YOSUA 24:2 - ALLAH NIHYET MEM TUNGWATU NYA

² Lene noni pai biyok “tuhan di nok mben Israel ide Allah sok nihyet ei da dip bak jeni bipai bije ‘Habiei ei nimbie him lene jide pung nya ibong kei igwam kei ei itimieisi di jo ei Minyei Efrat nite dima ug ba, ikuk yok bak ide kwar nya ei sirima. Terah di jide pung yai nipmot bat cin di inyeng Abraham kin Nahor.

YOSUA 24:2 ပူးပေါင်းရင်းမြစ်များ

NITRITI 11:22

Tirigi Serug de njap ug ei ari bingwam ningot ningai leu api noni yai nipmot Nahor.

NITRITI 11:24

Tirigi Nahor de njap ug ei ari bingwam ningot can ba, muhwindatai leu api noni yai nipmot Terah.

NITRITI 11:26

Tirigi Terah de njap ug ei ari bingwam ningot muhwindacan leu api noni yai nipmot bat nya di inyeng rino Abram kin Nahor kin Haran.

NITRITI 11:27

Daptar dini tibim tut Terah de nintun him yamti di bram yam nya inyenga. Nipmot bat nya inyeng rino Abram kin Nahor kin Haran ba, Haran yai nipmot Lot ba,

NITRITI 31:19

Mpe dima lene Laban ug kos nide domba nya inta leu ba, ningat rin bi. Nijam dima bon nituti kei bibor mem Rahel ba, noni ug yai kwar di Laban ba ningon com nya leu ig bei buug sut.

NITRITI 31:30

Dikan tut bipia ambut leu da ba, angon bisau sut gima angkwei hanyen ug ei atimieisi. Noro nggon rino anggimang nyende kwar di nikuk nye bak nya ba, anang tut i?”

NITRITI 31:32

Noro tut ade kwar nya ne gino angat hi di nggimang mun dima leu na lene no dima mitug ndei nimai hak ug. Nna ba anggek ditde ndigban nya ser ade kwar nya. Side limwa nya migyok igyai kep sa leu api ditug ade mun nyeng hagom di anyeng tut nya hanyen bina.” Yakub buhup nok noro kan tut Rahel po nggimang Laban de kwar nya pima bi.

NITRITI 31:53

Abraham kin Nahor ide Allah miya hacan nok nikei mem sa. Lene Yakub heng bitug hon nicig Ishak de Allah ninyeng bipai bipia noni miyok ngon kep mun di Laban yoni ipreu kep yam tut dima.

NITRITI 35:4

Lene yoni ikes ngkiai ide kwar pima yok kin ide mitingou him hagom ei Yakub nindati leu api noni tig hagom ei dihyei jou hammi biei nindig bibor gom nikiou dideu minu ndig Sikhem.

YESAYA 51:2

Ma jiyok ngon kep jidigup bat-jidigai bat di Abraham kin Sara di isrek tut je. Mpe di po didimig Abraham lene noni bon nimunggwom hi bi. Noro dinjei mun di kei bak noni tug hon nide nintun him yamti di bram yam nya di diyai binoni.

YEHEZKIEL 16:3

tuhan Di Ninyeng Jei Bibor cuk da leu binhyepo ditri tut nisok ei da dip dini bak minu ndig Yerusalem “Na di minu ndig Yerusalem e, asrek ei minu Kanaan. Acig mben Amori. Lene apmem mben Het.

LUKAS 3:34

Yehuda ntun Yakub him ba, Yakub ntun Ishak him ba, Ishak ntun Abraham him ba, Abraham ntun Terah him ba, Terah ntun Nahor him ba,

NINDAT KEP TUHAN NICUKTI NYA 26:5

Lene ma no di ttei bansi dima kwei ndat kep nihyet dini ei tuhan di nok jide Allah Noho bei bipai ‘Arig tuhan e, pung di dintun him ne tungwagom leu Aram po mbut-mbut nyen bibuwak nide ig bei nsi nya yahagom ug ei minu Mesir pima ri. Tirigi yoni yuug krau minu Mesir lene imangti gom-gom he noro idigek kep mpia ei sirima apino imang nding bu ba, isindem bibor cem.

YOSUA 24:15

Gino jikou sut gi jikuk je bak Noni lene ma njap di ammani jikos tut no di jikuk je bak. Mijikuk je bak nung nya di jidigup bat-jidigai bat nya ikuk yok bak ei Mesopotamia pima e, he jikuk je bak nung di timiei mben Amori ei minu di jibong eisi dini ikuk yok bak nya e? Noro tut dani kin dide bat nya nahagom minikuk nye bak tuhan Nongkom.”