YOSUA 23:9 - ALLAH NIHYET MEM TUNGWATU NYA

⁹ Tirigi jinjei siceu bijikon pran lene tuhan mibindei ba, mben di nindig bibor di isindem bibor cem minang leu itimieisi dini ei joho bei. Bit bon jide siceu dima hi ya ngkiem bahau mem gima bindei timek je kan bi.

YOSUA 23:9 ပူးပေါင်းရင်းမြစ်များ

NIBOU NDIG NYA GI NIGOM 21:26

Ahab bon sisar di mpiei bibor tirigi noni kuk no bak kwar nya noyam kin mben Amori po Allah jji yok bingwig leu ide dihyei hanjop nsi tirigi mben Israel sindi ikieng kep minu Kanaan pima.

NIBOHON MBEN ISRAEL GI NICAN 20:7

Nani ne nyende Allah ri! Tirigi Ade limwa di mben Israel nya ikwei krau minu dini lene akes hagom bak asut di Abraham leu binhyepo dihyei dini nok mben Israel ide dihyei ninda rom bijo ninno bijo kikau.

NEHEI LEUSI 23:23

Ditde malaikat mibie tut je bibuwak je ug ei mben Amori kin mben Het kin mben Feris kin mben Kanaan kin mben Hewi kin mben Yebus yahagom ide minu leu api midicok tut yo dima yahagom.

NEHEI LEUSI 23:30

Noro midijji yok sindam bibou jimangti dem mem gima jiya bidem minu dima nisurti-nipekti ug e.

KISAH 7:45

Ei nidipti bu lene ide pung di intun him nya iba yo kep prak meng dima leu idigup bat-idigai bat nya bibiang-biang nyen tirigi yoni kin Yosua injei bitot ngkiai nya di Allah jji yok bingwig sindam leu api igyai minu dini bigyati. Prak meng dima jo nijoti ug bipek nijam Nibou Ndig Daud.

NINDAT KEP TUHAN NICUKTI NYA 11:23

Leu api tuhan muhuk mben dima yahagom sindam leu joho bei leu api mijibong ser mben di imang bibor ba, isindem bibor cem dor njiriek je ide minu a.

NINDAT KEP TUHAN NICUKTI NYA 7:24

Noni mikes ide nibou ndig nya ei jindati. Tirigi jihwen yok bingwig lene ide limwa nya mingon prion ser yok. Bit bon jide siceu nya igya ngkiem ser je kan bi lewo mijihwen yahagom bingwig.

YOSUA 1:5

Yosua e, bit bon ade siceu hi hwen na bibindei ba, acut bak yoni kikau ug bipek ade njap ningwig honti kan bi. Lewo midingat rin bit na bit leu nok gi po dingat rin bit Musa pima ba, midikes na bihigom ei bi sren.

YOSUA 15:14

Yo di intun Enak him ne Sesai kin Ahiman kin Talmai ide bat nya. Kaleb jji yo dima yahagom leu Hebron.

YOSUA 23:5

Jide tuhan Allah mibindei ba, mben dima yok misu jou binang leu jeni mpe di jinjei siceu mem gima jihwen yok. Mijipos ide minu dima ba, jima nok jide bu bit leu nok jide tuhan Allah preu ei mem je tu.

YOSUA 23:8

Noro ma jibit tuhan kin jingon di gom kikau noyam kin gi jibon kep nipou kwei bipek ammani kep.

YOSUA 24:18

Tirigi po nyeni nikieng kep minu dini sindam pima lene tuhan jji mben Amori bingwig leu itimieisi dini. Gima rino minikuk nye biNoni lewo Noni ne tuhan ba, nyende Allah ri.”