YOSUA 6:5 - ALLAH NIHYET MEM TUNGWATU NYA

⁵ Gima ngwig lene ma imam nya imiep ide pun mbrei sindem bibor mbigom ngat. Tirigi je di nindigsi jimiap nimbi bong lene ma pinai nya yahagom imbos-hi-mbos mbigom apino ngug tig di bikrop ttai minu dima hagom milus ug ei dihyeisi. Lene ma ade tentara yahagom icoi ug ei minu ndig Yerikho bigyati.”

YOSUA 6:5 ပူးပေါင်းရင်းမြစ်များ

NEHEI LEUSI 19:19

Lene pun mbrei nimbi bong nindig bibor. Musa hap niji bimbrap leu api Allah buhup nihyet tug hon kru di nisu bong.

YESAYA 25:12

tuhan minggek minu Moab de ngug tig nya kin tentara nibousi di igya coi nya bicom ug ei dihyeisi ba, timek bindung bidem dihyei ndunga.

YESAYA 30:25

Bikwop nungug kin mbigdip nya mibindei hei minyei pmot nya mem njap dino jiyon ttai tentara nibousi niya coi di jide nitok ide nya bijiyai nimai biyok.

YEREMIA 50:15

Jikon jihyet nindig bijihyet sra tut pran ttai minu ndig dima! Nogindini mben Babel ikes yonti ei jinda nsi tu. Siceu nya ihwen ngug tig binjei bitti tu. Dani dibirop hanyen bak mben Babel. Gima rino ma jibibon yok nok gi ibibon nindigsi nya.

IBRANI 11:30

Niba ningon comti bindei ba, mben Israel imbut sir ngug tig di bikrop ttai minu ndig Yerikho nikiou kikau mem njap muhwindacan leu api ngug tig dima lus ug ei dihyeisi.

YOSUA 6:16

Tirigi imbut mbimuhwindacan tu ba, imam itin ei mem gima imiep ide pun mbrei nya lene Yosua cuk nide tentara bipia yahagom imbos-hi-mbos. Lene binut nicuk yokti bu bipai “tuhan kes minu ndig dima ei jindati tu!

YOSUA 6:20

Gima rino imam nya imiep ide pun mbrei. Tirigi tentara nya imiap nisu bong lene yahagom imbos-hi-mbos apino ngug tig di bikrop ttai minu ndig Yerikho titut yam lus ug ei dihyeisi. Lene tentara yahagom ikui ug ei minu dima bigya kep bihwen timiei minu ndig Yerikho bidem nisurti-nipekti hagom.

YOSUA 6:4

Lene ma imam nya ibou muhwindacan ibie tut Brua Gi Preu. Ma ittei ide pun mbrei gom-gom ba, ibikwop yok. Lene njap gi nimuhwindacan ma jibon nipui bijimbut bijikrop ttai minu dima mbimuhwindacan lo, imam nya imiep ide pun mbrei kikau igbit imbutti.

YOSUA 6:6

Lene Yosua hig imam pima yok kwei bipai biyok “Ma jikon Brua Gi Preu bijimbut tut lene ma jibou muhwindacan jittei jide pun mbrei nya bijibie tut.”

NIJAM NIKEI NYA 20:37

Yo di iku yo pima icut igkep minu ndig dima haninyai bihwen mben Gibea bidem minu ndig ninsi ba, igyai nimai bak yo di ingat rin ei sirima yahagom.

SAMUEL GI NIGOM 17:20

Njap di hyep bu ne Daud kiju mem njap tekti bikes nide domba nya bak hiter binyohou yok leu api pwoi njita dima bittei bit leu nok Isai nicuk noti.

SAMUEL GI NIGOM 17:52

Lene tentara Israel kin Yehuda imbos-hi-mbos ba, yuhuk bram yok njiriek minu ndig Gat kikau ug ei dimbou hui ei minu ndig Ekron. Itot tentara Filistin imang bibor bibindei ba, itug ndei ibok buhun bibor leu api yo di ibok itti ug ei dihyeisi kak puig dima kikau ug ei Saaraim.

SAMUEL GI NIGOM 4:5

Tirigi Brua Gi Preu dima ttau kep yok lene tentara Israel imbos-hi-mbos nindig bibor bibindei ba, dihyei ugwa-kwei.