YOSUA 3:11 - ALLAH NIHYET MEM TUNGWATU NYA

¹¹ tirigi No di ninyeng tak kep dihyei nisurti-nipekti hagom De Brua Gi Preu sigon Minyei Yordan bibie tut je.

YOSUA 3:11 ပူးပေါင်းရင်းမြစ်များ

NIBOHON MBEN ISRAEL GI NIGOM 29:11

Nani ne Andigpoi di kei-kau-kei ba, sindem bibor cem ri. Anyeng di jei om kep ninyeng hagom ba, ayai kepti nya hagom nindig bibor cem. Anyeng tut mun nyeng hagom di jo mpia-bbed him kin dihyeisi dini. Nani ne nibou ndig di ninyeng jei bibor ba, anyeng tak kep nye di tungwatu dihyeisi dini nahagom cem.

AYUB 41:11

Tou rihwen noni leu api ningwes ngun leu nuhui him i? Bitbon tungwatu bidem dihyeisi dini hagom ihwen noni bingwes ngun leu nuhui him kan bi.

MAZMUR 24:1

Doia Daud. tuhan nyeng tut dihyeisi dini kin mun di joti nya bitut dihyei ninjek dip kin yo di ibong kep nya ba, inok Nide limwa nya.

MAZMUR 97:5

Nungug nya cem jet bidem lilin ngei ei tuhan di ninyeng tak kep dihyei nisurti-nipekti Noho bei.

YESAYA 3:12

Nipos mitiei cig nya mico kep ditde limwa nya ba, inok adrom di muhun Ditde limwa nya inggrom leu yok.” Ditde limwa jen e, nibou nya ico kep je bibindei srawir je apino jingon kiowi tut puig di kei mem je.

YESAYA 54:5

Jide Nipai Tes Mun Cig mibon Nonti nok ajjep. Mben Israel ide Allah di kwes-kwau miteu na ba, angwes ngun. Ninyeng rino tuhan Di Sindem Bibor ba, ninyeng tak kep dihyeisi dini hagom.

YEREMIA 10:7

Tou rino kuk no bak Na di anok nibou ndig mem ngkiai nya yahagom i? Ningat ne adem mem gima ikuk yok biNani nok gi igbit a. tuhan e, yo di ingon ki nya di isrig ngkiai nyati bitut nibou ndig di ide nya cem hi dem mem ibinai kin Nani bi sren.

MIKHA 4:13

tuhan pai “Je di timiei minu ndig Yerusalem e, ma juug bijico kep jide siceu nya! Midibindei ba, mimbri kui jingkek dem kep nok sapi nikre di nibou nggai wer ngkimom nitu ba, ninjou wer ngkimom-tembaga. Mijibindei timek mben imang bibor bingwig leu api jikon ide ndigban kin mitiei di iba imbuk bipos leu siceu nya hagom hanyen kwei bijinjei bak Da di tuhan mem dihyeisi dini hagom.”

ZEFANYA 2:11

tuhan mibindei ba, ingon ttin bibor. Noni mibindei sar kwar di tungwatu nya ikuk yok bak nya ei dihyeisi dini. Leu api ngkiai nya yahagom mikuk yok bak tuhan bidem yonti ide minu.

ZAKHARIA 14:9

tuhan ne nibou ndig di ninyeng tak kep dihyei njek dip dini titut yam ri. Bikwop tungwagom-gom mikuk no bak binok nide Allah lene mikan tut Nonti ninyeng gom ngat.

ZAKHARIA 4:14

Noni pai “Gima ne ibou can di tuhan di pai tes dihyeisi kin gwamti bitut mun di joti nya hagom dimig ei mem gima igyai midyai mem Noni ri.”

ZAKHARIA 6:5

Noni buhup “Kroba pran nya igya ei tuhan di pai tes dihyeisi kin gwamti bitut mun di joti nya Noho bei leu api ikwas yam ba, hi mbut ndam hou nimig ei nite bei ninghim lene hi mbut ndam hou nimig ei nite bei noho lene hi mbut ndam hou nimig ei nite bei ninda com lene hi mbut ndam hou nimig ei nite bei ninda prak.

NINDAT KEP TUHAN NICUKTI NYA 9:3

Noro mijingat bou jiyai him bipia tuhan di nok jide Allah miya bibie joho njap di ammani ba, Noni minok hum di cig-cai. Noni mihwen yok bingwig sindam tirigi jikieng kep ide minu. Apino mijijji yok ba, mijihwen yok bingwig haninyai bit leu nok Noni preu ei mem je tu.

YOSUA 3:13

Tirigi imam di ikon tuhan di ninyeng tak kep dihyei nisurti-nipekti hagom Nide Brua Gi Preu ikinyon tut ei Minyei Yordanti lene minyei mikes hon bibiam bu bi. Leu api minyei di biam kwei leu nibrig ma kwei mitti kui nai dem kep gino hi hajung ser minyei.”