YOSUA 7:12 - ALLAH NIHYET MEM TUNGWATU NYA

¹² Gima rino bit bon yahau mem gima ikon pran bit siceu nya kan bi a. Siceu yuhuk yok binang lewo dikes hukum ei mben Israel dip leu binhyepo itug ndei nimai. Gino jibindei sar ndigban po jinggimang pima bi lene midingat rin bit jeni bu bi.

YOSUA 7:12 ပူးပေါင်းရင်းမြစ်များ

MAZMUR 44:10

Noro tini bu ne akes nye ei ba, asindui sut siceu pima yok ibindei timek nye cem. Agikiju ba, anjei bit nye tirigi nittei yam kak nipuig nikon pranti bi.

MAZMUR 60:10

Noro minu Moab ne bokor di dipiap dimig eisi ri. Dimbos-hi-mbos tut gino dibindei timek mben Filistea. Dicom Ditde srop bak mben Edom nok mun di bindo bipia dinyeng tut minu dima.”

NIPINGOK NINGONTI 28:1

Mbro nok gino hi huk bram no di sibut bi lo, noni nang ug. Noro mimbri kui no di ningon gom ningkek dem kep nok mindhe singa.

YESAYA 59:2

Lewo jide nibon munti di kinei rino bindei dino Noni miap kep jide nadi bi a. Jide sisar di jibon nya rino bikwas jeni leu Allah ba.

YEREMIA 23:33

tuhan pai bida “Yeremia e, gino Ditde limwa hi e, he nabi hi e, he imam hi e, kwei hig ser na ‘Apai tuhan nihyet bida’ lene ma abuhup ‘Nanti rino abuhun tak tuhan. Gima rino Noni micom na hak ei.’

YEREMIA 6:8

Je di timiei minu ndig Yerusalem e, suar jimiap kep mun di buhun bibor dima yok hagom nok mun di bisok kep je! Leu ma dikes jeni ei ba, dibindei minu ndig jide binok iggum ndigsi leu ba, hi di mibong ser bu bi.”

HOSEA 9:12

Mbro nok gino isrek tut munggwom nya ba, inyohou yok bindig lo, midikat yok ba, disindui sut munggwom gom ngat biniyaijo cem bi. Je di mben Israel e, tirigi diba dinghim bak je ne buhun bibor mem je!”

HABAKUK 1:13

Nggon rino aba ayai ngat tentara dima yok di ibon mun di mbuk bibor i? Bit bon aba ayai ngat mun di mbuk bibor drek dip Ade ningon kwes-kwausi kan bi e? Ayai ngkek ttin ser yo di bit bon hiter ba ningon com yok kan bi nya bi e? Gima rino nggon rino akimut ahui tirigi mben Babel di imbuk bibor dor njiriek nye ikwei bihwen nye i?

MBEN ISRAEL IMBUT-MBUT NYEN 14:39

Tirigi Musa tri tut tuhan nihyet dima hagom bak mben Israel lene yahagom ingon buhun bibor.

MBEN ISRAEL IMBUT-MBUT NYEN 14:42

Ma jimbut ug ei minu dima au. Lewo tuhan ningat rin bit je bi. Mbigom jide siceu nya mibindei timek je ug ri.

MBEN ISRAEL IMBUT-MBUT NYEN 14:43

Tirigi jikinyon ei nihwen mben Amalek kin mben Kanaanti lene mijimai ug rin lewo tuhan bie tut je ba, ningat rin bit je bi. Lewo jibit nihyet pima bi.”

MBEN ISRAEL IMBUT-MBUT NYEN 14:45

Lene mben Amalek kin mben Kanaan di ibong ser nungug him dima injei siceu bihwen tentara Israel ba, yuhuk yok kikau ug ei Horma.

NINDAT KEP TUHAN NICUKTI NYA 7:26

Ma jipwoi kwar dima yok ba, juug sut ug ei jide ig bei au. Leu gi nok lene mijitug ndei nisigion jeti noyam kin kwar nya di tuhan sigion tu. Suar jingon mpo tut mun dima yok hagom bijimbres jenti leu. Lewo tuhan sigion mun di dima yok hagom tu.”

YOSUA 6:18

Noro suar jinggek ndigban hagom di jo ei minu ndig dima bingwig ug ba, ma jiyai mun nyeng gom mem jenti au. Gino jiyai mun nyeng gom ngat lene gima mibindei ba, mun di buhun bibor micut igkep nye di mben Israel yahagom.

NIJAM NIKEI NYA 16:20

Lene Delila ba nihyet nindig bicuk noni mbigom kin bu bipai “Simson e, mben Filistin ikwei su!” Lene Simson kiju biya lene kan “Misingwes ngun leu mun di kat sa nok gi nipou pima ug ri.” Lewo kan bigya tuhan ningat rin bit noni noro bi.

NIJAM NIKEI NYA 2:14

Gima rino tuhan ningon sibui sut yok nindig bibor ba, sindui sut ngkiai di imbuk bibor nya bihwen yok bipos ndigban nya bingwig leu yok. Noni sindui sut mben Israel ide siceu di ibong ttai yok igya kep bihwen yok bijo ninno apino bit bon mben Israel ikon pran bigya ngkiem kan bi.

NIJAM NIKEI NYA 2:4

Niabiati malaikati dima pai biyok ne mben Israel yahagom ipim kui jei sut nihyet.

SAMUEL GI NIGOM 14:38

Lene Saul nduk nibou di igya kui noni yahagom kwei bipai “Jikwei ba, inggok tut sisar di ibon mem njap di ammani ug e.