YOSUA 22:4 - ALLAH NIHYET MEM TUNGWATU NYA

⁴ Apino tuhan yai bipek kep nipreu kepti ba, jide bat mben Israel nindigsi nya ibong kei igwam kei tu. Gima rino njap dem mem gima jingkwei hanyen ug ei jide hanjop di jinyeng tak kep ei Minyei Yordan nite dima ug po Musa kwas tut je nipou su pima hak ug.

YOSUA 22:4 ပူးပေါင်းရင်းမြစ်များ

NIBOHON MBEN ISRAEL GI NIGOM 22:18

bipai biyok “Jide tuhan Allah mpu jahagom bibindei ba, jibong kei jigwam kei tu. tuhan sindem tut da ba, dikon pran bit mben di ibong ser minu dini nimbie him ngat ba, dibindei timek yok tu. Ba, nogindini iba ibou coi mem jeni cem mem tuhan cem tu.

NEHEI LEUSI 33:14

Lene tuhan buhup “Midinyohou nani leu binhyepo anyeng mitak kep minu po dipreu sut ei su pima.”

MBEN ISRAEL IMBUT-MBUT NYEN 32:18

Miningkwei hanyen kwei ei nyende ig bei bi bibou mben Israel yahagom ima ide dihyei mem ide mun ninda rom nya ug e.

NINDAT KEP TUHAN NICUKTI NYA 12:9

Lewo jikieng kep minu di Noni yai bije ba, jibong kei jigwam kei eisi bigyo.

NINDAT KEP TUHAN NICUKTI NYA 29:8

Ba, ipos yo ide minu leu yok bikwas tut keret Ruben kin keret Gad kin keret Manasye nite hi.

NINDAT KEP TUHAN NICUKTI NYA 3:20

Ma jimpu jisut bat mben Israel nindigsi nya bibou ibrim minu di jide tuhan Allah mikwas tut yok ei Minyei Yordan nite bei mpia nicutti ug e. Tirigi ikieng kep minu dima bigyati ba, tuhan sindui sut ibong kei igwam kei eisi noyam kin gi Noni bibon bije ei minyei nite dini tu lene ma jingkwei hanyen kwei ei jide minu di dikwas tut je ei dini.

IBRANI 4:8

Gino Yosua bie tut yo dima ug ei mpia dima nipou su ne Allah mipai sut njap hiter bu ei niabiati bu bi.

YOSUA 1:15

kikau bibou yahagom icoi ba, ikieng kep minu di tuhan di nok jide Allah pek biyok ei Minyei Yordan nite dima ug nipou ug e. Tirigi keret mben Israel nindigsi nya ibong kei igwam kei ei hanjop nsi dima tu lene mibon nikwesti mem jingkwei hanyen ba, jiya bijikieng kep jide hanjop nsi ei Minyei Yordan nite dini kwei bei mpia nipriti bit leu nok Musa po tuhan de awak pima preu ei mem je tu.”

YOSUA 12:6

Yo cin dima ne nibou ndig po Musa ya tut mben Israel di ibindei timek yok pima ri. tuhan de awak di Musa kwas dihyei di nibou ndig cin dima ide tut keret Ruben kin Gad kin Manasye nite hi binok ide dihyei hanjop nsi nya.

YOSUA 13:15

Musa kwas dihyei po tuhan preu sut bak limwa mben Israel pima hanjop nsi nite hi tut keret Ruben ninsi de gom-gom ba, itug ndei dihyei dima nok ide bu.

YOSUA 13:8

Keret Ruben kin Gad kin Manasye nite hi itug ndei dihyei hanjop nsi leu Musa di tuhan de awak tu. Ba, dihyei dima jo ei Minyei Yordan nite bei mpia nipriti.

YOSUA 22:3

Kwei bipek ammani kep lene jisindui sut jide bat mben Israel nindigsi nya ba, ikon pran biyonti bi. Jahagom jibit jide tuhan Allah nicuk jeti nya hagom mungkun kei tu.