YOSUA 7:25 - ALLAH NIHYET MEM TUNGWATU NYA

²⁵ Leu api Yosua pai bak Akhan “Nggon rino abindei di mun di buhun cut igkep nye i? Nogindini tuhan mibindei ba, mun di buhun micut igkep nani!” Pai nok leu api mben Israel iba tig bibihwen Akhan kin nide ig bei nsi nya ba, imai bingwig. Lene indig ndigban di nyeng tut nya hagom kin ndigban di nggimang pima yok cem hagom kep hum ningwig a.

YOSUA 7:25 ပူးပေါင်းရင်းမြစ်များ

NITRITI 34:30

Lene Yakub nso tut bipai bak Simeon kin Lewi “Jibindei ba, mbigom mun di buhun micut igkep da. Nogindini mben Kanaan kin mben Feris kin timiei minu dini yahagom mingon mpo tut da. Dibon ditde limwa nya imang bi. Gino yo dima ibicom yam nok gom bikon pran bit da lene jei bi nyeni ide keret mimai bingwig hak ug.”

NITRITI 38:24

Bed ningai gi nidipti bu lene hi kwei pui kep Tamar ninghapti bak Yehuda bipia nignyot bingon nok sop sundal binghop tu. Gima rino Yehuda cuk nide bat nya bipai “Ma jikat noni ba, jindig noni tut niyaisi jo kep hum ug.”

NIBOHON MBEN ISRAEL GI NIGOM 2:7

Karmi nipmot Akhan di ntun Zerah him bindei ba, mun di buhun cut igkep mben Israel mem mpe di po ikon pran lo, noni pos biku ndigban di ikes pijum hak ei mem Allah.

NIPINGOK NINGONTI 1:19

Ninggimang kep mun cig nya mitug midut drek dip igyai kepti di sibut dima.

NIPINGOK NINGONTI 15:27

Gino aris mun ei tungwatu nyati leu binhyepo abipek mitiei ne gima mibindei ba, mun di buhun micut igkep ade ig bei nsi nya yahagom. Ma asindui sut ba, hi ngot kep na au. Leu api ade njap jei ei dihyeisi dini.

IMAM NYA IDE MIDYAI 20:14

Gino tungwagom wak sop gom bitut sop dima nipmem cem lene suar jindig ibou ningai dima kep hum ba, ibimai kep. Lewo yoni ibon mun di dem mem tungwatu ibonti bi. Ma jisindui sut sisar di nok gima ei jikieti au.

IMAM NYA IDE MIDYAI 20:2

bipai sut nicukti dini bak mben Israel, “Bikwop no di leu jikieti kin ngkiai nya di ibong timiei ei jikieti cem di bui nimunggwom di ndig kep hum bikuk no bak kwar Molokh lene suar limwa nya yahagom iba tig bihwen bimai hak ug.

IMAM NYA IDE MIDYAI 21:9

Gino imam hi nipmisop sindi nok sop sundal lene biyai nimmai bak nicigya. Suar jindig noni kep hum bimai ug.

IMAM NYA IDE MIDYAI 24:14

“Ma abuwak no dima ug ei prak meng yati nisai lene suar bikwop yo di imiap nisigionti pima yahagom ikes inda ei no dima nibou nggram him dip nok bindo di bindo bipia no dima bon mun tunggwei su. Leu api suar limwa nya yahagom iba tig bihwen noni bimai hak.

GALATIA 5:12

Gi kei rino yo di ikipon jeti di nok gima ikum eisi bimbres yonti leu jikieti bihigom!

NINDAT KEP TUHAN NICUKTI NYA 13:10

Jiba tig bihwen noni bimai ug. Lewo noni ris na leu tuhan di nok ade Allah di teu na ba, angwes ngun leu gi awer awak ei minu Mesir.

NINDAT KEP TUHAN NICUKTI NYA 13:11

Nok gima lene tirigi mben Israel imiap nibimbiti tut hukum di cut igkep no dima lene yoni midigit tut nindig bibor apino hi miyai bram no dima niyaisi bibon sisar nok gima bu bi sren.

NINDAT KEP TUHAN NICUKTI NYA 17:5

lene suar jikri no di tunggwei sut mun dima ug ei nide minu ndig dima nisai leu api jiba tig bihwen kikau bimai hak ug.

NINDAT KEP TUHAN NICUKTI NYA 21:21

Leu api suar timiei minu ndig dima iba tig bihwen munggwom dima kikau bimai ug. Tug hon nisinati dima mijicok tut mun di kinei dima leu jikieti. Apino limwa mben Israel mimiap tut mun di cut igkep no dima ba, yahagom ittin tut.”

TESALONIKA GI NICAN 1:6

Allah mibon mun di igbit. Noni miba ninghuisi wei bibirop hanyen bak yo di igyai ninghuisi wei bije lene,

IBRANI 12:15

Ma jisok kep yam leu binhyepo hi ngkwei hanyen leu Allah nisingat tut nyeti au. Ma jisok kep yam leu binhyepo jiwer krisieu nikioi di hei ei jikieti di pu imang bibor bibindei ba, sisar srou yok au.

YOSUA 6:18

Noro suar jinggek ndigban hagom di jo ei minu ndig dima bingwig ug ba, ma jiyai mun nyeng gom mem jenti au. Gino jiyai mun nyeng gom ngat lene gima mibindei ba, mun di buhun bibor micut igkep nye di mben Israel yahagom.

YOSUA 7:15

Leu api mijo nibreisi bipia no di dindo rino nggimang mun po suar jibindei sar pima hi tu a. Suar jindig no dima kin nide ig bei nsi nya kin nide ndigban di nyeng tut nya hagom kep hum bingwig hak. Lewo noni rino yai mun tunggwei sut gi preu pima tug hon sisar di kinei bibor di noni bon ei mben Israel ikieti.”

SAMUEL GI NIGOM 14:29

Lene Yonatan buhup “Aye! Dicig kes mun di buhun bibor bidor njiriek ei nide limwa nya dip! Jingat i! Dinghuisi sindem hanyen tug hon ahwei lon ningei di diyem dima.