YOSUA 3:7 - ALLAH NIHYET MEM TUNGWATU NYA

⁷ Lene tuhan pai bak Yosua “Midibon mindur mem njap di ammani di mibindei anyeng di jei ba, mben Israel sindi minggei sut na tirigi jo nibreisi mem yok bipia dingat rin bit na dem kep nok gi dingat rin bit Musa nipou su.

YOSUA 3:7 ပူးပေါင်းရင်းမြစ်များ

NIBOHON MBEN ISRAEL GI NIGOM 29:25

tuhan bindei ba, limwa nya yahagom inggap leu Nibou Ndig Salomo. Lene bikon Salomo binok nibou ndig di ninyeng jei dor tunggwei nibou ndig nindigsi di inyeng tak kep mben Israel yahagom. Ba, hi di noyam kin noni bi.

NIBOHON MBEN ISRAEL GI NICAN 1:1

Salomo di Nibou Ndig Daud nipmot kui bigwam nok nibou ndig di sindem bibor ei ninyeng tak kep mben Israelti dima. Nide tuhan Allah njei mun di kei bak lene bindei ba, Salomo ninyeng tak kepti sindem bibor.

AYUB 7:17

Nggon rima tungwatu nya ibon inyeng ei ayai him i? Nggon rima ayok ayai kep igyai munti nya kikau i?

MAZMUR 18:35

Noni ngginau da leu binhyepo dikon pran kan apino diba ditde tibor di sindem bibor bicom bisinei.

YOHANES 17:1

Tirigi Yesus kes nihyet hon tu lene Noni tou kep ginyo kug bipai bak Allah “Arig e, tto bou dem tu. Ma abindei ba, Apmot ninyeng jei bibor leu binhyepo Apmot mibindei ba, anyeng cem jei bibor.

FILIPI 1:20

Dimpig bou kep mun nyeng gom. Dillei sut bidiyok dingon mem gima ba, diyai mun tunggwei sut Nihyet Di Kei bi ba, mun nyeng gom bindei cut da bi sren. Noro gi dut pap rino suar dibrim dingkek mungkun mem nijam dini kikau leu binhyepo diba diyaijoti kin diyai munti titut yam bindei mbut Kristus ninyeng jeisi tug hon diyaijoti kin dimaisi.

YOSUA 1:17

Minibit ahyet dem kep nok gi po nibit Musa nihyet pima. Handei kon ba, tuhan di nok ide Allah miningat rin bit na bit leu nok ningat rin bit Musa nipou su!

YOSUA 1:5

Yosua e, bit bon ade siceu hi hwen na bibindei ba, acut bak yoni kikau ug bipek ade njap ningwig honti kan bi. Lewo midingat rin bit na bit leu nok gi po dingat rin bit Musa pima ba, midikes na bihigom ei bi sren.

YOSUA 1:9

Ma ayok ngon kep Ditde nicuk nati pima leu binhyepo angon nddong ba, abrim angkek! Ma attin tut ba, angon pus tut au. Lewo Da di tuhan dinok ade Allah ba, midingat rin bit na bidem ambutti nya hagom.”

YOSUA 3:6

Lene noni cuk imam nya leu api ikon Brua Gi Preu bimbut tut bibie mben Israel yoho ba, igyai hagom bit leu nok nicuk yokti nya.

YOSUA 3:8

Ma apreu kep imam nya di imbut tut Brua Gi Preu bipia tirigi yuug krau minyei nintig dip lene ma ikinyon ei minyeiti lo, igya dideu nipimat.”

YOSUA 4:14

Mun di tuhan bibon mem yok njap dima bindei ba, mben Israel ikon Yosua ninyeng bijei. Lene ikon ninyeng kikau ug bipek niyaijo ningwig honti kep dem kep nok ikon Musa ninyeng ei nipou pima.