YOSUA 5:4 - ALLAH NIHYET MEM TUNGWATU NYA

⁴ Mben Israel ibon midut dima lewo pinai pinjoi ndig di ikon pran kan di ingwes ngun leu minu Mesir yahagom imai bingwig ei iggum ndigsi tu.

YOSUA 5:4 ပူးပေါင်းရင်းမြစ်များ

MBEN ISRAEL IMBUT-MBUT NYEN 14:22

bit bon yo dini ingat minu di dipreu ei mem idigup bat-idigai bat nya bou igyai him bi sren. Mbro nok gino ingat Ditde nikei-kau-keisi kin mun di mindur di dibon mem yok ei minu Mesir kin iggum ndigsi cem lo, ibingon-ngon nyen Da ba, ibit dihyet bi cem ninno tu.

KORINTUS GI NIGOM 10:5

Mbro nok gima lo, idigup bat-idigai bat nya nimang ndig ipwoi Allah ningon bi. Gima rino Noni bindei ba, imai sinsiou ei iggum ndigsi.

NINDAT KEP TUHAN NICUKTI NYA 2:14

Gima pek kep mem nye ei nijam ari bingwam ningot ningai ba, muhwindaningai niabiati ikiju bimbut leu Kades-Barnea pima tu. Yo di ikui sur yam di ikon pran kan nya ei nijam di jei dima yahagom imai bit leu tuhan nipaisi tu.

NINDAT KEP TUHAN NICUKTI NYA 2:16

Tirigi yahagom imai leu su,

YOSUA 5:3

Gima rino Yosua yai hagom bit leu nok tuhan nicuk noti. Noni bindei dino mben Israel igyai nibon midut dini leu api ijem mpia ttou nsi dima ninyeng Nipieti Nibon Midut Sunat.

YOSUA 5:5

Mbro nok gino pinai di ingwes ngun leu minu Mesir yahagom igyai nibon midut sunat tu lo, imam nya ibon midut sunat hi mem munggwom pinai ningwoi-ngwoi nya tirigi mben Israel imbut-mbut nyen ei iggum ndigsi niabiati ingwes ngun leu minu Mesir pima bi.