YOSUA 5:13 - ALLAH NIHYET MEM TUNGWATU NYA

¹³ Mpe dima lene Yosua ya nyen dideu minu ndig Yerikho bingat lo, tungwagom tt au kros biya ei Yosua noho bei ba, krau simeda gom. Lene Yosua dideu noni bihig ser “Atti kin nyeni e, he atti kin nyende siceu nya e?”

YOSUA 5:13 ပူးပေါင်းရင်းမြစ်များ

NITRITI 18:1

Lene tuhan ndo Nonti bak Abraham tirigi noni bong dideu biei pigig nghousi ei Mamre nok mpia di tungwatu nya ikuk yok bak ide kwar nya eisi. Lene Abraham gwam ser dimbou heisi ei prak meng behei mem mpia huk pijum di wam bibor.

NITRITI 18:2

Tirigi noni kon nibou lene ngat lo, ibou ningai itau kwei ei nide biyati. Hammi tirigi noni ngat yok rino dor um yok ba, kuk no biba ningwak bikik dihyei.

NITRITI 28:16

Lene Yakub da niyai bikiju lene pai “tuhan ningat rin ei gumihyep dini! Noro sindi dikan tut!”

NITRITI 33:1

Lene Yakub ngat Esau di ya tut nide limwa nya ibou sratus bitai tirigi itau ndam noni. Gima rino noni kwas nimunggwom bat nya bikes bihi bak Lea bihi bak Rahel lene bihi bak nitnem ndrim sop di awak cin.

NITRITI 33:5

Lene Esau kon nibou bingat sop nya kin munggwom nya lene hig ser Yakub “Tou nya rino ibit na dima i?” Api Yakub buhup “Andigpoi e, yo dini yahagom ne dimunggwom bat nya ri. Allah yai yahagom bida lewo ningon nggriu sut da.”

NIBOHON MBEN ISRAEL GI NIGOM 12:22

Tentara hi kin bu di sindi ikwei su nya ibicom yam bit Daud bikwop njap-njap. Apino jei bi lene Daud de tentara nya bikum eisi ba, imang bibor.

NIBOHON MBEN ISRAEL GI NIGOM 21:27

Leu api tuhan cuk malaikati pima bijus nide simeda hanyen ei nahamti. Lene noni yai igbit tuhan nicukti dima.

NIBOHON MBEN ISRAEL GI NIGOM 21:30

Noro Daud brim ningkek buug ei sirima mem gima mbrap bit tuhan bi. Lewo ttin tut tuhan de malaikati bitut nide simeda.

NEHEI LEUSI 23:23

Ditde malaikat mibie tut je bibuwak je ug ei mben Amori kin mben Het kin mben Feris kin mben Kanaan kin mben Hewi kin mben Yebus yahagom ide minu leu api midicok tut yo dima yahagom.

DANIEL 10:5

Dikiek da biditou kep kui mpia-bbed him bidingat tungwagom di juk sinsun di iba minghas linen bibon di ba mas di pimbai kei bikri kep nintig bou.

DANIEL 8:3

bidingat lo, domba nikre ningut gom di bon nibou nggai can di sindi ntun him. Gi hi di ntun him abia bu jei ba, jep-jau cem dor njiriek gi hi di ntun him bibie.

ZAKHARIA 1:8

Ba, dingat lo, tuhan de malaikati kui kuda ningwoi ningut gom bigwam dip. Kuda dima ya tut ei biei murad nghousi ei mbang briep gom lene kuda hi ter ibou poi igya abia kep kuda dima ninghim dip kwei. Kuda dima yok bihi inta ngwoi lene bihi inta ngwoi bidem bitug ningat pimo lene bihi inta tiei.

MBEN ISRAEL IMBUT-MBUT NYEN 22:23

Tirigi keledai dima ngat malaikati di ya ser puig ei dima di krau simeda ei nindati lene noni kriek leu puig bimbut ei miaisi. Noro Bileam bui nide keledai bijem noni hanyen kwei kak puigya.

MBEN ISRAEL IMBUT-MBUT NYEN 22:31

Lene tuhan bindei ba, Bileam ngat malaikati di ya ei mpia dima di krau simeda ei nindati bou niyai him. Lene noni kuk no biba ningwak bikik mpia.

KISAH 1:10

Tirigi itou kep kui mpia-bbed him nggilun bicap ser Yesus nikuisi lene ibou can di ijuk sinsun di tiei kei ittau kros bigya ei ikieti,

YOSUA 6:2

Lene tuhan pai bak Yosua “Nogindini nicunti dem mem gima dikes minu ndig Yerikho kin nibou ndig kin nide tentara di ibrim ingkek nya yahagom ei andati.

NINGAT-HI-NGAT NYA 1:13

Ba, dingat tungwagom di ya srigsi bijuk sinsun ndok di nijeisi ug bipek nimig lene ba bang mas bikri kep ninggeda.

NIJAM NIKEI NYA 13:11

Manoah kiju bibit nitnem lene um no dima bihig ser “Na po ambrap bit ditnem pima rin e?” Lene no dima buhup “I, igbit ri.”

NIJAM NIKEI NYA 13:22

Gima rino Manoah pai bak nitnem “Ayo! Misitug ndei nimai lewo singat Allah bou siyai him tu!”