YOSUA 6:15 - ALLAH NIHYET MEM TUNGWATU NYA

¹⁵ Lene ikiju mem njap bigyokti ei njap gi nimuhwindacan leu api ibon nipui bimbut bikrop ttai minu ndig Yerikho bit leu nok igyai kepti pima nimbimuhwindacan bu. Ibon nipui bimbut bikrop ttai minu dima mbimuhwindacan bu mem njap gom ngat dima he.

YOSUA 6:15 ပူးပေါင်းရင်းမြစ်များ

MAZMUR 119:147

Dikiju mem njap tekti bidahara mem gima ampu da. Diba dingon com Ade nipreu ei mem dati.

MATIUS 28:1

Njap nigwam kep ninghuisi ngwig leu su lene njap di hyep di nok mben Yahudi ide las gom lene Maria Magdalena kin Maria hiter iba njap bigyoti biyuug yok igyai kep jui dip.

IBRANI 11:30

Niba ningon comti bindei ba, mben Israel imbut sir ngug tig di bikrop ttai minu ndig Yerikho nikiou kikau mem njap muhwindacan leu api ngug tig dima lus ug ei dihyeisi.

YOSUA 3:1

Njap di hyep bu lene Yosua kin nide limwa di mben Israel yahagom ikiju ba, ilet ide prak meng ei Sitim bimbut tut ug ei Minyei Yordan nintig dip. Lene yohok ide prak meng yati hanyen ei sirima bibet ingon mem nikwesti tirigi isigon minyei ug ei nitehi.

YOSUA 6:14

Yahagom ibon nipui bimbut bikrop ttai minu dima mbigom he mem njap gi nican dini lene ingkwei hanyen ei prak meng yati. Lene igyai kep igyai kepti dima kikau mem njap nitindur muhwindagom.

YOSUA 6:16

Tirigi imbut mbimuhwindacan tu ba, imam itin ei mem gima imiep ide pun mbrei nya lene Yosua cuk nide tentara bipia yahagom imbos-hi-mbos. Lene binut nicuk yokti bu bipai “tuhan kes minu ndig dima ei jindati tu!

PETRUS GI NICAN 1:19

Gima rino niba ningon com nihyet di nabi nitimiei nya itri tut dor njiriek bu. Gi kei mem jikrau kep nihyet di itri tut dima di nok mini ninjeng di piga digai nidinditi kikau bibou njap tek ba, hambong ninjeng piga digai jingonti ug e.