YOSUA 24:33 - ALLAH NIHYET MEM TUNGWATU NYA

³³ Mpe dima cem Eleazar di Harun nipmot mai ba, itig ei Gibea ei nungug him ei keret Efraim de hanjop nsi. Pinehas di Eleazar nipmot ba nokep Gibea nipou su.

YOSUA 24:33 ပူးပေါင်းရင်းမြစ်များ

YOSUA 22:13

Leu api mben Israel ipinak Pinehas di Imam Eleazar nipmot ba, noni ug ngat keret Ruben kin Gad kin Manasye di ibong ei Gilead ei Minyei Yordan nite bei mpia nipriti.

NEHEI LEUSI 6:25

Lene tuhan dimig Musa kin Harun yongkom bicuk yok “Ma jiteu mben Israel ba, ingwes ngun leu minu Mesir.”

IBRANI 7:24

Noro Yesus yai midyai nok imam kikau lewo niyaijo kikau buug hon nohonti bi ba, hiter ya luei nohoti bi.

KISAH 13:36

Daud yai kep nide midyai bit leu Allah ningon kanti mem noni bingwig leu api noni cem mai. Itig ningut noyam kin itig nidigup bat-nidigai bat nya ingut apino ningut kroi ei jui nsi bihigom.

ZAKHARIA 1:5

Njap di ammani ne jidigup bat-jidigai bat nya kin nabi nya dima ingat rin ei hantou i? Yoni imai bingwig.

MAZMUR 49:10

Lewo niyaijo nijep di jo kikau kin ningwes ngun leu nimai eisi nibok kak bibor.

AYUB 30:23

Dikan tut bipia akri da ug ei minu nimai ide. Gima ne mpia di mporo yo di yahagom midem yam eisi ri.

YOSUA 14:1

Gini jug ne nipui sut notou ikwas minu Kanaan ei Minyei Yordan nite bei mpia nicutti tut mben Israel ri. Yo di ikwas minu dima tut mben Israel rino Imam Eleazar kin Yosua di Nun nipmot kin nibou mem Israel insi de gom-gom nya.

MBEN ISRAEL IMBUT-MBUT NYEN 3:32

Harun nipmot Eleazar nok nibou mem keret Lewi nide bat nya di intun yam him. Noni ne mindor mem imam nya di igyai midyai ei Ninsi Di Kwes ri.

NEHEI LEUSI 6:23

Lene Korah yai nipmot bat nya ibou ningai di inyeng rino Asir kin Elkana kin Abiasaf. Yo dini ne pung di Korah de keret nya intun him ri.

NIJAM NIKEI NYA 17:8

Noro tini bu ne noni jo leu minu ndig dima ba, mbut-mbut nyen binggok mpia hiter bu mem gima bong niti. Mbut lene kwei krau Mikha de ig ei nungug him keret Efraim de dihyei hanjop nsi.

SAMUEL GI NIGOM 1:1

Mpe di gom lene Elkana bong ei minu ndig Rama ei nungug him di keret Efraim nya ide lewo noni ntun keret Efraim him. Nicig ninyeng Yeroham lene nignyon ninyeng Elihu. Noni ne Tohu nide bat ba, nimbier kim Zuf ninsi de nya.

SAMUEL GI NIGOM 9:4

Lene yo cin dima imbut bidem nungug him ei hanjop keret Efraim ide kin hanjop Salisa cem lo, ingat keledai pima bi. Lene imbut kikau ug ei hanjop keret Benyamin ide cem noro ingat ide keledai hi bi.

SAMUEL GI NICAN 20:21

Nyeni nitin ei ningon kanti nok gima bi. Noro Seba di timiei nungug him Efraim di nicig ninyeng Bikri hwen bit Nibou Ndig Daud ba, ningat rima ei minu ndig ade dima. Gino jikes noni ei dindati lene minikes je binimbut leu je ri.” Lene sop dima buhup “Mbigom minicom no dima nitibou leu ngug tig dini hwou bak na di Andigpoi ug ri.”

NIBOU NDIG NYA GI NIGOM 4:8

Nibou gom ninyeng tak kep nibou hanjop ibou simnaibrimigcan dima. Daptar dini tibim tut yo dima inyeng kin ide hanjop di inyeng tak kep nya. Ben-Hur ninyeng tak kep nungug him Efraim. Ben-Deker ninyeng tak kep minu ndig Makas kin Saalbim kin Bet-Semes kin Elon kin Bet-Hanan. Ben-Hased ninyeng tak kep minu ndig Arubot kin Sokho kin hanjop Hefer nisurti-nipekti. Ben-Abinadab di Salomo nipmisop Tafat nijjep ninyeng tak kep hanjop Dor nisurti-nipekti. Baana di Ahilud nipmot ninyeng tak kep minu ndig Taanakh kin Megido kin hanjop di jo dideu Bet-Sean nisurti-nipekti di jo dideu minu ndig Sartan di jo minu ndig Yizreel nibiho kikau bipek kin minu ndig Abel-Mehola kin minu ndig Yokmeam. Ben-Geber ninyeng tak kep minu ndig Ramot ei Gilead kin minu mien-mien ei Gilead di Yair nide bat nya di intun Manasye him ide kin hanjop Argob ei minu Basan. Hagom sok yam minu ndig di nindig bibor nya ningot muhwindagom ba, hagom bon ngug tig di ngkiem kin dimbou pmem nya di iba ngkimom-tembaga bibon cem. Ahinadab di Ido nipmot ninyeng tak kep hanjop Mahanaim. Salomo nipmisop Basmat nijjep Ahimaas ninyeng tak kep hanjop Naftali. Baana di Husai nipmot ninyeng tak kep hanjop Asyer kin minu ndig Alot. Yosafat di Paruah nipmot ninyeng tak kep hanjop Isakhar. Simei di Ela nipmot ninyeng tak kep hanjop Benyamin. Geber di Uri nipmot ninyeng tak kep hanjop Gilead po Sihon nibou ndig mben Amori kin Og nibou ndig mben Basan inyeng tak kep nipou pima.

NIBOU NDIG NYA GI NICAN 5:22

Lene Gehazi buhup “Andigpoi e, dijem ampon bina lewo Elisa sok nihyet ei da dip kwei bak na di Andigpoi tut nabi di pinai pilei nya ibou can leu nungug him Efraim sindi ittau kep nye. Gima rino nijoi sut na di Andigpoi ayai mitiei perak nitig sribu ningai kin sinsun di kei-kau nimig-ninda can bak nabi cin dima.”

NIJAM NIKEI NYA 18:13

Lene ikiju bimbut leu mpia dima biyuug kikau ug ei nungug him ei Efraim de dihyei hanjop nsi bibong bit Mikha.