YOSUA 3:5 - ALLAH NIHYET MEM TUNGWATU NYA

⁵ Lene Yosua pai biyok “Ma jibindei ba, jingon kwes ba, jide puig kwes cem lewo tuhan mibon mun di mindur ei jikieti mem njap di hyep bu ug ri.”

YOSUA 3:5 ပူးပေါင်းရင်းမြစ်များ

AYUB 1:5

Mpe di igyem pesta ba, ngwig binjap kep lene Ayub kiju mem ha yausi leu api bon midut nibiyai ningon kwesti mem nimunggwom bat nya bibindei ba, ingon kwes kin tuhan. Lewo noni kan bipia hi rima simunggwom gom bon sisar ba, nihyet wer mpiahi tut Allah e? Sikan tut bi.

MAZMUR 77:15

Nani ne Allah di bibon mindur nya ri. Ando asindemti ei ngkiai nya ikieti tu.

MAZMUR 86:10

Lewo Nangkom he rino Allah ba, aba mimbri di kui angkek bibon mindur nya.

YOEL 2:16

Ma jinduk tungwatu nya yahagom ei gom. Ma jihig andigpoi nya kin munggwom nya kin ningwoi-ngwoi nya yahagom kwei. Nok gima cem ma pinai wak cam nya kin sop wak cam nya yehei leu ide ig bei ba, idem yam.

IMAM NYA IDE MIDYAI 10:3

Lene Musa pai bak Harun “Mun di cut igkep yo dima bit leu nok gi po tuhan sok kep nye tut tirigi po Noni pai bipia suar yo di igyai kep Nide midyai ikuk yok bak Nide nikwes-kwausi. Noni mindo Nide nikei-kau-keisi bak Nide limwa nya yahagom pima.” Pai nok noro Harun kum nuhui kep bibuhup bi.

IMAM NYA IDE MIDYAI 20:7

Ma jinyohou jingon kwesti lewo Dani ne tuhan ba, jide Allah ri.

MBEN ISRAEL IMBUT-MBUT NYEN 11:8

Njap bigyokti lene mben Israel igya bidem mpia di yohok prak meng ei dima bikam manna nok ikam njita. Lene yoho ei hukti binok tepun leu api ikang nok roti di ngge kei dem kep nok roti di mini zaitun srigsi.

YOHANES 17:19

Didimig Danti ei mem Na leu binhyepo yoni cem idimig yonti ei mem Na tug hon Ade nijit-jausi. Diyaisi dima bon ninyeng mem yok.

YOSUA 3:13

Tirigi imam di ikon tuhan di ninyeng tak kep dihyei nisurti-nipekti hagom Nide Brua Gi Preu ikinyon tut ei Minyei Yordanti lene minyei mikes hon bibiam bu bi. Leu api minyei di biam kwei leu nibrig ma kwei mitti kui nai dem kep gino hi hajung ser minyei.”

YOSUA 3:15

imam nya sindi ikinyon ei minyei di suti (lewo Minyei Yordan su bibor tirigi bed dem mem timiei minu dima ikos ide gandum ei beisi) lene,

YOSUA 3:4

Noro ma jidideu Brua Gi Preu au. Gino jibram imam nya lene suar nikieti di bikkin jeni nijeisi kilometer gom. Gino jiyai nok lene mijikrau tunggwei puig bi. Lewo jimbut ei minu dima hi bigyo.”

YOSUA 3:6

Lene noni cuk imam nya leu api ikon Brua Gi Preu bimbut tut bibie mben Israel yoho ba, igyai hagom bit leu nok nicuk yokti nya.

YOSUA 7:13

Yosua e? Akiju ba, aya hak ug! Lene ma abindei kwes limwa mben Israel yahagom leu binhyepo itin ei mem gima ikwei ya ei Doho bei. Acuk yok bipia suar itin ei mem njap di hyep lewo Da di dinok ide tuhan midipai biyok ‘Mben Israel jen! Ndigban po dicuk je bipia suar jibindei sar pima hi no jo bit je yo. Gino jicom ndigban dima yok bi lene bit bon jahau mem gima jikon pran bit siceu nya cem kan bi!’

SAMUEL GI NIGOM 16:5

Lene noni buhup “I, dingon kwes kin je lo, dikwei mem dibon midut nindig mindhe kep hum bak tuhan. Ma jibon midut nipiap jenti bipwoi leu api jikwei bit da.” Lene noni cuk Isai kin nipmot bat nya cem bipia ibon midut nipiap yonti bipwoi leu api hig yoni cem ikwei bit nibon midut nindig mindhe kep hum bak tuhan dima.