YOSUA 24:19 - ALLAH NIHYET MEM TUNGWATU NYA

¹⁹ Lene Yosua pai biyok “Krop kei mem jikuk je bak Noni bi. Suar jiba jingon titut bibit nihyet lewo Noni ningon sren-srau. Bit bon Noni kos ser jide sisar dino,

YOSUA 24:19 ပူးပေါင်းရင်းမြစ်များ

NIBOHON MBEN ISRAEL GI NICAN 36:16

Noro iba tungwatu nya di tuhan pinak yok kwei nya bikek ba, ipa tut Nide nabi nya bico kep nihyet cem. Apino bitig di tuhan gga yok dino bitbon puig hi mem gima ingwes ngun leu hukum di Noni mikes ei yokti dima bi a.

MAZMUR 99:3

Nna ba, ikon ninyeng di jei di dia-diau kei cem. tuhan kwes-kwau!

MAZMUR 99:5

Jikwei ba, ikon ide tuhan Allah ninyeng bijo nai ba, ikuk nye ei Nide banggo mbrei nuhui. Noni kwes-kwau!

MAZMUR 99:9

Ma jikon ide tuhan Allah ninyeng bijo anai. Jikuk je biNoni ei Nide mbigdip di Noni dimig ei mem Nonti lewo ide tuhan Allah ningon kwes-kwau.

NEHEI LEUSI 20:5

Harin dima jikuk je bak kwar nya a. Lewo Dani ne tuhan ba, dinok jide Allah rin ba, dikou sut kwar di tungwatu nya ikuk yok bak nya. Mem yo di ingon kinei sut Da lene midikes hukum ei yok dip kikau ug bipek imunggwom bat nya kin ignyon bat-idrot bat nya kikau ug bipek ide nintun him yamti di bram yam nya nimpung gi niningai kin nibitai bu.

NEHEI LEUSI 23:21

Ma jingig jitingou mem malaikat dima nihyet ba, jibit nihyet cem. Ma jikiek jimig jou tut noni au. Lewo dipinak noni ndam je tu. Noni miciu ser sisar nipigau hanjopti dima kan bi.

NEHEI LEUSI 34:14

Harin dima jikuk je bijinggei sut kwar nya a. Lewo Dani ne tuhan rin ba, di nok Allah di kou sut kwar nya.

NEHEI LEUSI 34:7

Dingondut tungwatu nya kikau ug bipek ide nintun him yamti di bram yam nya ibou sribu-ribu. Dikos ser ide sisar kin ide mun di igyai tunggwei nya. Noro bit bon yo di ingon mui nya mingwes ngun leu hukum kan bi. Lewo midikes hukum ei imunggwom bat nya kin ignyon bat-idrot bat nya dip kikau ug bipek ide nintun him yamti di bram yam nya nimpung gi niningai kin nibitai drek dip ide pung di intun him nya ide sisar.”

YESAYA 2:9

tuhan e, ma akos ser ide sisar au! Tungwagom-gom ninyeng micut bigwam ei nimmaiti.

YESAYA 27:11

Gino biei nda dima yok mui ba, dahat ei lene sop nya mikwei kam bittei mem biei nindig a. Mben dima ingon gi huk niti tut mun nyeng hi bi. Apino Allah di pai tes yok nya mingondut yok ba, ningon nggriu sut yok bi.

YESAYA 30:11

Ma jitti bileu ba, jikak puig hiter leu. Ma jiba mben Israel ide Allah di kwes-kwau bindin nye bu au.”

YESAYA 30:15

tuhan di nok mben Israel ide Allah Di Ninyeng Jei Bibor di kwes-kwau pai bak nide limwa nya “Ma jittin ser jide sisar ba, jiba jibou coi mem Da leu api miditeu je leu sisar. Ma jiba jingon di jo nyahan bicom Da leu api midibindei ba, jisindem bibor.” Noro jikou sut nihyet dima!

YESAYA 5:16

Noro tuhan Di Sindem Bibor ndo tut ninyeng jeisi tug hon gi bon mun di igbit. Noni mindo tut Nide nikwes-kwausi tug hon gi gwam nok nikei mem Nide limwa nya.

IMAM NYA IDE MIDYAI 10:3

Lene Musa pai bak Harun “Mun di cut igkep yo dima bit leu nok gi po tuhan sok kep nye tut tirigi po Noni pai bipia suar yo di igyai kep Nide midyai ikuk yok bak Nide nikwes-kwausi. Noni mindo Nide nikei-kau-keisi bak Nide limwa nya yahagom pima.” Pai nok noro Harun kum nuhui kep bibuhup bi.

IMAM NYA IDE MIDYAI 11:44

Dani ne tuhan bidinok jide Allah ri. Gima rino suar jikinding jenti bijikwes-kwau lewo Dani dikwes-kwau.

IMAM NYA IDE MIDYAI 11:45

Dani ne tuhan rin ba, dibuwak je kwei leu minu Mesir leu binhyepo jikuk je biDa. Suar jikinding jenti bijikwes-kwau lewo Dani dikwes-kwau.

IMAM NYA IDE MIDYAI 19:2

mben Israel “Suar jingon kwes-kwau lewo Dani ne tuhan bidinok jide Allah rin ba, dingon kwes-kwau.

IMAM NYA IDE MIDYAI 20:26

Didimig jeni leu mben hiter nya ikieti leu binhyepo dijem je bou Da nok Ditde. Suar jingon kwes lewo Dani ne tuhan rin ba, dikwes-kwau.

IMAM NYA IDE MIDYAI 20:7

Ma jinyohou jingon kwesti lewo Dani ne tuhan ba, jide Allah ri.

NAHUM 1:2

tuhan Allah kou sut yo di iba Noni bikek tug hon gi ikuk yok bak kwar nya. Yo di ico kep Noni mitug ndei hukum hak. Noni ba Nide nigga biborti bibuhup ide nibon munti di kinei bibor hanyen biyok.

HABAKUK 1:13

Nggon rino aba ayai ngat tentara dima yok di ibon mun di mbuk bibor i? Bit bon aba ayai ngat mun di mbuk bibor drek dip Ade ningon kwes-kwausi kan bi e? Ayai ngkek ttin ser yo di bit bon hiter ba ningon com yok kan bi nya bi e? Gima rino nggon rino akimut ahui tirigi mben Babel di imbuk bibor dor njiriek nye ikwei bihwen nye i?

MATIUS 6:24

“Bit bon tungwagom bon nonti nok awak mem niceu bat nya ibou can kan bi. Lewo miningon mpo tut hi lene miningon gom tut hi. Noni miba nijoi biborti biyai midyai mem hi lene ba ninghen biyai midyai mem hi. Bit bon jinok awak mem Allah kin ndigban di mipror yon cem kan bi.

YOSUA 24:18

Tirigi po nyeni nikieng kep minu dini sindam pima lene tuhan jji mben Amori bingwig leu itimieisi dini. Gima rino minikuk nye biNoni lewo Noni ne tuhan ba, nyende Allah ri.”

YOSUA 24:23

Lene Yosua sok kep yok bipai “Gi nok lene ma jicom nung di jikuk je bak nya di jo srig jide ndigbanti po jipos leu ngkiai nya pima leu api ma jipreu ei mem tuhan di nok jide Allah bipia mijingon gom tut Noni.”

SRAT RUT 1:15

Leu api Naomi pai binoni “Rut e, asut ngkwei hanyen ndam nide bat nya kin nide kwar hanyen tu. Suar nani cem angkwei hanyen bit noni.”

SAMUEL GI NIGOM 3:14

Gima rino disimbot dat tug hon neheng bak nide bat nya bipia bit bon nibon midut nindig mindhe tut ide sisar di nindig bibor dima kin mun di ikwas tut Da mibindei ba, dikos ser ide sisar bi sren.”

SAMUEL GI NIGOM 6:20

Lene mben Bet-Semes ipai biyam “Nyeni ne dem mem gima tuhan ningat rin ei nyeni ikieti bi. Ma ipinak Nide Brua Gi Preu ug ei sitou leu binhyepo jo minu ting bibor leu nye i?”