YOSUA 22:5 - ALLAH NIHYET MEM TUNGWATU NYA

⁵ Ma jisok kep jenti ser nhyema jibit nicukti nya di Musa tri tut bije. Ma jingon ngakei jide tuhan Allah ba, jibit ningon kanti cem jibit nicuk jeti nya ba, jingon gom tut Noni cem lene ma jiba jingon titut kin jinnei titut yam bikuk je bak ba, jinok Nide awak nya.”

YOSUA 22:5 ပူးပေါင်းရင်းမြစ်များ

MAZMUR 106:3

Yo di ibit Nide nicukti nya ba, igyai munti nya hagom igbit ne ingon nggei-hi-nggei.

MAZMUR 78:7

Tug hon nisinati dima ne iba ingon com Allah lene ibbwe ser Nide nibon munti nya bi. Noro ice tut bibit Nide nicukti nya kikau.

NEHEI LEUSI 15:26

Bipai biyok “Gino jiba jingon di gom bibit dihyet lene jiyai munti nya hagom sren kei bou diyai him leu api jiyok ngon kep dicuk jeti nya hagom lene midikes hukum ninggwen di buhun nya po di kes ei mben Mesir dip pima ei je dip bi. Dani ne tuhan di bindei ba, jikei hanyen ri.”

NEHEI LEUSI 20:6

Noro midingon ngakei yo di ingon ngakei Da bibit dihyet yahagom kikau ug bipek ide nintun him yamti di bram yam nya ibou sribu-ribu bram yam.

NEHEI LEUSI 23:13

Ma jiyok ngon kep Ditde nicuk jeti nya hagom. Ma jikuk je bijahara bak ngkiai ide nung di ikuk yok bak nya au. Harin dima jindat kep nung dima ninyenga.”

NEHEI LEUSI 23:25

Gino jikuk je bijinggei sut Da di tuhan nok jide Allah lene midinjei mun di kei nok njita di jiyem kin minyei su di jidut bak jeni ba, midicom ninggwenti nya hagom ei minu ting bibor leu je.

NIPINGOK NINGONTI 4:23

Ma anyohou ya ser angonti lewo angonti rino bindo tut puig di ayaijoti mbut kak.

YESAYA 55:2

Nggon rino jiba jide mitiei bipek mun di jijoi sut bi i? Nggon rino jita jibou ei jide midyai di bindei ba, jingon kei bi nyati i? Ma jibit dicuk jeti nya apino mijiyem njita di kei bibor kei dor njiriek njita nindigsi nya hagom.

YEREMIA 12:16

Gino iba ingon titut bicigit Ditde limwa nya ide nibindei mbut mun di ikuk yok bakti kui yok lene iba neheng bipai ‘Nipreu ei tug hon tuhan di niyaijo ninyeng’ (bit leu nok nipou yo ico dri Ditde limwa nya tut gima yeheng tug hon Baal ninyeng) lene yoni cem minggre kin Ditde limwa nya ba, ibong kei igwam kei.

MATIUS 22:37

Yesus buhup “Suar aba angonti titut yam kin anei titut yam kin angon kanti titut yam bingon ngakei ade Tuhan Allah.

MATIUS 4:10

Noro Yesus pai bu “Bilis e, aug leu Da hak ug. Lewo Allah Nihyet pai bipia ma jikuk je bak jide Allah ba, jibit Nongkom hak.”

MATIUS 6:24

“Bit bon tungwagom bon nonti nok awak mem niceu bat nya ibou can kan bi. Lewo miningon mpo tut hi lene miningon gom tut hi. Noni miba nijoi biborti biyai midyai mem hi lene ba ninghen biyai midyai mem hi. Bit bon jinok awak mem Allah kin ndigban di mipror yon cem kan bi.

LUKAS 1:74

bipia miteu nye leu ide siceu nya inda nsi leu binhyepo inok Nide awak di inghuisi mpig sut Noni bi,

YOHANES 12:26

No di joi sut jem niceu bit Da lene suar noni bit Da leu binhyepo Ditde awak nya ingat rin bit Da ei mpia di dingat rin eisi. Ba, Dicig mikon Ditde awak nya inyenga.”

YOHANES 14:15

“Gino jingon ngakei Da lene jibindei mbut Ditde nicukti nya.

KISAH 11:23

Tirigi noni kwei krau bingat lo, Allah singat tut yok lene ningon llei bibor. Lene noni pingok yo dima ingonti leu binhyepo iba ingon titut yam bingon gom tut Tuhan.

KISAH 27:23

Dikuk da bak Allah di ninyeng tak kep da ba, himmun di aponi lene Noni cuk Nide malaikati gom kwei,

ROMA 1:9

Tirigi dingat nadi lene dingon prion ser je bi. Allah ngat bou niyai him bipia dipaisi dima ne nijit-jau ri. Noni ne Allah di diba dijoi biborti biyai kep Nide midyai nya tirigi ditri tut Nihyet Di Kei tut Nipmot ri.

ROMA 12:9

Ma jiba jingon di gom bingon ngakei tungwatu nya. Ma jingon mpo tut mun di kinei leu ba, jikrau kep mun di kei.

ROMA 8:28

Ikan tut bipia gino tungwatu nya ingon ngakei Allah di hig yok bit leu ningon kanti ne Noni nyohou dimig mun nyeng hagom di pek kep mem yok bibie tut yok.

NINDAT KEP TUHAN NICUKTI NYA 10:20

Ma jiba jibou coi mem tuhan di nok jide Allah bijikuk je bak Noni Nongkom. Ma jingon gom tut Noni ba, jipreu ei kin neheng tug hon Nongkom ninyeng cem.

NINDAT KEP TUHAN NICUKTI NYA 11:1

“Ma jingon ngakei jide tuhan Allah ba, jice tut jibit nicuk jeti nya hagom.

NINDAT KEP TUHAN NICUKTI NYA 11:13

Gima rino ma jibit nicukti nya di ditri tut bijeni njap di ammani. Ma jingon ngakei jide tuhan Allah lene ma jiba jingon titut kin jinnei titut bikuk je bak Noni.

NINDAT KEP TUHAN NICUKTI NYA 11:22

Ma jiba jingon di gom bibit nicukti nya di ditri tut bijeni hagom kikau ba, jingon ngakei jide tuhan Allah. Ma jibit nicuk jeti nya hagom ba, jiba jingon di gom bibit Noni kikau cem.

NINDAT KEP TUHAN NICUKTI NYA 13:4

Ma jitti kin tuhan di nok jide Allah bijiba jibou coi mem Noni ba, jibit nihyet cem jiyok ngon kep nicuk jeti nya cem jikuk je bak Noni cem jingon gom tut Noni cem.

NINDAT KEP TUHAN NICUKTI NYA 4:29

Mpe dima ne mijinggok tut tuhan di nok jide Allah ba, gino jiba jingon di gom binggok tut Noni lene mijingat Noni.

NINDAT KEP TUHAN NICUKTI NYA 4:4

Noro je dino jingon gom tut tuhan di nok jide Allah ei mpia dima ne jiyaijo kikau kwei bipek ammani kep.

NINDAT KEP TUHAN NICUKTI NYA 4:6

Ma jiba jingon gom bibit nicukti nya hagom apino ngkiai nya mingat bou igyai him bipia jingon ki. Tirigi yoni imiap tut niggai serti dima lene yahagom misimbot kep bipai biyam ‘Mbenjen! Mben di nindig bibor dini ingon ki ba, ingon tek cem.’

NINDAT KEP TUHAN NICUKTI NYA 4:9

Ma jiyok ngon kep mun di jingat bou jiyai him kikau ug bipek jiyaijo ningwig honti lene ma jingon prion ser au. Ma jitri tut mun dima yok hagom bak jimunggwom bat nya kin jignyon bat-jidrot bat nya.

NINDAT KEP TUHAN NICUKTI NYA 5:10

Noro midingon ngakei yo di ingon ngakei Da bibit dihyet kikau ug bipek ibou sribu-ribu di intun yok him bram yam.

NINDAT KEP TUHAN NICUKTI NYA 6:17

Ma jibit nicukti di Noni yai bije tu nya hagom.

IBRANI 12:15

Ma jisok kep yam leu binhyepo hi ngkwei hanyen leu Allah nisingat tut nyeti au. Ma jisok kep yam leu binhyepo jiwer krisieu nikioi di hei ei jikieti di pu imang bibor bibindei ba, sisar srou yok au.

YAKOBUS 1:12

Tungwa tou rino ningon nddong mpe dino mun di buhun cut igkep noni ne no dima ningon nggei-hi-nggei. Lewo niabiati noni ba ningon di cut leu bi buug bipek nipekti leu api noni miyai niyaijo nijep di jo kikau di Allah preu ei mem yo di ingon ngakei Noni.

YAKOBUS 2:5

He disut bat di dingon kieti jen, ma jiyok ngon kep bipia Allah dimig nuhwap mbum nya ei dihyeisi dini bibindei ba, inyeng tut ide niba ningon com Yesus Kristusti. Yo dima micoi bit Allah Ninyeng Tak Kepti di Noni preu ei mem yo di ingon ngakei Noni.

YOSUA 23:8

Noro ma jibit tuhan kin jingon di gom kikau noyam kin gi jibon kep nipou kwei bipek ammani kep.

NINGAT-HI-NGAT NYA 15:3

Ba, ipai doia di Allah de awak di Musa pai kin Domba Pmot de doia cem di nibimbiti pai “Allah di sindem bibor e, Ade midyai nya kei bibor kei ba, mindur bibor cem! Na di Nibou Ndig di anyeng tak kep minu nya hagom e, ayai munti nya hagom sren-srau cem igbit cem.

SAMUEL GI NIGOM 12:20

Lene Samuel buhup “Dwai! Mbro nok gino jibon mun di kinei bibor dima lo, ma jiba jinghim bak tuhan au. Noro ma jiba jingon titut yam bikuk je biNoni kikau.

SAMUEL GI NIGOM 12:24

Ma jibit Allah nihyet lene ma jiba jingon gom kin jingon titut yam bikuk je bak Noni. Ma jiyok ngon kep mun di mindur di Noni bibon mem je nipou su nya.

SAMUEL GI NIGOM 7:3

Lene Samuel pingok mben Israel ingonti bipai biyok “Gino jikos tut bipia jiba jingon titut yam bikuk je bak Allah lene ma jicom kwar Asytoret kin kwar nindigsi nya di jikuk je bak hagom leu je ug e. Lene ma jikes jenti titut yam bak Allah ba, jikuk je bak Nongkom cem leu api Noni miteu je leu mben Filistin indati.”