YOSUA 6:19 - ALLAH NIHYET MEM TUNGWATU NYA

¹⁹ Gino jingat mun di iba perak kin mas kin ngkimom-tembaga kin ngkimom nitu bibon lene ma jipigig sut ei mem tuhan ba, jikon hagom kwei bijinju ei Nide Prak Mengti.”

YOSUA 6:19 ပူးပေါင်းရင်းမြစ်များ

SAMUEL GI NICAN 8:11

Lene Nibou Ndig Daud kwas ndigban dima yok hagom tut tuhan mem ibibon midut nya. Yai nok gima tut ndigban mas kin perak di pos leu Hadadezer kin mben Edom kin Moab kin Amon kin Filistin kin Amalek yahagom di noni bindei timek yok tu nya cem.

NIBOU NDIG NYA GI NIGOM 14:26

Lene noni pos mun di nibok kak ei tuhan De Ig nya hagom kin gi hi di jo ei nibou ndig de ig nindig hagom bitut mun di tentara nya isu ba, ibipukep tibor nggwen nya di Salomo ba mas bibon nya cem hagom bimbut tut.

NIBOU NDIG NYA GI NIGOM 7:51

Tirigi Nibou Ndig Salomo bindei ba, ingot tuhan De Ig biput tu lene noni bindei ba, inju mun po nicig Daud dimig ei mem tuhan po noni bindei ba, tukan iba perak kin mas bibon pima bitut ndigban nindigsi nya pima ei gudan gom di itap ei tuhan De Ig dimati.

NIBOU NDIG NYA GI NICAN 24:13

Lene Nebukadnezar cat mun nyeng gi hi di Nibou Ndig Salomo ba mas bibon leu tuhan De Ig kin nibou ndig de ig ba, nggek tut hagom lene pwoi ndigban di nibok kui hagom bingkwei sut ug ei minu Babel. Gini hagom dem igbit tuhan nipaisi.

NIBOHON MBEN ISRAEL GI NIGOM 18:11

Nibou Ndig Daud ttei ndigban dima yok hagom ba, bikuk no bak tuhan bidimig hagom ei mem nibon midutti nya ei tuhan De Ig. Daud yai bram niyaisi dima tut ndigban mas kin perak di pos leu Hadadezer kin mben Edom kin Moab kin Amon kin Filistin kin Amalek nya di noni bindei timek yok tu.

NIBOHON MBEN ISRAEL GI NIGOM 26:20

Tut nindigsi nya di intun keret Lewi him ne ikes midyai nahati tut mitiei nijoti ei tuhan De Ig kin ig gudan di inju munkwas mem Allah nya eisi.

NIBOHON MBEN ISRAEL GI NIGOM 26:26

Selomit kin nide bat nya yahagom itug ndei midyai nahati tut mun nyeng hagomti di Nibou Ndig Daud kin nibou nimpung ig bei nsi nya kin nibou mem insi de nya kin nibou tentara di inyeng jei nya ikwas di ibikuk yok bak tuhan.

NIBOHON MBEN ISRAEL GI NIGOM 26:27

Munkwas dima ne ndigban nite hi di ipos leu siceu nya ei nikon pranti ba, ikwas pijum ei mem midyai di imam nya igyai ei tuhan De Ig.

NIBOHON MBEN ISRAEL GI NIGOM 26:28

Gi irop ninda ndigsi tut hak lene Selomit ya tut nide ig bei nsi nya ba, yahati tut mun nyeng di ikwas mem midyai di imam nya igyai ei tuhan De Ig. Bitut mun di Nibou Ndig Saul kin Abner di Ner nipmot kin Yoab di Zeruya nipmot ba, yo dini yahagom ikwas tut tuhan tug hon Nabi Samuel cem.

NIBOHON MBEN ISRAEL GI NIGOM 28:12

Daud kes ningon kanti di tin ei bikan-kan nye tut di bitut mpia di jo bas hak di iba ngug tig bikrop ttai nya kin ninsi di jo ttai nya cem tut ig gudan mem mun nyeng di ikwas mem nibon midut ei tuhan De Ig hagom bitut ig gudan di mem mun di nindigsi di ikwas tut tuhan dima igyok keyam eisi nya cem bak.

NIBOHON MBEN ISRAEL GI NICAN 15:18

Asa nju ndigban di iba mas kin perak bibon kin ndigban nindigsi nya hagom di ipos leu pranti nya di noni kin nicig Abia ikwas pijum tut tuhan pima hagom ug ei tuhan De Ig.

NIBOHON MBEN ISRAEL GI NICAN 31:12

leu api inju ndigban di limwa nya ikwas dima kin ndigban di ikwas gom leu ningot gom hagom ei ig gudan dima yokti ba, ibindo Konanya di ntun keret Lewi him ba, noni ya ser ndigban dima yok. Lene ibindo nikinjoi Simei ba, hati tut nikindigya.

NEHEMIA 10:38

Mpe di Lewi nya ingon ya mem munkwas dima yok di imbus keyam ei ne suar imam gom di ntun Harun him pijum ningat rima bit yoni bingig niyai kep. Suar Lewi nya ikwas mun di limwa nya ikwas dima yok gom leu ningot gom lene nok ba, ibindei coi ug ei ninsi di inju kep munkwas eisi ei tuhan De Ig.

YEREMIA 38:11

Gima rino Ebed-Melekh ug buwak yo dima ei nibou ndig de ig gudanti bigyai sinsun nghas nitimiei leu api huk kuk tut juk ndam da,

IMAM NYA IDE MIDYAI 19:24

Ug ei ari bingwam gi nibitai lene ma jipigig ser biei ngat dima hagom mem Da ba, jibinggei sut Da di tuhan.

MIKHA 4:13

tuhan pai “Je di timiei minu ndig Yerusalem e, ma juug bijico kep jide siceu nya! Midibindei ba, mimbri kui jingkek dem kep nok sapi nikre di nibou nggai wer ngkimom nitu ba, ninjou wer ngkimom-tembaga. Mijibindei timek mben imang bibor bingwig leu api jikon ide ndigban kin mitiei di iba imbuk bipos leu siceu nya hagom hanyen kwei bijinjei bak Da di tuhan mem dihyeisi dini hagom.”

MBEN ISRAEL IMBUT-MBUT NYEN 31:11

Gima leu api tentara pima yok ittei mun di ipos pima yok hagom bibuwak tungwatu di ikat yok nya bijem mindhe-ndhe di ipos nya,

MBEN ISRAEL IMBUT-MBUT NYEN 31:12

bingkwei sut hagom ndam Musa kin Imam Eleazar kin limwa Israel yahagom. Mpe dima mben Israel ingat rin ei ide prak meng yati nya ei briep bou him Moab di birok kik minu ndig Yerikho ei Minyei Yordan nite dima ug.

MBEN ISRAEL IMBUT-MBUT NYEN 31:22

yuug yai ide mun di iba mas kin perak kin ngkimom-tembaga kin ngkimom nitu kin ngkimom-jep nitiei kin nimmun cem bibon,

MATIUS 27:6

Imam nindig nya imbus mitiei dima keyam leu api isimbot kep biyam tut bipai “Mitiei dini ne mitiei rindin ri. Allah niggai serti pai ser nye bipia ma nicom mitiei rindin ei brua mem munkwas di jo ei Tuhan De Igti au.”

MARKUS 12:41

Mpe dima lene Yesus gwam biba noho rok brua mitiei ei Tuhan De Ig bitou kep tungwatu nya nggilun tirigi icom mitiei eisi. Lene yo di inyeng nya imang bibor icom ide mitiei nindig bibor eisi.

YOSUA 7:11

Mben Israel ibon sisar tu! Dicuk yok leu binhyepo ibit gi preu di yoni kin Dani nipreu ei biyam tu noro igyai mun tunggwei sut! Lewo ipos ndigban di suar ibindei sar pima hi nyahan ba, inggimang lene iku nyahan ei ndigban nggreti di ide nya leu binhyepo hi kan tut bi.