YOSUA 8:14 - ALLAH NIHYET MEM TUNGWATU NYA

¹⁴ Tirigi nibou ndig Ai ngat yo di ibit Yosua ikileisi lene noni yai nibou tut ba, noni kin nide tentara nya yehei binjei ndam Mbang Briep Yordan mem gima ikon pran bit tentara Israel ei mpia di nipou pima. Noro nibou ndig Ai kan tut tentara po ariman bu mihwen nide minu ndig ei bei ninghim dip pima bi.

YOSUA 8:14 ပူးပေါင်းရင်းမြစ်များ

NIBA NINGON SRIP HUKTI 9:12

Tungwatu nya ikan tut ide tto bou mem innei kimbasti bi. Dem kep nok ha nya di iteu ei binggrai di bikingkrai yok kin wau nya di ibiam jala. Nok gima cem tut tungwatu nya ba, mun di buhun cut igkep yok mem njap di ikan tut bi.

YESAYA 19:11

Nibou minu ndig Zoan nya ibbwe-bbwau hak ug! Mben Mesir di ingon ki nya iba ningon mbumti bipingok tungwatu! Ibrim ingkek kep nibou ndig bipai bak bipia yoni ne pung di ingon ki nya kin nibou ndig nya ide nintun him di bram yam nya ri!

YESAYA 19:13

Nibou minu ndig Zoan kin Memfis nya ibbwe-bbwau hak ug. Suar ma yoni ibie tut ide limwa nya noro ibindei srawir yok hak ug.

DANIEL 4:31

Nipou tirigi dikes dihyet bigyo rino nihyet gom tibim kwei leu mpia-bbed him bipai bida “Nibou Ndig Nebukadnezar e, angig atingou mem dihyet! Ade ninyeng tak kepti di sindem bibor sindi pror hak leu na.

MATIUS 24:39

Noro ikan tut mun di micut igkep yok bi. Apino minyei ut kep yok ba, yahagom isar bingwig. Nok gima cem tut njap dino Munggwom Tungwatu Nipmot nikwei hanyenti.

MATIUS 24:50

Jei bi ne niceu mitau hanyen hak kep noni mem nijam di noni yok ningon mem bi kin njap dino noni kan tut bi.

NINDAT KEP TUHAN NICUKTI NYA 1:1

Musa tri tut nihyet bak mben Israel tirigi ibong ei iggum ndigsi ei Minyei Yordan nite dima ug bei mpia nipriti leu api noni pas hagom ei srat diniti. Yoni ibong ei Yordan nyai dideu Suf ba, Paran jo bei mpia nikimbasti lene Tofel kin Laban kin Hazerot kin Di-Zahab jo bei mpia nipriti. (

YOSUA 8:13

Yosua nyohou dimig tentara di ikon pran kan nya nok gini. Nimpung nindig igya ser minu ndig dima nijjai lene nindigsi nya ingat rin ei minu ndig dima nite bei mpia nicutti. Lene Yosua juk ug ei mbang briep mem mmun dima.

YOSUA 8:15

Lene Yosua di ya tut yo di injei bit nya ibon yonti dem kep nok yo di isu jou leu siceu nya ba, inang ndam iggum ndigsi.

YOSUA 8:16

Lene nibou ndig Ai ya tut pinai di ingat rin ei minu ndig Ai yahagom ba, yuhuk Yosua kin nide tentara nya. Noro tirigi yuhuk yok kui jei lene ibuug ninna leu ide minu ndig.

YOSUA 8:5

Lene dani midiya tut nimpung di ibit da ba, nison nyahan dideu minu ndig dima. Ba, tirigi timiei minu ndig Ai nya yehei kwei mem gima ihwen nye lene minikiek nye bininang hanyen kep ninghim dip nok nipou pima.

PETRUS GI NICAN 2:3

Guru dini yok ingon pri kep mitiei nindig bibor. Ibrim mitiei leu je tug hon mumpui di itri tut bije bit leu yonti ingon kanti nya. Noro Nikei di mikes hukum ei yok dip tin ei mem yok mimbrek tu. Ba, No di mibindei cut yok niyai nggrop nggan.

NIJAM NIKEI NYA 20:37

Yo di iku yo pima icut igkep minu ndig dima haninyai bihwen mben Gibea bidem minu ndig ninsi ba, igyai nimai bak yo di ingat rin ei sirima yahagom.