YOSUA 24:27 - ALLAH NIHYET MEM TUNGWATU NYA

²⁷ Lene noni pai bak nide limwa nya yahagom “Ma jiyok jiyai kep tig jei dini lewo tig dini ngig nitingou mem tuhan nicuk nyeti hagom tu. Gima rino tig dini mingat jiyai munti nya bou niyai him ba, miwin kep jingonti leu binhyepo jikiek ba, jaham jimbuk kep jide Allah bu bi.”

YOSUA 24:27 ပူးပေါင်းရင်းမြစ်များ

LUKAS 19:40

Yesus buhup “Ma jingon jo kep bipia gino yo dini ikimut yuhui leu Da lene tig dini yok minggei sut Allah.”

YOSUA 22:34

Lene keret Ruben kin Gad ipai biyam “Nimbar hum dok dini ne nimbar hum ndok nibiyok ngon kep di ingat bou igyai him rin di biki nyeni yahagom ingon bipia tuhan ne Allah ri.” Lene ijem nimbar hum dok dima ninyeng “Nimbar Hum Ndok Ningat Bou Niyai Him.”

MATIUS 10:33

Noro bikwop no di bikep ser Da brei ne Dani cem midibikep ser noni brei ei Dicig Noho bei ei gwamti.”

NINDAT KEP TUHAN NICUKTI NYA 31:26

“Ma jiyai srat di Allah nicukti nya joti dini bijikon bijo simiak tuhan di nok ide Allah Nide Brua Gi Preu bijo kikau ei sirima binok mun di bindo tut Nide limwa nya igyai munti nya.

YESAYA 1:2

Mpia-bbed him e, ma amiap mun di tibim ei duhui him. Dihyeisi dini e, ma angig atingou mem dihyet. tuhan pai Dimunggwom bat di dinyohou yok yaham imbuk kep Da.

NIPINGOK NINGONTI 30:9

Leu gino abikum eisi ba, dinyeng bibor lene midikan ei dingonti bipia disuar na di Allah bu bi. Ne gino duhui mbum bibor ne leu ma dinggimang ndiyok lene gima bindei ba, tungwatu nya ingwes pri gau Na.

AYUB 31:23

Bit bon dibibon moibihi nok gima kan bi lewo dingon digit tut hukum di Allah mikes ei da dip.

SAMUEL GI NIGOM 7:12

Lene Samuel ug yai tig gom bitas ei Mizpa kin Sen ikieti lene bipai “Allah mpu nye kikau kwei bipek ammani kep tu.” Leu api noni jem tig dima ninyeng bipia “Tig Nibiyok Ngon Kep Allah Di Mpu Nye.”

NINDAT KEP TUHAN NICUKTI NYA 32:1

“Mpia-bbed him e, ma amiap mun di tibim ei duhui him. Dihyeisi dini e, ma angig atingou mem dihyet.

NINDAT KEP TUHAN NICUKTI NYA 31:21

Apino mun di buhun mang bibor micut igkep yok. Noro yoni mipai doia bibikiek mun di bindo tut igyai munti nya. Jit! Nogindini nipou tirigi dibie tut yok ug ei minu po dipreu ei mem yok tu pima bigyo ne dikan tut ingon kanti nya.”

TITUS 1:16

Yo dima ipai sut yonti bipia ikan tut Allah noro igyai munti nya srep tut ipaisi. Allah niyai ngkek ttin igyai munti nya lewo ibit nihyet bi. Dem tut gima igyai kep mun nyeng di kei gom cem bi.

NINDAT KEP TUHAN NICUKTI NYA 31:19

Nogindini ma apas kep doia dini lene ma angginau mben Israel tut lewo doia dini rinok mun di bindo tut igyai munti nya.

NINDAT KEP TUHAN NICUKTI NYA 30:19

Nogindini dibon nituti mem gima jima niyaijo e, he jima nimai e? Nituti mem gima jima gi kei e, he jima nisigion jeti e? Njap di ammani dihig mpia-bbed him kin dihyeisi dini ikwei bingat jide nikos tutti bou igyai him. Gima rino ma jikos tut bipia jima niyaijo.

NINDAT KEP TUHAN NICUKTI NYA 4:26

Gino jibit dihyet bi lene mpia-bbed him kin dihyeisi dini mitou kep je nok tungwagom di mipai brei sut jiyai munti nya lene jei bi mijipror hak leu minu di jibong kei jigwam kei eisi ei Minyei Yordan nite dima ug ug ri. Mijibong ser minu dima mem nituti poi he leu api tuhan mibindei ba, jimai bijingwig.

NINGAT-HI-NGAT NYA 3:8

Dikan tut jiyai munti nya. Dikan tut bipia jiyai nisindemti poi mien ba, jibit dingginau jeti bijingon gom tut Da. Dikau dimbou leu je ba, bit bon hi nggam mbou dima hanyen kan bi.

HABAKUK 2:11

Ningat ne tig tindak di jo-jo yam dip ei ngug tigti yahap iji ba, isigion je ba, ig nidihim nya ighyet ter tut.

MBEN ISRAEL IMBUT-MBUT NYEN 11:20

Noro mijiyem kep mikwau dima kikau mem bed nitindur gom bibou mikwau dima nos je bijinjim tut. Mun dini micut igkep je drek dip gi jingon mpo tut Da di tuhan di dingat rin ei jikieti cem drek dip gi jinso-nso nyen biDa bijipai ikan nye ikwei leu minu Mesir mem mindei i?”

YOSUA 24:28

Lene noni kes tungwatu nya bimbut leu api yahagom ingkwei hanyen ug ei ide hanjop nsi nya.

AYUB 31:28

Suar yo di ibon kep sisar dima itug ndei hukum nimai lewo bindo bipia ikou sut Allah Di Sindem Bibor.

YESAYA 59:13

Nikon Nani nok nyende tuhan bi ba, naham nimbuk kep Na binikou sut Na cem lene nikou sut gi nibit nyende Allah tu. Nico kep yo di hiter ba, nico tunggwei puig di nijit cem tu. Nikan-kan nyenti srawir ba, nisuglai munti hei leu nuhui him.