YOSUA 8:10 - ALLAH NIHYET MEM TUNGWATU NYA

¹⁰ Lene Yosua kiju mem njap tekti ngat binduk nide tentara nya ba, idem yam. Leu api noni kin nibou Israel nindigsi nya injei siceu ug ei minu ndig Ai.

YOSUA 8:10 ပူးပေါင်းရင်းမြစ်များ

NITRITI 22:3

Njap bigyoti bu lene Abraham kiju birop biei mem gima ndig ei nimbar hum dokti bikes ei keledai gom dip leu api buwak Ishak kin nide awak nya ibou can ba, yuug ei mpia di Allah mbot kep binoni tu.

MAZMUR 119:60

Dibipbur bidibindei mbut Ade ningginausi nya lene ditum dingon tut bi.

YOSUA 3:1

Njap di hyep bu lene Yosua kin nide limwa di mben Israel yahagom ikiju ba, ilet ide prak meng ei Sitim bimbut tut ug ei Minyei Yordan nintig dip. Lene yohok ide prak meng yati hanyen ei sirima bibet ingon mem nikwesti tirigi isigon minyei ug ei nitehi.

YOSUA 6:12

Lene Yosua kiju mem ha yausi leu api imam nya ikon Brua Gi Preu hanyen.

YOSUA 7:16

Njap di hyep bu mem gwam ntuisi lene Yosua cuk limwa mben Israel bigya bibie ba, keret gom-gom sindam lene tuhan ndo keret Yehuda nok keret di ningon mui.

YOSUA 8:11

Tentara dima yok injei bit Yosua ba, imbut ndam minu ndig Ai de dimbou pmem lene ibohok ide prak meng ei nite bei mpia nijjai. Ei mpia dima ne mbang briep gom bikkin yoni kin minu ndig dima.

YOSUA 8:9

Leu api Yosua cuk yok ba, yuug ku yok nyahan ei minu ndig Ai nite bei mpia nicutti ei minu ndig Ai kin minu ndig Betel ikieti. Leu api igwam ba, imem kep ser ei sirima. Noro Yosua bong mmun dima bit mben Israel ei prak meng yati.