YOSUA 7:26 - ALLAH NIHYET MEM TUNGWATU NYA

²⁶ Gima leu api ittei tig mang bibor binju bijo-jo yam dip ei mpia dima ba, tig dima no jo kikau kwei bipek ammani kep. Gima rino ijem mpia dima ninyeng Mbang Briep Nuum Ningon Buhun. Lene tuhan kes hon ba, gga yok bu bi.

YOSUA 7:26 ပူးပေါင်းရင်းမြစ်များ

SAMUEL GI NICAN 18:17

Lene nide limwa nya icug Absalom ningut binjei ug ei jui nsi di jut bibor ei bigbehei pima leu api idingug tig mang bibor bijo-jo yam dip ser nuhuigya. Lene tentara Israel pima yok yahagom inang bingkwei hanyen ug ei itimieisi.

SAMUEL GI NICAN 21:14

Leu api itig Saul Yonatan nya injum bitut ibou muhwindacan pima injum ei Saul nicig Kish nijui di jo ei Zela di keret Benyamin ide dihyei hanjop nsi. Tirigi igyai gima yok hagom bit leu nibou ndig nicuk yokti tu lene Allah buhup ide nadi di ingat mem ide minu dima.

NIBOHON MBEN ISRAEL GI NICAN 29:10

Nogindini diyok dingon mem gima dipreu mun ei mem mben Israel ide tuhan Allah leu binhyepo Noni gga nye bu bi.

EZRA 10:14

Gino ace tut lene nibou nya ibong hak ei minu ndig Yerusalem bimbrap bit yam tut munhyet dini. Leu api suar bikwop tungwagom-gom leu nyende minu dino wak sop mben ngkiai ngkwei hanyen mem bitto bou di itto ei mem noni ba, nibou nya kin nikei nya miyehei sut noni kwei leu nitimieisi di bong ser hak ug. Tug hon nisinati dima lene Allah migga nyeni drek dip munhyet dima bu bi.”

MAZMUR 85:4

Agigga yok bu bi ba, abrim Ade nigga biborti hanyen leu yok tu.

NEHEI LEUSI 32:12

Gino acok tut yok lene mben Mesir misimbot kep biyam bipia abuwak yok kwei leu minu Mesir leu binhyepo acok tut yok bingwig ei nungug him dini. tuhan e, ma angon sibui sut yok au. Noro anggek tut angon kanti leu binhyepo mun di buhun bibor dima micut igkep yok bi.

YESAYA 40:2

Ma jibindei ba, timiei minu ndig Yerusalem ingon jo nyahan. Ma jipai biyok bipia hi muubon yok nok awak bu bi. Dikos ser ide mun di igyai tunggwei nya ba, dikes hukum ei yok dip mbican bram yam tut ide sisar di ibon tu.”

YESAYA 65:10

Yoni mikuk yok biDa ba, domba di ide nya kin sapi di ide nya migya kep minta nghousi bitat ei Briep Bou Him Saron kin Mbang Briep Akhor.

NIBWOS-BWOS NYENTI 3:53

Icom da tut diyaisi ug ei jui minyei bousi di minyei pingge leu. Leu api iba tig mma nindak gom bikibou kep nuhui hanyen ser da.

HOSEA 2:15

Midingkwei nide miai ba anggur nghousi hanyen binoni bidibindei ba, nide Mbang Briep Ningon Buhunti luei nitta binok dimbou niyok ningon memti. Noni miya um Da ei sirima noyam kin nijam di noni sindi kwei leu Mesir nok sop gwam nitta pilei.

HOSEA 2:17

Midipai ser noni leu binhyepo noni ndat kwar Baal ninyeng bu bi sren. Apino tungwatu nya migyok ngon kep kwar Baal ninyeng bu bi.

YOEL 2:13

Ma jiba jingon di nggriu-nggrop bindo tut gi jittin ser jide sisar leu gino jirik jide sinsun ei je him he ne dem mem bi.” Ma jingkwei hanyen ndam tuhan di nok jide Allah. Ningon jo nyahan ba, ngondut je biningon nggriu sut je cem. Noni tin ei mem gima kos ser tungwatu nya ide sisar bikou sut gi kes hukum ei yok dip.

YOEL 2:18

Mpe dima lene tuhan ningon buhun tut Nide dihyei bingondut Nide limwa nya.

YUNUS 1:15

Leu api ikat Yunus bicom noni ug ei muk mpoti apino sigau dima ntus hon ba, mpia mbum-bra.

ZAKHARIA 6:8

Leu api malaikati hara bipai bida “Kuda nya di imbut ug ei nite bei mpia nijjai ug ei minu ndig Babel pima ibindei ntus tuhan de nigga biborti tu.”

MBEN ISRAEL IMBUT-MBUT NYEN 25:8

leu api buhuk bram pinai kin sop pima ug ei prak meng nsi leu api ba micim dima bidat cin dima kin yam. Tug hon nisinati dima lene nsuwer ajar di sindi hwen mben Israel dima kes hon.

NINDAT KEP TUHAN NICUKTI NYA 13:17

Ma jiyok ndigban nisigion nya dima mem jenti njem au. Noro suar jibindei sar mun dima yok hagom bingwig hak. Apino tuhan nigga biborti mikes hon leu api Noni mindo nisingat tut jeti hanyen bije. Ningon nggriu sut jeti mibindei ba, jimang ndig bibor bit leu nok gi po Noni preu ei mem jidigup bat-jidigai bat nya pima.

NINDAT KEP TUHAN NICUKTI NYA 13:18

Gima hagom nok gino jibit tuhan nicuk jeti nya di ditri tut bije njap di ammani hagom ba, jipwoi ningona.”

YOSUA 10:27

Tirigi mpia cut tu lene Yosua cuk nide tentara nya poi ba, icug nimbiam ngut dima yok leu cou dihim dima yok. Leu api injei ingut ug ei hak mihyeti po nibou ndig dima yok iku yonti eisi pima hanyen. Leu api irim tig nindig pima yok ser hak mihyeti dima nuhui dip hanyen. Tig dima yok no jo ei mpia dima kikau kwei bipek ammani kep.

YOSUA 7:24

Lene Yosua ya tut limwa Israel yahagom bikat Akhan lene ikri noni ug ei Mbang Briep Nuum Ningon Buhun bitut nimunggwom bat nya yahagom kin nide sapi nya kin keledai nya kin domba nya kin nide prak meng titut yam kin mun di nyeng tut nya hagom kin mitiei perak kin sinsun ndok di jei kin mas di nggimang pima.

YOSUA 8:29

Tentara Israel ipindur nibou ndig Ai ningut ei cou dihimti lene isindui sut ei sirima kikau bipek mmunti. Tirigi mpia cutti lene Yosua cuk tentara nya ibou poi ba, icug nimbiam ngut dima bicom hak ei dimbou pmem minu ndig Ai nuhui a. Leu api ittei tig mang bibor ba, inju bijo-jo yam dip ei mpia dima. Tig dima yok no jo nijoti dima kikau kwei bipek ammani kep.