

YOSUA 8:8

Tirigi jihwen yok leu ba, jiyai minu ndig dima bijiyati tu lene ma jindig minu ndig dima dem igbit tuhan nicukti. Gima ne jide midyai di dicuk je tut ri.”

YOSUA 8:9

Leu api Yosua cuk yok ba, yuug ku yok nyahan ei minu ndig Ai nite bei mpia nicutti ei minu ndig Ai kin minu ndig Betel ikieti. Leu api igwam ba, imem kep ser ei sirima. Noro Yosua bong mmun dima bit mben Israel ei prak meng yati.

YOSUA 9:3

Noro nibimbiti tut Yosua di bindei timek minu ndig Yerikho kin Ai tibim ei timiei minu ndig Gibeon di imbier kim mben Hewi itingou nsi.