YOSUA 23:10 - ALLAH NIHYET MEM TUNGWATU NYA

¹⁰ Dem mem gima jide tentara gom ngat sindem mem gima bindei timek jide siceu nya ibou sribu gom. Lewo jide tuhan Allah hati tut jeni bikon pran bit yok bit leu Nide nipreu kep jeti.

YOSUA 23:10 ပူးပေါင်းရင်းမြစ်များ

SAMUEL GI NICAN 23:8

Daptar dini tibim tut Daud de nibou tentara di inyeng jei nya. No di nigom rino Ishbaal di mben Hakhmoni di nok nibou di bie tut ‘Nimpung Nihwen Kep Mun Cig Gi Niningai’ Mpe di gom ne tentara Daud ikon pran bit siceu nya leu api Ishbaal nongkom bindei timek siceu ibou sratus muhwindaningai biba nide micim bidat yahagom bimai ei njap gom.

NIBOHON MBEN ISRAEL GI NIGOM 5:20

Tentara dima yok iba ingon com Allah ba, yahara bak leu binhyepo mpu yoni. Leu api Noni buhup ighyet bisindem tut yok leu binhyepo ibindei timek mben Hagri nya bitut tentara ngkiai di itti kin yok nya yahagom.

MAZMUR 35:1

Doia Daud. tuhan e, ahwen yo di ihwen da lene akon pran bit yo di ikon pran bit da.

MAZMUR 46:7

Allah nihyet dem kep nok kru di cut bibindei ba, tungwatu dihyeisi dini inghuisi jet bingwig ba, yahagom ingon ttin bibor, Nibou ndig di inyeng tak kep limwa nya titut yam mitti bingwig cem.

NEHEI LEUSI 14:14

tuhan mibrim ningkek mem je. Noro ma jahagom jiya jiyati dima bijikimut juhuigya.”

YESAYA 30:17

Gino jibou sribu gom jingat jide siceu gom ngat di srep huk je lene mijinang leu noni. Gino jide siceu ibou muhwi he isrep huk je lene jahagom mijinang bijingwig. Kendera nidihim gom ngat he mijo nijoti ei mbigdip di jikes ei bijinang ningwig leu dima.

IMAM NYA IDE MIDYAI 26:7

Mijiyai nisindemti mem jibindei timek jide siceu nya.

IMAM NYA IDE MIDYAI 26:8

Mijiyai nisindemti mem gima jibou muhwi he di jikon pran igkei jibindei timek ibou sratus gom. Lene mijiyai nisindemti mem gima jibou sratus gom di jikon mbrap igkei he jibindei timek ibou sribu simnai.

ZAKHARIA 12:8

Njap dima dem ne midinyohou timiei minu ndig Yerusalem nya ba, yo di inghuisi jet bibor di ibong ikieti nya igyai nisindemti noyam kin Daud de nisindemti. Yo di intun Daud him mikrau inda bibie tut yok dem kep nok Ditde malaikati nibie tut yokti ba, dem kep nok dikrau inda bidibie tut yok.

ROMA 8:31

Gima hagom nok lene notou ibuhup hanyen bu i? Gino Allah tti kin nye ne tou ribindei cut nye i?

NINDAT KEP TUHAN NICUKTI NYA 20:3

‘Disut bat mben Israel jen, ma jintu kep dihyet dini! Njap di ammani jinjei bijikon pran ug ri. Ma jittin tut jide siceu nya ba, jingon digit cem jingon tai-tai bou cem au.

NINDAT KEP TUHAN NICUKTI NYA 20:4

Lewo jide tuhan Allah minjei siceu bit je bisindem tut je leu binhyepo jibindei timek yok.’

NINDAT KEP TUHAN NICUKTI NYA 28:7

Gino jide siceu nya ihwen je lene tuhan mibindei timek yok. Yoni mibrim imig sindem bibor kwei leu binhyepo ihwen je sindem noro minang hanyen sinsiou leu joho bei.

NINDAT KEP TUHAN NICUKTI NYA 3:22

Ma attin tut yoni au. Lewo ade tuhan mikon pran gau nani.”

NINDAT KEP TUHAN NICUKTI NYA 32:20

Bipai ‘Mbro nok gino dingat igbit mun di mipek kep mem yok ei nidipti bu lo, midimpu yok bi sren. Lewo ingkek ndok ba, ingon gom tut Da bi.

NINDAT KEP TUHAN NICUKTI NYA 32:30

Nggon rino ibou sribu gom icut bak ide siceu gom ngat i? Nggon rino ibou sribu simnai icut bak ide siceu nya ibou can he i? Lewo tuhan di nok ide Allah kes yok ei ba, No di sindem bibor tri yok bak ide siceu nya tu.

YOSUA 10:42

Yosua nya iba nikon pran sindam dima bibindei sar nibou ndig dima yok yahagom. Lene ibindei sar minu ndig di ide di inyeng tak kep nya cem leu api igyai bigyati. Lewo tuhan Allah Israel hati tut tentara Israel bikon pran tut yok.

YOSUA 23:11

Gima rino ma jiyok ngon kep jide tuhan Allah ba, jingon ngakei Noni.

YOSUA 23:3

Jide tuhan Allah mpu je bikon pran bit jide siceu nya lene jingat notou Noni bibon yok bou jiyai him tu.

NIJAM NIKEI NYA 15:15

Lene noni ngat keledai niji njum gom di kroi bigyo ei dihyeisi lene ba ninjum dima bibui mben Filistin ibou sribu gom bimai bingwig.

NIJAM NIKEI NYA 3:31

Nibou di bie tut mben Israel gi bram bu rino Samgar di Anat nipmot. Noni cem brim ningkek bihwen siceu nya. Noni ba tom di biya ser sapi nya biyai nimai bak mben Filistin ibou sratus muhwindagom apino kwek mben Israel leu ide siceu inda nsi.

SAMUEL GI NIGOM 14:6

Lene Yonatan pai bak pinai pilei pima “Akwei ba, suug ei mben Filistin ide prak meng yati. Yoni ikuk yok bak Allah bi. Mpaba tuhan mimpu sa lewo Noni sindem mem gima bindei ba, side siceu nya micut tug hon tentara di imang bibor kin tentara di ibou poi he cem.”