YOSUA 4:9 - ALLAH NIHYET MEM TUNGWATU NYA

⁹ Lene Yosua dingug tig nindak simnaibrimigcan hi kin bu ei Yordan ninggimau hammi mpia di imam nya igya tut Brua Gi Preu eisi. (Tig simnaibrimigcan dima jo nijoti kikau kwei bipek ammani kep.)

YOSUA 4:9 ပူးပေါင်းရင်းမြစ်များ

NITRITI 26:33

Lene Ishak jem minyei bousi dima ninyeng “Nikwam Minggwen”. Gima ne nimbie him ngat di ijem minu ndig dima ninyeng Bersyeba.

NITRITI 28:18

Njapti kui bu lene noni kiju mem ha yausi bitas tig di bitau pima pijum nok tig nibiyok ngon kep leu api ampou tut mini zaitun bisiber ei dip bipigig sut ei mem Allah.

NIBOU NDIG NYA GI NIGOM 18:31

Noni bei tig nindig nindak simnaibrimigcan. Tig nindak gom mem bibikwop Yakub po tuhan jem ninyeng Israel pima nipmot bat nya lene nok.

NIBOHON MBEN ISRAEL GI NICAN 5:9

Ug di ibittei dima jei bibor apino niyenti tau ei Ninsi Di Kwes-Kwau nuhui him bijo brei, ei tungwatu nya di igya dideu Ninsi dima nuhui him igyai him noro yo di igya nisai ne igingat bi. (Ug dima hacem no jo nijoti ei ninsi dima kikau kwei bipek ammani kep.)

NEHEI LEUSI 24:12

Lene tuhan pai bak Musa “Ma akui kwei ei mbigdip dini lene midiyai tig mma can po dipas kep Ditde nicukti nya eisi pima bina. Diyai nicukti dini yok hagom bak mben Israel nok mun di bipingok ingonti.”

NEHEI LEUSI 28:21

Lene akilis bibikwop Yakub nipmot bat nya inyeng hagom ei tig permata pima dip ba, gom ei tig gom lene gom ei tig gom lene nok leu binhyepo abiyok ngon kep mben Israel ide keret nya.

MATIUS 27:8

Tungwatu nya ijem mpia ttou nsi dima ninyeng “Gumihyep Ninggrom Siber Eisi” ba, ninyeng dima jo kikau kwei bipek ammani kep.

MATIUS 28:15

Tentara nya igyai mitiei dima leu yok leu api igyai hagom bit leu nok imam nya icuk yoti. Gima rino mben Yahudi ipui biyam tut yo di igya kui Yesus di ikwei ket nimai leu jui nsi pima kikau kwei bipek ammani kep.

NINDAT KEP TUHAN NICUKTI NYA 34:6

Lene tuhan Nonti tig Musa ningut ei briep ndig Moab di jo hammi Bet-Peor. Noro tungwatu nya ikan tut nijui dip nijoti bi kikau kwei bipek ammani kep

YOSUA 24:26

Lene noni pas kep nipingok yokti nya pima hagom ei Allah De Srat Nicukti. Gima ngwig lene noni bindei ba, nide awak nya ikon tig di jei bibor bita pijum ei biei nindig bibor gom nitriti simiak tuhan De Prak Meng niyati.

YOSUA 4:10

Lene imam pima yok igya igyati ei Yordan ninggimau kikau bibou mun di tuhan sok ei Yosua dip bak nide limwa nya hagom put ug e. Gini bit leu nok Musa nicuk yokti nya. Lene mben Israel ibipbur ba, isigon minyei Yordan.

NIJAM NIKEI NYA 1:26

Jei bi lene no dima pri leu minu ndig Betel buug ei mben Het ide hanjop nsi leu api win minu ndig gom ei sirima lene jem ninyeng Lus ba, ninyeng dima no jo kikau kwei bipek ammani kep.

SAMUEL GI NIGOM 30:25

Daud tri tut nikos tutti dima leu api mben Israel ikrau kep kikau kwei bipek ammani kep.

SAMUEL GI NIGOM 7:12

Lene Samuel ug yai tig gom bitas ei Mizpa kin Sen ikieti lene bipai “Allah mpu nye kikau kwei bipek ammani kep tu.” Leu api noni jem tig dima ninyeng bipia “Tig Nibiyok Ngon Kep Allah Di Mpu Nye.”