YOSUA 5:14 - ALLAH NIHYET MEM TUNGWATU NYA

¹⁴ Lene no dima buhup “Ditti kin je bi jide siceu nya cem bi. Dikwei ya diyati dini ba, dinok nibou ndig mem tuhan de tentara.” Lene Yosua ba ningwak bikik dihyei ei no dima nimig him bipai binoni “Andigpoi e, dani ne ade awak rin ba, midiyai hagom bit leu nok acuk dati.”

YOSUA 5:14 ပူးပေါင်းရင်းမြစ်များ

NITRITI 17:17

Lene Abraham kuk no biba ningwak bikik dihyei leu api pa tut tirigi kan “Bit bon no di nide njap ug ei ari bingwam sratus gom yai nimunggwom kan bi. Bit bon Sara di nide njap ug ei ari bingwam ningot muhwindatai yai nimunggwom kan bi.”

NITRITI 17:3

Lene Abram kuk no biba ningwak bikik dihyei leu api Allah pai binoni,

SAMUEL GI NICAN 7:19

Lene gima he bi lewo Na di tuhan Di Anyeng Jei Bibor abikum eisi bu ba, apreu ei mem da tut ditde nintun him di bram yamti. Mbro nok gino dani ne tungwatu dihyeisi dini he lo, Na di tuhan Di Anyeng Jei Bibor ando mun dini yok hagom brei bida!

SAMUEL GI NICAN 7:20

Bit bon dahap diji bidimbrap bit Na bu kan bi! Akan bidem tut mun di jo ei Ade awak di dani dingonti hagom tu.

MAZMUR 110:1

Doia Daud. tuhan pai bak nibou ndig di ninyeng tak kep da “Ma agwam kui dinda com bibou doom ade siceu nya binok bilen mem amig ug e.”

MAZMUR 24:10

Nibou Ndig di ninyeng jei dima tou i? Noni ne tuhan Di Sindem Bibor cem ninyeng jei cem ri!

NEHEI LEUSI 4:10

Noro Musa srep bipai “Tuhan e, henha nipou kikau kwei bipek tirigi ambrap bit da ammani kep lene dimbrap kan bi. Diji buhun ba, nggicai cem.”

NEHEI LEUSI 4:13

Noro Musa srep bipai “Tuhan e, dahara mem Nani. Ma apinak da ug ei minu Mesir hanyen au. Noro ma apinak hiter bu.”

YESAYA 55:4

Dita noni nok nibou ndig cem nibou pran cem bidindo Ditde nisindemti bak ngkiai nya ei dihyeisi dini tug hon noni.

YESAYA 6:8

Lene tuhan nihyet tibim ei ditingou nsi bipai “Midipinak tou i? Midisok dihyet ei tou nya dip i?” Lene dibuhup “Ditin ei su. Apinak da hak ug!”

YEHEZKIEL 3:23

Gima rino dijuk ug ei mbang briepti leu api dingat tuhan de nikei-kau-keisi bou diyai him bit leu nok gi po dingat ei Minyei Kebar pima lene dikuk da bidiba dingwak bikik dihyei.

DANIEL 10:13

Noro malaikati di ya ser minu Persia ninyeng tak kepti hwen bit da ei ninsi njap nyatungwagom bigom. Leu api Mikhael di nibou mem malaikati nya kwei mpu da. Dikes noni ei minu Persia bidikwei leu.

DANIEL 12:1

Malaikati di juk sinsun di iba minghas linen bibon dima pai bu “Mpe dima lene Mikhael di malaikati di sindem di ya ser ade mben tau kwei. Leu api nijam di buhun bibor cut igkep tungwatu nya. Mun di buhun bibor di cut dima cut habiei ei nijam di mben nya ingat rin ei dihyeisi dini kikau kwei bipek nijam di buhun bibor dima nicunti bigyo. Nijam dima dem lene ade mben di inyeng jo ei Allah de sratti yahagom ingwes ngun.

DANIEL 8:11

Nibou nggai dima nihyet jei kep tuhan di nok nibou tentara gwamti bibindei ba, midut gi nindig mindhe ei nimbar hum dokti bak nibou tentara gwamti bikwop njap-njap dima kes hon lene noni nggek tuhan De Ig cem bitti.

IMAM NYA IDE MIDYAI 9:24

Jei bi lene tuhan pinak nide hum kros kwei bibindei hum dima yem mindhe titut kin nimmau hagom ei nimbar hum dokti bingwig. Tirigi yo dima ingat mun di mindur dini lene yahagom ikon ighyet nok gom leu api yom yok biba ingwak bikik mpia.

MBEN ISRAEL IMBUT-MBUT NYEN 16:22

Noro Musa kin Harun ikuk yok lene iba ingwak bikik dihyei leu api yahara “Allah e, Nani ne nibousi mem mun di yai niyaijoti nya hagom. Gino tungwagom ngat he bon sisar lene ma agga limwa nya yahagom e?”

MBEN ISRAEL IMBUT-MBUT NYEN 16:45

“Jisujou leu yo dima. Leu midibindei sar yoni cem ei mpia ttou nsi dima ug ri!” Noro yo cin ikuk yok biba ingwak bikik dihyei,

MBEN ISRAEL IMBUT-MBUT NYEN 22:31

Lene tuhan bindei ba, Bileam ngat malaikati di ya ei mpia dima di krau simeda ei nindati bou niyai him. Lene noni kuk no biba ningwak bikik mpia.

MATIUS 22:44

‘Tuhan pai bak ditde Tuhan, ma agwam kui dinda com bibou doom Ade siceu nya ei amig him ug e.’

MATIUS 8:2

Mpe dima lene no di bras yem no kwei ba nibiau bicom mpia ei Yesus nimig him bahara “Andigpoi e, gino ajoi sut ne akrau nisindemti mem gima abindei bidikei hanyen hak ug.”

LUKAS 1:43

Noro tut dani ne dibon dinyeng bi. Nggon rino Tuhan nipmem kwei cem kep da i?

LUKAS 20:42

Bit leu nok Srat Mazmur nipas kepti ne Daud nonti pai, ‘Allah pai bak ditde Tuhan bipia agwam kui dinda com,

LUKAS 5:12

Mpe di gom Yesus coi ug ei minu ndig gom di no di bras yem nindig bibor ningat rima eisi. Tirigi noni ngat Yesus rino ba nibiau bicom mpia ei Yesus nimig him bahara Noni “Andigpoi e, gino ajoi sut ne dikan tut bipia akrau nisindemti mem gima abindei ba, dikei hanyen!”

YOHANES 20:28

Tomas pai bak Yesus “Nani ne ditde Tuhan ba, Allah di dikuk da bak ri!”

KISAH 9:6

Akiju ba, aya lene ma aug ei minu ndig dima leu api tungwagom mipingok na tut mun di ayai yo.”

FILIPI 3:8

Lene mun dima yok he bi. Lewo dikes mun nyeng hagom ei tereu nok mumpiang di bon ninyeng mem da bu bi leu binhyepo dinyeng tut mun di bon ninyeng nindig bibor dor njiriek bu. Mun dima rino dingon bit Kristus Yesus dino ditde Tuhan. Dikes mun dima yok hagom ei drek dip Kristus. Dibibon hagom tereu nok mumpiang leu binhyepo dingon bit Kristus lewo Noni bon ninyeng mem da,

IBRANI 2:10

Dem mem gima Allah di pai tes binyohou mun nyeng hagom bindei ba, No di brim ningkek biteu tungwatu nya leu sisar biput kei tug hon gi tug ndei ninghuisi wei. Tug hon nisinati dima lene Allah cigit tungwatu nya bibindei ba, imang bibor ipriet kin Nide nikei-kau-keisi noyam kin Yesus. Lewo Yesus ritin puig mem gima igyai niteu leu sisarti kin niyaijo nijep.

YOSUA 20:1

Leu api tuhan pai bak Yosua bipia,

NINGAT-HI-NGAT NYA 12:7

Mpe dima lene bihi ikon pran bit yam ei gwamti. Mikhael kin nide malaikati nya ikon pran bit naga nya ba, naga kin nide malaikati nya ikon pran bit Mikhael nya.