YOSUA 23:7 - ALLAH NIHYET MEM TUNGWATU NYA

⁷ Gino jiyai igbit ditde nipingok jeti dima lene mijiket ei mben nya di igya ngkiem ei jikieti pimati bijingat nadi tug hon ide kwar nya inyeng bijeheng bitug hon kwar dima inyeng mijikuk je bak bijinggei sut ide kwar dima yok cem bi.

YOSUA 23:7 ပူးပေါင်းရင်းမြစ်များ

NIBOU NDIG NYA GI NICAN 5:18

Dingon ya mem gima tuhan mikos ser ditde sisar gino nibou ndig mben Siria suar da bidiya kui noni tirigi ngat nadi ei mben Siria ide kwar Rimon de mpia nibon midut nibousi.”

NIBOHON MBEN ISRAEL GI NICAN 7:19

Noro gino aya tut ade limwa nya ba, jico tunggwei Ditde niggai serti kin nicukti nya ba, jikuk je bak nung nya,

MAZMUR 16:4

Yo di ikuk yok bak kwar nya mitug ndei mun di buhun tak yok nindig bibor. Midinjei bit yok tirigi ibon midut nindig mindhe-ndhe nya kep hum bak ide kwar nya ba, midindat kep kwar dima yok inyeng ei duhui him bi sren.

NEHEI LEUSI 20:5

Harin dima jikuk je bak kwar nya a. Lewo Dani ne tuhan ba, dinok jide Allah rin ba, dikou sut kwar di tungwatu nya ikuk yok bak nya. Mem yo di ingon kinei sut Da lene midikes hukum ei yok dip kikau ug bipek imunggwom bat nya kin ignyon bat-idrot bat nya kikau ug bipek ide nintun him yamti di bram yam nya nimpung gi niningai kin nibitai bu.

NEHEI LEUSI 23:13

Ma jiyok ngon kep Ditde nicuk jeti nya hagom. Ma jikuk je bijahara bak ngkiai ide nung di ikuk yok bak nya au. Harin dima jindat kep nung dima ninyenga.”

NEHEI LEUSI 23:33

Lene jice tut yo dima ipek hanjop nsi hi ei jide minu dima au. Gino ipek hanjop nittou nsi gom lene gima mibindei ba, mijikuk je bak ide nung nya ba, jibibon sisar tut Da. Leu gino jikuk je bak ide nung nya lene mijibiam bon nimai.”

NIPINGOK NINGONTI 4:14

Ma ayai bram yo di isibut nya igyai munti nya kin igyaijoti nya cem au.

YEREMIA 12:16

Gino iba ingon titut bicigit Ditde limwa nya ide nibindei mbut mun di ikuk yok bakti kui yok lene iba neheng bipai ‘Nipreu ei tug hon tuhan di niyaijo ninyeng’ (bit leu nok nipou yo ico dri Ditde limwa nya tut gima yeheng tug hon Baal ninyeng) lene yoni cem minggre kin Ditde limwa nya ba, ibong kei igwam kei.

YEREMIA 5:7

tuhan pai “Nggon rima dikos ser Ditde limwa nya ide sisar nya i? Iba inghim biDa bikuk yok bak kwar nya tu. Dikwas njita tut yok ba, igyem bindei yok noro ibon sisar nicut tut yamti ba, icem kep sop di ikrar jut nya.

HOSEA 2:17

Midipai ser noni leu binhyepo noni ndat kwar Baal ninyeng bu bi sren. Apino tungwatu nya migyok ngon kep kwar Baal ninyeng bu bi.

ZEFANYA 1:5

Midicok tut yo di ikui ug ei ig bou ninjek dip leu binhyepo ikuk yok bak mpia yaisi kin bed mmun kin ham mpia-bbed him nya yahagom poi hak. Midicok tut yo di ikuk yok biDa di iba neheng pai bipia ingon gom tut Da lo, yeheng bitug hon kwar Milkom ninyeng dima hak ug.

MBEN ISRAEL IMBUT-MBUT NYEN 32:38

kin Nebo kin Baal-Meon kin Sebam hanyen. Noro iluei minu ndig di iwin hanyen dima hagom ninyeng hanyen.

MBEN ISRAEL IMBUT-MBUT NYEN 33:55

Noro gino jijji timiei minu dima yahagom bingwig leu bi lene timiei di ibong kikau ei mpia dima mporo mibibon bijingon buhun dem kep nok iggum di cut ei jiyai njepti kin ndia nggwen di dahat ei jimigti. Lene yoni minjei bihwen je.

KORINTUS GI NIGOM 15:33

Ma jikrau tunggwei puig au. Gino jiba je bipis yo di ibon mun hacican ikieti ne jei bi yahak igyai kepti dima ei jeti hanyen.

EFESUS 5:11

Ma jiyai bram tungwatu nya igyai kepti di bon ninyeng bi nya au. Lewo igyai kepti dima yok ntun ingon di dindi him. Noro ma jiba nipigati bipiga digai hagom. (

NINDAT KEP TUHAN NICUKTI NYA 10:20

Ma jiba jibou coi mem tuhan di nok jide Allah bijikuk je bak Noni Nongkom. Ma jingon gom tut Noni ba, jipreu ei kin neheng tug hon Nongkom ninyeng cem.

NINDAT KEP TUHAN NICUKTI NYA 6:13

Ma jikon tuhan di nok jide Allah ninyeng lene ma jikuk je biNoni cem jiba neheng bipreu mun ei tug hon Noni Nongkom ninyenga.

NINDAT KEP TUHAN NICUKTI NYA 6:14

Ma jikuk je bak nung di ngkiai nya di ibong ttai je ikuk yok bak nya au.

YOSUA 23:12

Gino jingon gom tut Noni bu bi ba, jiket ei mben di ibong ei jikieti nya bijiwak ide sop nya kin pinai nya,

YOSUA 23:8

Noro ma jibit tuhan kin jingon di gom kikau noyam kin gi jibon kep nipou kwei bipek ammani kep.