YOSUA 7:6 - ALLAH NIHYET MEM TUNGWATU NYA

⁶ Lene Yosua kin nibou Israel nindigsi nya ingon ngguk bibor apino irik ide sinsun rok yo him drek dip leu api ikuk yok biba ingwak bikik dihyei ei bei tuhan De Brua Gi Preu nuhui him mem njap jei dima kikau bimmun kep ba, ikam atriem bigimahap ei ibousi nok bindo tut ingon di ngguk cem.

YOSUA 7:6 ပူးပေါင်းရင်းမြစ်များ

NITRITI 37:29

Tirigi Ruben tau kwei leu nimbutti bingat ser jui nsi hanyen lo, ngat Yusuf ningat rin eisi bi lene ba ningon di ngguk bibor birik nide sinsun rok him drek dip nikinjoi.

NITRITI 37:34

Apino Yakub ningon ngguk bibor birik nide sinsun rok him bijuk sinsun kron drek dip nipmot ba, ningon di ngguk dima jo kikau ei njap mang.

SAMUEL GI NICAN 1:11

Lene Daud kin yo di igya kui noni irik ide sinsun lewo yahagom ingon ngguk nindig bibor.

SAMUEL GI NICAN 1:12

Yahagom ipim ba, igyai nggwei kibor ba, ingon ngguk bibor cem bigyem njita bi mem nituti poi drek dip Saul kin Yonatan kin tuhan de limwa di tentara Israel po ikon pran lo, imai bingwig pima kikau bimmun kep.

SAMUEL GI NICAN 1:2

Njap di hyep bu lene pinjoi pilei gom tau kwei leu tentara Saul ide prak meng yati. Noni bindei ba, nide sinsun rik-ta bikes dihyei ndung ei nibou nggram him nok bindo tut ningon di ngguk bibor. Noni kwei ngat Daud lene kuk no biba ningwak bikik dihyei ei nimig him.

SAMUEL GI NICAN 12:16

Lene Daud ngat nadi bak tuhan tindei nipmot leu binhyepo mikei hanyen. Noni yem njita bi kikau ba, bong bas ei ansan dip ei nide ninsi bikwop mmun.

SAMUEL GI NICAN 13:19

Lene Tamar kam dihyei ndung ei nibousi birik sinsun ndok di juk dima cem. Noni ba ninda hacem bitak kep ser niimaisi lene ba ningon di ngguk bibor bipim kak nimbutti.

SAMUEL GI NICAN 13:31

Lene nibou ndig ningon ngguk bibor apino kiju birik nide sinsun ei no him lene tti bibong ei ansan dip. Lene yo di igya kui noni cem yahagom irik ide sinsun ei yo him.

NIBOU NDIG NYA GI NICAN 22:11

Tirigi nibou ndig miap nihyet dima rino noni rik nide sinsun ei nonti him lewo ningon buhun bibor.

NIBOHON MBEN ISRAEL GI NICAN 34:19

Tirigi nibou ndig miap tut srat dima nibimbiti lene krau sinsun di juk ser ningkek dip birik. Lewo srat nibimbiti di miap dima bindei ba, ningon ngguk tut.

EZRA 10:1

Tirigi Ezra ba nipim bingat nadi bipai jit sisar ei tuhan De Ig nuhui cem bisri lene limwa Israel nya imang bibor idem yam. Yo dima ne pinai nya kin sop nya kin munggwom nya cem. Nimpung dini yahagom ikwei ngwig ttai Ezra bipim nggruet bit noni cem.

NEHEMIA 9:1

Ug ei njap gi ningot can ba, bitai ei bed dima lene mben Israel yahagom induk yam kwei bisindui njita mem nituti poi ba, ijuk sinsun kron cem yahap dihyei ndung ei ibou nggram him cem di bindo bipia ittin ser ide sisar.

ESTER 4:1

Mpe di Mordekhai miap tut mun di buhun di tau kep yok dima lene rik nide sinsun di jo ningkekti rok him bijuk sinsun kron di bindo tut ningon di ngguk. Lene kam atriem bigimahap nibou leu api hwou ug ei minu ndig pmem Susan lene ningon ngguk bibor bipim kui jei sut,

ESTER 4:3

Tirigi yo pima itri tut nibou ndig nicukti bidem hanjop nsi hagom tu lene mben Yahudi ipim nggruet bidem minu Persia kin Media nisurti-nipekti hagom. Lene ibiyem njita bi cem ipim kui jei sut cem iba nicot pai nyen cem ba, imang bibor ijuk sinsun kron ba, irim-rim nyen bibong atriemti cem.

AYUB 1:20

Lene Ayub kiju birik nide sinsun ei no him gi bindo bipia ningon ngguk bibor. Noni kak nibou nta leu api tti ug ei dihyeisi biba ningwak bikik dihyei,

AYUB 2:12

Tirigi igya ei minu ting bingat Ayub lene ingat igbit noni bi. Noro tirigi ingat igbit noni tu rino ipim kep ba, igyai nggwei kibor birik ide sinsun ei yo him cem lene ikam dihyei ndung ba, igimahap hi kui lene ikes hi ei ibou nggram him cem. Igyaisi dima bindo bipia ingon ngguk bibor.

AYUB 42:6

Gima rino dimmai sut mun di tibim ei duhui him hagom bidigwam atriemti nok bindo bipia dittin ser hagom tu.”

NIBWOS-BWOS NYENTI 2:10

Ndigpoi ndig nya igwam bbwe ei dihyeiti ba, ikam dihyei ndung bikes ei ibou nggram himti lene ijuk sinsun kron di bindo tut ingon di ngguk o! Sop gwam nitta pilei ningat nya cem igwam biyuhuk bou lene iba ingwak bikik dihyei o!

MBEN ISRAEL IMBUT-MBUT NYEN 14:6

Lene Yosua di Nun nipmot kin Kaleb di Yefune nipmot po ibit yo di imbris nyahan biyuug yok itta kep minu Kanaan pima irik ide sinsun nok bindo bipia ingon buhun bibor.

MBEN ISRAEL IMBUT-MBUT NYEN 16:22

Noro Musa kin Harun ikuk yok lene iba ingwak bikik dihyei leu api yahara “Allah e, Nani ne nibousi mem mun di yai niyaijoti nya hagom. Gino tungwagom ngat he bon sisar lene ma agga limwa nya yahagom e?”

MBEN ISRAEL IMBUT-MBUT NYEN 16:45

“Jisujou leu yo dima. Leu midibindei sar yoni cem ei mpia ttou nsi dima ug ri!” Noro yo cin ikuk yok biba ingwak bikik dihyei,

KISAH 14:14

Noro tirigi ingon kanti dima jo nibreisi mem Paulus Barnabas nya lene irik ide sinsun rok him leu lene idor bisrig yo dima ikieti ba, imbrua kep yok bipai,

YOSUA 7:7

Lene Yosua pai bak tuhan “Ditde tuhan Allah e? Abuwak nye kwei ei Minyei Yordan nite dini mem mindei i? Mem gima akes nye ei mben Amori indati leu binhyepo igyai nimai binyeni e? Gino nibong hak ei Minyei Yordan nite dinu hak ug lene mun di buhun dini micut igkep nye bi.

NINGAT-HI-NGAT NYA 18:19

Ikam dihyei ndung ba, ibigimahap ei ibousi cem ipim cem ingon ngguk bibor cem ba, yahara “Ayo! Ayo! Notou mem minu ndig di ninyeng jei dima i? Kiten kibar nya yahagom igyai mitiei nindig bibor tug hon ndig ban di nibok kui di itri bibipek mun ei minu ndig dima. Noro ndigban di minu ndig dima nyeng tut nya hagom sar mem jam gom ngat he!”

NIJAM NIKEI NYA 11:35

Tirigi Yefta niyai ttem nipmisop dip lene ba ningon di ngguk bibor bibindei rik nide sinsun rok him bipai “Ayo, dipmisop ndia ug o! Abindei bidingon ngguk bibor. Nggon rima abindei bidingon ngguk bibor i? Dipreu ei bak tuhan tug hon neheng ba, bit bon dinggek dingon tut gi preu dima kan bi.”

NIJAM NIKEI NYA 20:26

Apino mben Israel ingkwei hanyen ug ei minu ndig Betel ba, ipim ei tuhan Noho bei. Yoni igyem njita bi kikau bimmun kep. Lene ibon midut nibiyai ningon kwes kin Allahti cem midut nindig mindhe titut kep humti cem bak tuhan ei mpia dima.

NIJAM NIKEI NYA 21:2

Gima rino yoni ingkwei hanyen ug ei minu ndig Betel ba, iba ingon di ngguk bigwam ei tuhan Noho bei kikau ug bipek mmun kep. Ipim ba, ibahara Noni,

SAMUEL GI NIGOM 4:12

Lene tungwagom di nimbier kim keret Benyamin dor kikau kwei leu mpia po tentara ikon pran bit yam pima bikwei krau Silo ei njap gom ndia. Lene noni rik nide sinsun birik-ta bikam dihyei ei nibou nggram him nok bindo bipia ningon ngguk bibor.