YOSUA 24:11 - ALLAH NIHYET MEM TUNGWATU NYA

¹¹ Ei niabiati bu lene jisigon Minyei Yordan ba, jimbut ug ei minu ndig Yerikho. Lene tentara Yerikho kin mben Amori kin mben Feris kin mben Kanaan kin mben Het kin mben Girgasi kin mben Hewi kin mben Yebus yahagom ihwen je noro dibindei ba, yoni cem icut bak jeni leu api jihwen yok bingwig.

YOSUA 24:11 ပူးပေါင်းရင်းမြစ်များ

NITRITI 15:19

Bitut mben Keni kin Kenas kin Kadmon,

MAZMUR 105:44

Noni yai ngkiai nya ide minu bak Nide limwa nya apino igyai ide miai nya ba, ima bou yok nok ide dihyei ninda rom,

MAZMUR 114:3

Muk Lipig ngat Noni leu api nang. Minyei Pmem Yordan ntus ba, biam bi.

MAZMUR 114:5

Muk ndigsi e, mindei rino bindei di anang i? Minyei Pmem Yordan e, mindei rino bindei di antus ba, abiam bi i?

NEHEI LEUSI 13:5

tuhan ba neheng bipreu ei mem jidigup bat-jidigai bat nya bipia Noni mindo minu di mben Kanaan kin mben Het kin mben Amori kin mben Hewi kin mben Yebus yoni ibong ser dima bije binok jide hanjop nsi. Tirigi tuhan buwak je ug ei minu dibon ninnumti di kei bibor kei dima lene jiyok ngon kep nibon midut roti di dwoi bi mem bed gi nigom rino bed Abib bikwop ari bingwam hagom.

NEHEI LEUSI 23:23

Ditde malaikat mibie tut je bibuwak je ug ei mben Amori kin mben Het kin mben Feris kin mben Kanaan kin mben Hewi kin mben Yebus yahagom ide minu leu api midicok tut yo dima yahagom.

NEHEI LEUSI 23:28

Midibindei ba, jide siceu nya yahagom ingon ttin bibor. Lewo midijji mben Hewi kin mben Kanaan kin mben Het yahagom leu joho bei.

NEHEI LEUSI 23:31

Lene midipek minu dima bak jeni ba, nijeisi jo leu minyei Akaba kikau ug bipek kin Minyei Efrat lene jo leu Muk Hacan nintig dip kikau ug bipek kin iggum dip ninghas him. Midisindem tut je leu binhyepo jijji timiei nya ei minu dima bingwig leu je sindam tirigi jidigek kep mpia.

NEHEI LEUSI 3:17

Dikos tut bipia midibuwak yok leu minu Mesir lewo mben Mesir iba isibut bico kep yok. Leu api midibie tut yok ug ei minu jep di bon ninnumti di kei bibor lo, nogindini mben Kanaan kin mben Het kin mben Amori kin mben Feris kin mben Hewi kin mben Yebus yahagom ibong ser yo.

NEHEI LEUSI 3:8

Gima rino dijuk kwei leu binhyepo diteu yok bingwes ngun leu mben Mesir inda nsi leu api midibuwak yok leu minu Mesir ndam minu jep di bon nibresti nindig bibor. Minu jep dima ne ninnumti di kei bibor kei rin lo, nogindini mben Kanaan kin mben Het kin mben Amori kin mben Feris kin mben Hewi kin mben Yebus yahagom ibong ser yo.

NEHEI LEUSI 33:2

Midipinak malaikati gom bibie tut je leu api midijji mben Kanaan kin mben Amori kin mben Het kin mben Feris kin mben Hewi kin mben Yebus yahagom bingwig leu minu dima.

KISAH 13:19

Noni njei bitot mben ngkiai nya nitindur muhwindacan bitimek bingwig ei Kanaan leu api kwas minu dima hagom tut mben Israel leu binhyepo igyai minu dima titut yam binok ide minu ninda rom.

KISAH 7:45

Ei nidipti bu lene ide pung di intun him nya iba yo kep prak meng dima leu idigup bat-idigai bat nya bibiang-biang nyen tirigi yoni kin Yosua injei bitot ngkiai nya di Allah jji yok bingwig sindam leu api igyai minu dini bigyati. Prak meng dima jo nijoti ug bipek nijam Nibou Ndig Daud.

NINDAT KEP TUHAN NICUKTI NYA 7:1

“tuhan di nok jide Allah mibuwak je ug ei minu ttou nsi gom leu binhyepo jidigek kep minu dima nisurti-nipekti. Lene Noni mijji ngkiai nya imang bibor leu minu dima. Noni mijji mben nindig bibor muhwindacan di isindem bibor dor njiriek je cem bou jiyai him. Yo dima rino mben Het kin mben Girgasi kin mben Amori kin mben Kanaan kin mben Feris kin mben Hewi kin mben Yebus.

YOSUA 3:10

Tirigi sindi jicoi ug ei minu dima lene tuhan mihwen mben Kanaan kin mben Het kin mben Hewi kin mben Feris kin mben Girgasi kin mben Amori kin mben Yebus yahagom bingwig sindam ei joho bei. Apino mijo nibreisi mem je bipia tuhan di niyaijo Ningat rin ei jikieti,

YOSUA 4:1

Niabiati mben Israel yahagom yuug dihip ei nite hi tu lene tuhan pai bak Yosua,

YOSUA 4:19

Lene mben Israel isigon Yordan mem njap gi nisimnai ei bed gi nigom leu api yohok ide prak meng nya ei Gilgal dideu minu ndig Yerikho nite bei mpia nipriti.

YOSUA 4:23

Ma jipui sut notou tuhan di nok jide Allah bindei ba, Minyei Yordan bon nipingge leusi kikau bibou jahagom jisigon ba, juug dihip ei nite hi bu ug e bit leu nok Noni bindei ba, Muk Lipig bon nipingge leusi mem nye nipou pima.

YOSUA 9:2

Nibou ndig dima yok yahagom igyok ingon gom ba, ibicom yam mem gima ikon pran bit Yosua kin mben Israel.