YOSUA 3:16 - ALLAH NIHYET MEM TUNGWATU NYA

¹⁶ minyei mikes hon ba, biam bu bi. Leu api minyei hagom mitti kui nai dem kep gino hi hajung ser minyei ei minu ndig Adam dideu minu ndig Sartan. Lene minyei ninggup di biam ug ei Igpong Nsim bon nipingge leusi. Gima rino bon nituti di kei bibor mem mben Israel isigon Yordan pingge leusi di birok kik minu ndig Yerikho.

YOSUA 3:16 ပူးပေါင်းရင်းမြစ်များ

NITRITI 14:3

Nibou ndig ibou muhwi dini injei siceu bibicom yam bikieng kep mbang briep ndig Sidim titut yam. Nogindini ijem mbang briep dima Igpong Nsim.

NIBOU NDIG NYA GI NIGOM 7:46

Nibou ndig cuk Huram bipia bibon nimbumbati dima yok hagom ei pabrik di iba ngkimom-tembaga di dem kep jep oi bibon nya eisi di jo Sukot kin Sartan ikieti ei Mbang Briep Yordan.

MAZMUR 114:3

Muk Lipig ngat Noni leu api nang. Minyei Pmem Yordan ntus ba, biam bi.

MAZMUR 114:5

Muk ndigsi e, mindei rino bindei di anang i? Minyei Pmem Yordan e, mindei rino bindei di antus ba, abiam bi i?

MAZMUR 29:10

tuhan ninyeng tak kep muk ndigsi di jut bibor ba, ninyeng tak kep nok Nibou Ndig bijo ninno bijo kikau.

MAZMUR 33:7

Noni hajung muk ndigsi hagom bijo ei mpia tou nsi gom lene kat kep muk jou titut yam ug ei ugyousi gom.

MAZMUR 66:6

Noni luei muk ndigsi binok dihyei nggati bu. Nyeni nidigup bat-nidigai bat nya imbut ba, isigon biyuug dihip ei nite hi. Nyeni ningon nggei-hi-nggei sut nibon munti ei mpia pima.

MAZMUR 74:15

Abindei ba, minyei bousi kin minyei nda nya biam lo, minyei pmem pingge hanyen.

MAZMUR 77:19

Kru cut ba, nugwei bong. Kigyei ninjeng srei ba, dihyeisi dini ugwa-kwei bidigit tut cem.

MAZMUR 78:13

Noni tin puig ei muk nahacanti leu api ya tut yok bisigon ug ei nite hi. Minyei kui sur yam kui nok gi Noni jung ser minyei ei inda com kin inda prak.

NEHEI LEUSI 14:21

Lene Musa su ninda bijo nai minyei ngwa dip leu api tuhan bindei ba, hou di nimig ten bibor cut leu mpia nipriti apino minyei ngwa dip ngkwei mem mmun kikau binjap kep bibon ninggati ei minyei jou.

NEHEI LEUSI 14:22

Lene minyei kwas hacan. Tirigi mben Israel isigon lene imbut imig ei minyei jou di pingge leu su ba, minyei di tti kui nai tti butnap kui biwer tring sir yok.

NEHEI LEUSI 14:29

Noro mben Israel imbut imig ei minyei ninggimau di ngga kei lo, minyei hagom tti kui nai tti butnap biwer tring sir yok.

NEHEI LEUSI 15:8

Amiep minyei ngwa dip apino abindei hagom tti kui nai tti butnap biya pijum dem kep nok tring. Abindei ba, minyei jou dem kep nok ninggati di ngkiem bibor.

YESAYA 50:2

Nggon rino Ditde limwa hi buhup dihyet tirigi po dikwei hig yok pima bi i? Nggon rino inghek Da ba, ikan bipia disindem mem gima dikwek yok biditeu yok ba, ingwes ngun bi i? Ningat ne disindem mem gima diba dicukti bindei ba, muk ndigsi sri bipingge bingwig ba, minyei nya cem pingge bingwig dem kep nok iggum ndigsi ba, wau di joti nya hagom mai bimpiei bibor.

YEHEZKIEL 47:8

Noni pai bida “Minyei dini biam ei nite bei mpia nipriti kak minu dini lene biam kak Mbang Briep Yordan bibiam ug ei Igpong Nsim. Gino ningei ug com Igpong Nsim lene ningei di nyop ei igpong dimati nok minyei su ba, nyop bu bi.

NAHUM 1:4

Noni pai bak muk ngei bibindei ba, ningei pingge leu api minyei nya hagom ningei ngwig leu. Nungug Karmel kin ngoi dumti nya ei minu Basan ngak cai ba, mitou ei minu Libanon nya hagom nimeng mbris.

HABAKUK 3:8

tuhan e, muk ngei bindei ba, angon sibui e, he minyei di biam nya bindei ba, agga bibor e, he notou i? Abri ba, agwam bumbuhui dip noyam kin no di bri kuda di brim kroba pran mpe dino abindei ba, Ade limwa nya ihwen siceu nya bibindei timek yok.

MBEN ISRAEL IMBUT-MBUT NYEN 34:3

Minu niya kwas yamti nite bei mpia nibiho jo leu iggum ndigsi Zin sir minu Edom. Minu niya kwas yamti dima mbut bipek kin Igpong Nsim nibiho nohon keti,

NINDAT KEP TUHAN NICUKTI NYA 1:1

Musa tri tut nihyet bak mben Israel tirigi ibong ei iggum ndigsi ei Minyei Yordan nite dima ug bei mpia nipriti leu api noni pas hagom ei srat diniti. Yoni ibong ei Yordan nyai dideu Suf ba, Paran jo bei mpia nikimbasti lene Tofel kin Laban kin Hazerot kin Di-Zahab jo bei mpia nipriti. (

NINDAT KEP TUHAN NICUKTI NYA 3:17

Lene ide minu ug ninno bipek Minyei Yordan nite bei mpia nicutti leu Igpong Galilea nite bei mpia nijjai ug bipek Igpong Nsim nite bei mpia nibiho. Lene ide minu niya kwas yamti nite bei mpia nipriti ne Nungug Pisga nimig ri.

YOSUA 12:3

Minu ndig di ninyeng tak kep dima jo ei Mbang Briep Yordan nite bei mpia nipriti ei Igpong Galilea kikau ug ei nite bei mpia nibiho bipek kin minu ndig Bet-Yesimot (ei Igpong Nsim nite bei mpia nipriti) kikau bipek kin Nungug Pisga nikiou.

YOSUA 15:2

Keret Yehuda ide minu niya kwas yamti nite bei mpia nibiho bikrop nyahan kwei leu Igpong Nsim nibiho,

YOSUA 16:7

Lene minu niya kwas yamti dima mbut leu sirima ba, juk bipek kin Atarot kin Naharat leu api mbut kikau simin minu ndig Yerikho lene ug jo hon Minyei Yordan nyai.

YOSUA 3:13

Tirigi imam di ikon tuhan di ninyeng tak kep dihyei nisurti-nipekti hagom Nide Brua Gi Preu ikinyon tut ei Minyei Yordanti lene minyei mikes hon bibiam bu bi. Leu api minyei di biam kwei leu nibrig ma kwei mitti kui nai dem kep gino hi hajung ser minyei.”

YOSUA 4:22

ma jipui biyok tut mpe di po je di mben Israel jisigon Minyei Yordan bijimbut kak nipingge leusi.

YOSUA 5:1

Lene nibou ndig mben Amori yahagom di ibong ei Minyei Yordan nite bei mpia nikimbasti kin nibou ndig mben Kanaan yahagom di ibong Muk Hacan nintig dip imiap tut notou tuhan bindei ba, Minyei Yordan bon nipingge leusi kikau bibou mben Israel yahagom isigon ug e. Apino yahagom ingon digit bibor ba, ittin tut mben Israel.

NIJAM NIKEI NYA 7:22

Tirigi Gideon de limwa nya imiep ide pun mbrei kikau lene tuhan bindei ba, ide siceu nya iba ide simeda bitot yam ariwace. Lene inang ug ei Zerera kikau ug bipek kin Bet-Sita kin Abel-Mehola dideu Tabat.