YOSUA 24:12 - ALLAH NIHYET MEM TUNGWATU NYA

¹² Tirigi jikieng kep ide minu dini sindam lene dibindei ba, yahagom ingon tai-tai bou apino nibou ndig mben Amori ibou can inang leu je. Yoni icut bije tug hon jide simeda nya kin jide hampiap nya bi.

YOSUA 24:12 ပူးပေါင်းရင်းမြစ်များ

MAZMUR 135:11

Nibou ndig dima yok rino Sihon di nok nibou ndig mem mben Amori kin Og di nok nibou ndig mem mben Basan kin nibou ndig minu Kanaan nya yahagom.

MAZMUR 80:10

Atin ei mpia di kei gom ba, ata ba anggur dima eisi leu binhyepo micom nigau ug ei dihyei jou apino nimeng nggrou bikieng kep minu dima nisurti-nipekti.

MAZMUR 80:9

Nyeni ne ba anggur ninjem di ahom leu minu Mesir rin ba, apwoi ba, ambut tut. Tirigi ajji ngkiai nya bingwig leu itimieisi lene ata ba anggur ninjem dima ei mpia dima hanyen.

NEHEI LEUSI 23:28

Midibindei ba, jide siceu nya yahagom ingon ttin bibor. Lewo midijji mben Hewi kin mben Kanaan kin mben Het yahagom leu joho bei.

NEHEI LEUSI 23:31

Lene midipek minu dima bak jeni ba, nijeisi jo leu minyei Akaba kikau ug bipek kin Minyei Efrat lene jo leu Muk Hacan nintig dip kikau ug bipek kin iggum dip ninghas him. Midisindem tut je leu binhyepo jijji timiei nya ei minu dima bingwig leu je sindam tirigi jidigek kep mpia.

MBEN ISRAEL IMBUT-MBUT NYEN 21:31

Nok lene mben Israel ibong timiei ei mben Amori ide minu,

MBEN ISRAEL IMBUT-MBUT NYEN 21:32

leu api Musa cuk yok biyuug nggok puig di dem mem gima ibihwen timiei minu ndig Yaezer nya. Lene mben Israel ipos minu ndig dima kin minu mien di jo ttai nya bigyati ba, ijji timiei minu Amori di ibong ei sirima leu.

NINDAT KEP TUHAN NICUKTI NYA 31:4

tuhan mihwen ngkiai dima yok bingwig bit leu nok gi po Noni hwen nibou ndig mben Amori ibou can di inyeng Sihon kin Og bindig ide minu bitimek bingwig tu pima.

NINDAT KEP TUHAN NICUKTI NYA 4:47

Yoni ibrim dihyei po Nibou Ndig Sihon de pima kin Nibou Ndig Og leu minu Basan de bigyati. Og dima ne mben Amori ide nibou ndig gom kin bu di bong ei Minyei Yordan nite bei mpia nipriti ri.

NINDAT KEP TUHAN NICUKTI NYA 7:20

Noni mibindei ba, yahagom ighyet ngwig kep yam bimbuk tut yam leu api mihwen yo di inang biku yok nyahan bingwig.

YOSUA 2:10

Nimiap tut gi po tuhan bindei ba, Muk Lipig bon ninggati ei joho bei tirigi po jingwes ngun leu minu Mesir pima. Nimiap tut gi po jiyai nimai bak nibou ndig cin di mben Amori di inyeng Sihon kin Og pima ei Minyei Yordan nite dima ug bei mpia nipriti cem tu.