YOSUA 24:10 - ALLAH NIHYET MEM TUNGWATU NYA

¹⁰ Noro disindui sut Bileam ningon kanti dima bi. Gima rino noni ngat nadi tindei mun di kei mem je. Tug hon nisinati dima ne diteu je bijingwes ngun leu Balak ninda nsi.

YOSUA 24:10 ပူးပေါင်းရင်းမြစ်များ

YESAYA 54:17

Noro bit bon minggwen di tukan nya ibon dima sindem mem gima tot na kan bi. Tirigi hi pai kep na ei nikei noho bei lene nihyet minok bu tan lewo ando bindo di bindo pia yai mun tunggwei bak. Midimbrap gau Ditde awak nya bidibindei ba, ihwen ide siceu nya bitimek.” tuhan simbot dat tu.

MIKHA 6:5

Ditde limwa jen, ma jiyok ngon kep notou Nibou Ndig Balak ei Moab kos dat mem gima bibon je kinei ba, notou Bileam di Beor nipmot buhup Balak nihyet cem. Ma jiyok ngon kep mun di pek kep mem je ei puig sinon tirigi jijo leu prak meng yati ei Sitim kikau ug ei prak meng yati ei Gilgal pima. Gino jiyok ngon kep mun dima yok hagom lene mijo nibreisi mem je bipia dibrim dingkek mem gima dimpu je.”

MBEN ISRAEL IMBUT-MBUT NYEN 22:35

Noro malaikati buhup “E bi! Abit yo dima hak ug. Noro midipingok angonti leu binhyepo gino ahap aji lene ahyet mitibim tut dingon kanti he.” Lene Bileam mbut kikau bit nibou po Balak cuk yok kwei pima.

NINDAT KEP TUHAN NICUKTI NYA 23:5

Noro jide tuhan Allah ngig nitingou mem Bileam nihyet bi. Lewo Noni ngondut je lene ba mun di kei biluei nisigion jeti dima.

YOSUA 24:11

Ei niabiati bu lene jisigon Minyei Yordan ba, jimbut ug ei minu ndig Yerikho. Lene tentara Yerikho kin mben Amori kin mben Feris kin mben Kanaan kin mben Het kin mben Girgasi kin mben Hewi kin mben Yebus yahagom ihwen je noro dibindei ba, yoni cem icut bak jeni leu api jihwen yok bingwig.