YOSUA 3:1 - ALLAH NIHYET MEM TUNGWATU NYA

¹ Njap di hyep bu lene Yosua kin nide limwa di mben Israel yahagom ikiju ba, ilet ide prak meng ei Sitim bimbut tut ug ei Minyei Yordan nintig dip. Lene yohok ide prak meng yati hanyen ei sirima bibet ingon mem nikwesti tirigi isigon minyei ug ei nitehi.

YOSUA 3:1 ပူးပေါင်းရင်းမြစ်များ

NITRITI 21:14

Njapti kui lene Abraham yai njita kin aigmui mindhe ngkek tut minyei di joti cem mem igyem kak puig sinon bak Hagar leu api kon Ismael ei Hagar ninghim lene cuk sop dima buug hak. Lene Hagar mbut-mbut wai ei iggum ndigsi gom ei Bersyeba.

NITRITI 22:3

Njap bigyoti bu lene Abraham kiju birop biei mem gima ndig ei nimbar hum dokti bikes ei keledai gom dip leu api buwak Ishak kin nide awak nya ibou can ba, yuug ei mpia di Allah mbot kep binoni tu.

MAZMUR 119:60

Dibipbur bidibindei mbut Ade ningginausi nya lene ditum dingon tut bi.

YEREMIA 25:3

“Dingkek ndok tut tuhan nisokti di pai bida mem nijam ari bingwam nyatungwagom ba, ningai habiei leu ari bingwam gi nisimnaibrimigningai di Yosia di Amon nipmot ninyeng tak kep minu Yehuda kikau kwei bipek njap di ammani kep bi. Ditri tut Nide nisok ei da dipti hagom bije tu. Noro jigingig jitingou mem nisokti dima bi.

YEREMIA 26:5

Lene ma jiyok ngon kep Ditde awak di nabi nya di dipinak ndam je kikau tu ighyet. Nipou kwei bipek ammani kep jikou sut gi jimiap kep ighyet.

YEREMIA 7:13

Mbro nok gino dimbrap bit je kikau su lo, jikou sut dihyet bijibon bidem sisar ninyeng dini yok hagom tu. Tirigi dihig je lene jinghek Da ba, jibuhup dihyet bi.

MIKHA 6:5

Ditde limwa jen, ma jiyok ngon kep notou Nibou Ndig Balak ei Moab kos dat mem gima bibon je kinei ba, notou Bileam di Beor nipmot buhup Balak nihyet cem. Ma jiyok ngon kep mun di pek kep mem je ei puig sinon tirigi jijo leu prak meng yati ei Sitim kikau ug ei prak meng yati ei Gilgal pima. Gino jiyok ngon kep mun dima yok hagom lene mijo nibreisi mem je bipia dibrim dingkek mem gima dimpu je.”

MBEN ISRAEL IMBUT-MBUT NYEN 25:1

Tirigi mben Israel ingat rin ei Mbang Briep Sitim lene pinai nya ikinyon ei niyem njita tut sop mben Moab nya di ibong ei sirima.

MARKUS 1:35

Njap di hyep bu lene Yesus kiju mem hayausi leu api hei leu ig bei buug ndam mpia nintiti leu binhyepo ngat nadi biNongkom.

YOSUA 2:1

Tirigi mben Israel yohok ide prak meng yati ei Sitim lene Yosua cuk ibou can leu binhyepo yuug yok itta kep minu Kanaan nisurti-nipekti lo, suar igyok itta kep minu ndig Yerikho nipou ug e. Tirigi yoni yuug krau minu ndig Yerikho mem mmun lene Rahab di sop sundal gom cigit yok kui nide ig.

YOSUA 6:12

Lene Yosua kiju mem ha yausi leu api imam nya ikon Brua Gi Preu hanyen.

YOSUA 6:15

Lene ikiju mem njap bigyokti ei njap gi nimuhwindacan leu api ibon nipui bimbut bikrop ttai minu ndig Yerikho bit leu nok igyai kepti pima nimbimuhwindacan bu. Ibon nipui bimbut bikrop ttai minu dima mbimuhwindacan bu mem njap gom ngat dima he.

YOSUA 7:16

Njap di hyep bu mem gwam ntuisi lene Yosua cuk limwa mben Israel bigya bibie ba, keret gom-gom sindam lene tuhan ndo keret Yehuda nok keret di ningon mui.

YOSUA 8:10

Lene Yosua kiju mem njap tekti ngat binduk nide tentara nya ba, idem yam. Leu api noni kin nibou Israel nindigsi nya injei siceu ug ei minu ndig Ai.

NIJAM NIKEI NYA 20:19

Gima rino njap tekti di hyep bu ikiju bimbut ba, yohok ide prak meng yati dideu minu ndig Gibea.

SAMUEL GI NIGOM 17:20

Njap di hyep bu ne Daud kiju mem njap tekti bikes nide domba nya bak hiter binyohou yok leu api pwoi njita dima bittei bit leu nok Isai nicuk noti.