YOSUA 6:17 - ALLAH NIHYET MEM TUNGWATU NYA

¹⁷ Ma jinggek minu ndig titut yam bingwig ba, jiyai nimai bak timiei nya yahagom nok mun di jibinggei sut tuhan. Noro ma jingget sop sundal Rahab kin nide bat nya au. Lewo noni nyohou ibou can po igyok itta kep minu ndig Yerikho pima biku yok nyahan.

YOSUA 6:17 ပူးပေါင်းရင်းမြစ်များ

NITRITI 12:3

Midinjei mun di kei bak yo di injei mun di kei bak nani. Noro midisigion yo di isigion nani bu. Midinjei mun di kei bak mben dihyeisi dini hagom tug hon nani.”

EZRA 10:8

Tungwa tou rino kwei ei ninsi njap ningai bi lene nibou nya migyai nide ndigban ba, ima hak leu noni leu api iciu ser no dima ninyeng leu daptar di limwa mben Israel inyeng joti. Nibou nya iba inda ceti bipas ei srat di tibim tut nihyet di buhun dimati.

YESAYA 34:6

Nimbiam nggrom kui tuhan de singau simedati lene singau simeda dima mpung tut immau di kuisi bidem kep mindhe-ndhe di indig ei nimbar hum dokti ninggrom kin nimmau pimo. Lewo tuhan tin ei midut dini ei nimbar hum dokti ei Bozra. Noni miyai nimai bak timiei Edom nya ba, iwer nimbiam nindig bibor.

YEREMIA 46:10

Noro da di Yeremia dipai bipia njap di ammani ne tuhan Di Ninyeng Jei ba, Sindem Bibor cem Nide njap ngon bou ri. Noni buhup bak Nide siceu nya yahagom mem njap di ammani. Nide singau simeda miyem yok lene midut inggrom cem bindei. tuhan Di Sindem Bibor bui Nide mun di bibon midut nya ei nite bei mpia nijjai dideu Igmem Ndig Efrat mem njap di ammani.

YEHEZKIEL 39:17

tuhan Di Ninyeng Jei Bibor pai bida, “Na di tungwatu di ayaijo kikau bi e, ma ajem kep ha nya kin mindhe-ndhe nya hagom kwei leu nima kwei-nima kwei mem gima igyem kep nimbiam ngut di ditin ei mem yok nya. Midibon pesta nindig bibor ei nungug him ei minu Israel leu api yoni mipuk bigyem nimbiam inghui bidut inggrom a.

IMAM NYA IDE MIDYAI 27:21

Ug ei Ari Bingwam Ningkwei Hanyenti gi nidipti bu lene hanjop nsi dima nok tuhan de bijo ninno bijo kikau. Ma jiyai dihyei dima bak imam nya.

MIKHA 4:13

tuhan pai “Je di timiei minu ndig Yerusalem e, ma juug bijico kep jide siceu nya! Midibindei ba, mimbri kui jingkek dem kep nok sapi nikre di nibou nggai wer ngkimom nitu ba, ninjou wer ngkimom-tembaga. Mijibindei timek mben imang bibor bingwig leu api jikon ide ndigban kin mitiei di iba imbuk bipos leu siceu nya hagom hanyen kwei bijinjei bak Da di tuhan mem dihyeisi dini hagom.”

MATIUS 25:40

Nibou Ndig mibuhup ‘Ma jiyok ngon kep bipia tirigi jingondut dikinjoi bat di ibon inyeng bi sren dini yok lene gima dem kep nok jingondut Dani!’

KORINTUS GI NIGOM 16:22

Ma Allah sigion no di ningon ngakei Tuhan bi! Maranatha! Tuhan e, ma akwei hanyen!

KORINTUS GI NIGOM 2:7

Noro ningon di ki di nijit-jau di dingginau je tut dima ne ningon di ki di kwei leu Allah ri. Ningon di ki di nijit-jau dima jo nding leu tungwatu nya igyai him. Nipou tirigi Allah pai tes dihyeisi dini bigyo ne Noni kos tut bipia ba ningon di ki di nijit-jau dima bipriet kin Nide nikei-kau-keisi.

GALATIA 3:10

Allah sigion yo di iba ingon com bipia igyai ingon di kwes kin Noni tug hon gino ibit Puig Yahudi niggai serti nya yahagom. Bit leu nok gi ipas ei Allah nihyetti “Tungwa tou rino ba ningon di gom bibit Puig Yahudi niggai serti kikau bi ne Allah sigion no dima.”

GALATIA 3:12

Noro Puig Yahudi niggai serti ntun him niba ningon com Allahti bi. Lewo Allah nihyet pai bipia bikwop tungwa tou rino yai igbit Puig Yahudi niggai serti mitug ndei niyaijo drek dip.

NINDAT KEP TUHAN NICUKTI NYA 20:17

Suar jibindei sar mben Het kin mben Amori kin mben Kanaan kin mben Feris kin mben Hewi kin mben Yebus yahagom bit leu nok jide tuhan Allah nicuk jeti.

IBRANI 11:31

Niba ningon comti bindei ba, niba no dahat pinai pmem di ninyeng Rahab yai nimai bit timiei minu ndig Yerikho di isrep tut Allah bi. Lewo noni cigit mben Israel di ikwei yok itta kep ide siceu nya.

IBRANI 6:10

Allah ningon sren-srau. Ningon miprion ser jiyai munti nya kin jide ningondut yamti di jindo biNoni tirigi jahati tut jisut bat yo di Kresten nipou cem nogindini cem bi.

YAKOBUS 2:25

Nok gima cem tut Rahab di nibou sibui. Noni yai ningon kwes kin Allah tug hon niyai munti tirigi noni cigit mben Israel ibou can di ikwei ba iba itta sien ser ide siceu nya leu api Rahab ku yok nyahan bimpu yok leu binhyepo ingkwei hanyen kak puig hiter bingwes ngun.

YOSUA 2:1

Tirigi mben Israel yohok ide prak meng yati ei Sitim lene Yosua cuk ibou can leu binhyepo yuug yok itta kep minu Kanaan nisurti-nipekti lo, suar igyok itta kep minu ndig Yerikho nipou ug e. Tirigi yoni yuug krau minu ndig Yerikho mem mmun lene Rahab di sop sundal gom cigit yok kui nide ig.

YOSUA 2:22

Leu api yo cin di igyok itta kep minu dima yuug ei nungug him biku yo nyahan. Lene tentara po nibou ndig cuk yok pima inggok ser yok mem njap ningai noro ingat yok bi. Gima rino ingkwei hanyen kwei ei minu ndig Yerikho.

YOSUA 7:1

tuhan pai bak mben Israel tu bipia suar ibindei sar ndigban hagom ei minu ndig Yerikho bihigom lene ma igyai mun nyeng gom mem yonti au. Noro ibit nicukti dima bi. Apino tuhan gga limwa mben Israel bibor drek dip pinai gom di ninyeng Akhan bon mun tunggwei nicukti dima. (Akhan nicig ninyeng rino Karmi ba, nignyon ninyeng rino Zabdi leu Zerah ninsi de ei keret Yehuda.)

SAMUEL GI NIGOM 15:3

Gima rino ma aug kon pran bit mben Amalek ba, abindei timek mun di inyeng tut nya hagom hak ug. Lene ma ayai nimai bak pinai nya kin sop nya kin munggwom nya kin ningwoi-ngwoi nya kin sapi nya kin domba nya kin unta nya kin keledai nya hagom hak ug.”

SAMUEL GI NIGOM 15:6

Lene Saul sok nihyet bak mben Keni lewo yo dima idigup bat-idigai bat nya ingondut mben Israel tirigi po ikwei leu minu Mesir pima. Noni pai biyok “Ma jikes mben Amalek ei ba, jinang leu ide minu ndig leu binhyepo tirigi dihwen yok lene dibihwen jeni bit yoni bi noro mijingwes ngun.” Gima rino mben Keni ikes mben Amalek ei ba, inang leu yok.