YOSUA 6:4 - ALLAH NIHYET MEM TUNGWATU NYA

⁴ Lene ma imam nya ibou muhwindacan ibie tut Brua Gi Preu. Ma ittei ide pun mbrei gom-gom ba, ibikwop yok. Lene njap gi nimuhwindacan ma jibon nipui bijimbut bijikrop ttai minu dima mbimuhwindacan lo, imam nya imiep ide pun mbrei kikau igbit imbutti.

YOSUA 6:4 ပူးပေါင်းရင်းမြစ်များ

NITRITI 2:3

Lene Noni yai gi kei bak njap gi nimuhwindacan dima bipai sut bipia bon ninyeng ba, ndo nok njap nindig di ikuk nye bak Allah lewo ei njap dima ne Noni kes ninda tut midyai tirigi Nide midyai put leu su.

NIBOU NDIG NYA GI NIGOM 18:43

Lene noni cuk nide awak gom bipai “Aug ba, acap ser muk ngwa dip.” Nide awak ug cap ser bikwei hanyen lene pai “Dingat mun nyeng hi bigyo.” Noro Elia cuk noni mbimuhwindacan bicap-cap nyen ser.

NIBOU NDIG NYA GI NICAN 5:10

Leu api Elisa sok nihyet ei nide awak dip bak Naaman bipai “Andigpoi e, ma aug kek Minyei Yordanti mbimuhwindacan leu api ayai angkek ngun eisi hanyen ug ri.”

NIBOU NDIG NYA GI NICAN 5:14

Gima rino noni ug ei Yordan nyai bitur nonti eisi mbimuhwindacan bit leu nok Elisa nicuk noti apino yai ningkek ngun eisi hanyen ba, ningkek dia kei dem kep nok munggwom pilei ngkek.

NIBOHON MBEN ISRAEL GI NICAN 13:12

Allah Nonti nok nyende nibou di bie tut nyeni lene Nide imam nya cem ingat rin bit nyeni. Yoni itin ei mem gima imiep pun mbrei nya nok bindo mem gima ninjei ba, nikon pran bit je. Mben Israel jen o! Ma jaham jimbuk kep jidigup bat-jidigai bat nya ide tuhan Allah au o! Lewo bit bon jibindei timek nye kan bi sren o!”

NIBOHON MBEN ISRAEL GI NICAN 20:17

Ma jeni jikon pran ei pran nicutti dini bi. Ma juug bijiya jiyati hak ei mpia di indo mem je ba, jiya hak ei sirima. Lene mijingat bou jiyai him bipia tuhan mibindei timek jide siceu nya. Je di timiei Yehuda kin Yerusalem e, ma jingon ku jenti tut ba, jidigit tut au. Ma jinjei siceu mem gima jicoi ug ei pran dimati leu api tuhan mimpu je!”

NIBOHON MBEN ISRAEL GI NICAN 20:19

Leu api Lewi nya di intun Kehat kin Korah insi de him nya ikiju bigya. Iba nimbos-hi-mbos bikon mben Israel ide tuhan Allah ninyenga.

NIBOHON MBEN ISRAEL GI NICAN 20:21

Tirigi nibou ndig mbrap bit limwa nya leu su lene cuk nimpung di ipai doia leu binhyepo ijuk sinsun nimig-ninda di ijuk kikep mem njap di ibon midut nya ei tuhan De Ig pijum nya. Suar nimpung nipai doia dima ibon nimpung bigya igyati tut ide sinsun nibon midut ei nimpung tentara yoho bei ba, ibipai doia ninno “Ma jinggei sut tuhan! Lewo ningon ngakei nye bijo ninno bijo kikau!”

AYUB 42:8

Nogindini ma jijem sapi nikre ningut muhwindacan kin domba nikre ningut muhwindacan ba, jijem bak Ayub. Lene ma jibui mindhe dima hagom bijindig kep hum ei nimbar hum dokti drek dip jide sisar. Ayub mingat nadi tindei je lene midibuhup nihyet. Mbro nok gino jiji kipa tut Da bijipai mun di igbit bi lo, midibinim kep je ba, suar jibiang jipai munti nya nibuhunti bi. Noro Ayub pai mun di igbit tut Da.”

YESAYA 27:13

Mpe dima lene pun mbrei nindig nimbi mibong mem gima ibijem mben Israel di icom yok ug ei minu Asyur kin minu Mesir yahagom hanyen kwei. Yoni mikwei ei minu ndig Yerusalem mem gima ikuk yok bak tuhan ei Nide nungug di kwes-kwau.

IMAM NYA IDE MIDYAI 14:16

Lene tur ninda pijum eisi ba, bimpug tuhan De Prak Meng mbimuhwindacan.

IMAM NYA IDE MIDYAI 4:6

Lene ma noni tur ninda pijum ei ninggrom pimati bibiprok bei ban mbrawin di jo ser Ninsi Di Kwes-Kwau nuhui mbimuhwindacan.

ZAKHARIA 4:2

lene hig da “Angat mindei i?” Dibuhup “Dingat mini njeng nidihim di iba mas bibon. Bokor di mem mini joti jo ei niyenti gi nidip hu kwei ba, mini njeng nika muhwindacan jo ttai ninghas him. Bikwop mini njeng nika bon nipu di ikwas muhwindacanti binok hum njeng ningat muhwindacan.

ZAKHARIA 4:6

Malaikati dima cuk da bidipai sut tuhan nisokti dini bak Zerubabel. “Bit bon agiyai mun bipek kep tug hon tentara nya ide nisindemti kin nanti ade nisindemti cem kan bi. Noro tug hon Dinnei he.

MBEN ISRAEL IMBUT-MBUT NYEN 23:1

Leu api noni cuk Balak bipai “Adingug tig bijo-jo yam dip nok nimbar hum dok ningat muhwindacan ei sirini. Lene ma ajem sapi nikre ningut muhwindacan kin domba nikre ningut muhwindacan kwei bida.”

YOSUA 6:13

Lene imbut tut bibibit tentara di ibie mem gima ibon nipui bimbut bikrop ttai minu ndig Yerikho nimbican bit leu nok gi imbut annani tu pima. Tentara nya bihi ibie lene imam ibou muhwindacan di imiep ide pun mbrei igya abia kep yok bu lene imam di imbut tut Brua Gi Preu igya abia kep yok bu lene tentara nya bihi igya abia kep yok bu lo, pun mbrei nisu bong kikau.

YOSUA 6:3

Ma nani kin ade tentara nya jibon nipui bijimbut bijikrop ttai minu dima njap gom mbigom lene nok gima ei njap muhwindagom bram yam.

YOSUA 6:5

Gima ngwig lene ma imam nya imiep ide pun mbrei sindem bibor mbigom ngat. Tirigi je di nindigsi jimiap nimbi bong lene ma pinai nya yahagom imbos-hi-mbos mbigom apino ngug tig di bikrop ttai minu dima hagom milus ug ei dihyeisi. Lene ma ade tentara yahagom icoi ug ei minu ndig Yerikho bigyati.”

NINGAT-HI-NGAT NYA 1:20

Gini ne mimun tut ham mpia-bbed him ningat muhwindacan di dikrau ei dinda com bou ayai him kin mini njeng nidihim ningat muhwindacan di iba mas bibon ri. Ham ningat muhwindacan dima ne malaikati nya ibou muhwindacan di ibuhup tut mbusyamei ningat muhwindacan ri. Ba, mini njeng nidihim ningat muhwindacan ne mbusyamei ningat muhwindacan ri.”

NINGAT-HI-NGAT NYA 1:4

He disut bat je di jingat rin ei mbusyamei ningat muhwindacan ei hanjop Asia e, dani ne Yohanes ri. Handei kon ba, Allah singat tut je biyai jingon jo nyahan. Nipigo jeti dini leu Allah di ningat rin annani cem ammani cem di mikwei hanyen yo cem kin ninnei muhwindacan di igya ei Allah de banggo mbrei Noho bei,

NINGAT-HI-NGAT NYA 10:3

Noni ba nihyet nindig bibor di dem singa niyausi bahara. Tirigi kes nihyet leu su lene kru muhwindacan ba nisu nindig bibor di bong bibuhup nihyet.

NINGAT-HI-NGAT NYA 15:1

Gima ngwig leu lene dingat bindo di mindur bibor gom kin bu di ttau hak ei mpia-bbed him. Malaikati nya ibou muhwindacan ikwei sut nsuwer ajar ningat muhwindacan di Allah bet ei mem ningwig honti. Nsuwer ajar dima yok bindo tut Allah nigga biborti ningwigsi.

NINGAT-HI-NGAT NYA 15:7

Lene mindhe gom leu mindhe ningut bitai dima yai bokor mas ningat muhwindacan bak malaikati ibou muhwindacan dima. Bokor dini yok ut tut Allah di niyaijo kikau nigga biborti ba,

NINGAT-HI-NGAT NYA 16:1

Lene dimiap nihyet ndig bibor di tibim kwei leu Allah De Ig di cuk malaikati ibou muhwindacan dima “Jug ba, jisiber Allah nigga biborti leu bokorti ug ei dihyeisi mu.”

NINGAT-HI-NGAT NYA 5:1

Leu api dingat lo, No di gwam banggo mbrei dip di krau srat kijum ei ninda com. Srat bokti mang bibor jo ei bei ninghim-noho lene iba biei nggrai bikrau kep srat dima mbimuhwindacan niti.

NINGAT-HI-NGAT NYA 5:6

Leu api dingat Domba Pmot di ya niyati ei banggo mbrei ninggimau. Mindhe ningut bitai kin nibou pima yok yahagom igya ttai Noni. Dingat lo, Domba Pmot noyam kin domba di ibui bimai nipou su. Nibou nggai muhwindacan tug nibou nggram him ba, Noni bon niyai njep muhwindacan lo, niyai dini yok ne Allah ninnei muhwindacan di Noni pinak ug ei dihyei nisurti-nipekti ri.

NINGAT-HI-NGAT NYA 8:2

Gima ngwig leu lene dingat malaikati nya ibou muhwindacan di igya ei Allah Noho bei bikrau pun mbrei nika muhwindacan.

NINGAT-HI-NGAT NYA 8:6

Mpe dima lene malaikati ibou muhwindacan di ikrau pun mbrei nika muhwindacan itin ei mem imiep.