YOSUA 23:14 - ALLAH NIHYET MEM TUNGWATU NYA

¹⁴ Son dideu ditde njap ningwig honti tu bidimai ug ri. Jo nibreisi mem jahagom tu bipia jide tuhan Allah njei mun nyeng di kei di Noni preu sut ei mem je hagom bak jeni tu. Ba, jikan tut gima mungkun kei. tuhan yai mun bipek kep Nide nipreu eisi nya hagom mem je tu. Hi cut hacan bi sren.

YOSUA 23:14 ပူးပေါင်းရင်းမြစ်များ

NITRITI 47:29

Son dideu nide njap ningwig honti lene noni sok nihyet mem nipmot Yusuf kwei lene pai binoni “Ma asu anda ei diko kieti gi bindo bipia tirigi dimai leu su lene ma atig dingut ei minu Mesir au.

NIBOU NDIG NYA GI NIGOM 2:2

“Son dideu diyaijo ningwig honti tu. Gima rino ma angon gom ba, abrim angkek,

NIBOU NDIG NYA GI NIGOM 8:56

“Jikwei ba, yahagom inggei sut tuhan di bindei ba, Nide limwa nya ibong kei igwam kei bit leu nok Noni preu ei binye tug hon Nide awak di Musa. Mun di kei di Noni preu ei mem nye hagom pek kep mem nye tu.

AYUB 30:23

Dikan tut bipia akri da ug ei minu nimai ide. Gima ne mpia di mporo yo di yahagom midem yam eisi ri.

NEHEI LEUSI 3:8

Gima rino dijuk kwei leu binhyepo diteu yok bingwes ngun leu mben Mesir inda nsi leu api midibuwak yok leu minu Mesir ndam minu jep di bon nibresti nindig bibor. Minu jep dima ne ninnumti di kei bibor kei rin lo, nogindini mben Kanaan kin mben Het kin mben Amori kin mben Feris kin mben Hewi kin mben Yebus yahagom ibong ser yo.

NIBA NINGON SRIP HUKTI 12:5

Mpe dima lene gino akui ug ei mpia di jo anai bibor ne ayai minang ba, anyohou mbut cem. Mpe dima lene abou tiei ba, amig buhun cem. Mpe dima lene angut kanti nya mipren bingwig leu api angon pri kep ndiyok bu bi. Tungwatu nya yuug ei ibong kepti gi ningwigsi ba, tungwatu di ingon ngguk tut yok nya sindi ipim-pim nyen kak puigya.

NIBA NINGON SRIP HUKTI 9:10

Ma ata abou ei ade midyai nyati sri lewo tungwatu nya igyai midyai cem ikan-kan nyen cem ingon dor niti cem ingon ki cem ei minu nimai nya ide bu bi. Ba, mporo ador ug ei sirima.

YEHEZKIEL 20:28

Mpe dino dibuwak yok kwei ei minu di dipreu ei mem yok dini leu api ingat mbigdip di anai nya kin biei di nimeng nggrou nya lene ibon midut nindig mindhe-ndhe ei nimbar hum dokti mem ide kwar di ikuk yok bak ei mpia dima yok. Ibindei ba, digga yok drek dip ide midut dima yok kin anggur di ikwas tut kwar nya di ikuk yok bak.

MBEN ISRAEL IMBUT-MBUT NYEN 23:19

Allah kin tungwatu nya inoyam bi. Noni luei ningonti nyen ba, ris bak tungwatu nya kan bi. Noni yai hagom bit leu nok nipreu eisi tu! Tirigi Noni mbrap lene dem igbit nipaisi!

LUKAS 21:33

Mpia-bbed him kin dihyeisi dini misar noro Da dihyet misar bi sren.”

IBRANI 9:27

Allah pai ei su bipia tungwatu nya yahagom imai mbigom ngat he leu api Noni mimbus ingonti.

SAMUEL GI NIGOM 3:19

Lene tuhan ningat rin bit Samuel kikau bindig lene bindei ba, mun di tibim ei Samuel nuhui him nya pek kep dem igbit nipaisi dima.