YOSUA 22:33 - ALLAH NIHYET MEM TUNGWATU NYA

³³ Leu api mben Israel cem imiap tut ba, ingon cut hon apino inggei sut Allah. Lene ibohom ndat gi itin ei ingon kanti mem gima ikon pran bit keret Ruben kin Gad ba, ibohom ndat gima ibindei sar ide hanjop nya cem bu bi.

YOSUA 22:33 ပူးပေါင်းရင်းမြစ်များ

NIBOHON MBEN ISRAEL GI NIGOM 29:20

Daud ngat nadi nok gima leu lene cuk yo di imang bibor di idem yam ei dima “Ma jikon jide tuhan Allah ninyeng o!” Leu api yahagom ikon tuhan Allah di idigup bat-idigai bat nya ikuk yok bak ninyeng a. Lene yahagom iba ingwak bikik dihyei mem gima ibou bicut bak tuhan kin ide nibou ndig.

NIPINGOK NINGONTI 25:25

Nimiap kep nihyet di kei di isok kwei leu minu ting biborti noyam kin nidut minyei hou kep ninggobiausi.

DANIEL 2:19

Mmun mau mem njap gom ndia rino Allah ndo igbit mimun tut mumpriem dima bak Daniel tug hon ningat-hi-ngat. Gima rino noni nggei sut Allah ei gwamti,

LUKAS 2:28

Lo bi lene Simeon krau ningwoi-ngwoi dima ba, hon leu api nggei sut Allah bipai,

KISAH 15:12

Gima rino yahagom ikimut yuhui bigwam nyahan bingig itingou mem Paulus kin Barnabas ighyet di itri tut Allah de mindur kin bindo di Noni bibon tug hon yoni ei ngkiai nya ikieti ug e.

KISAH 15:31

Tirigi yo di mbusyamei nya ikwop srat bokti dima lene ingon nggan-triot kei lewo srat bokti dima tibim tut nihyet di biwin kep ingonti.

KORINTUS GI NICAN 7:7

Allah biwin kep ningonti tug hon Titus nikweisi he bi noro tug hon mun di noni pui sut je dino jibiwin kep noni cem ningonti. Noni pui kep binye bipia jiyok jingon mem nituti tirigi jingat dingat bou jiyai him hanyen kin jingon di ngguk tut mun di jiyai tunggwei sut da pima kin gi jitin ei mem gima jimbrap gau da. Gini hagom biyai dingon llei bibor dor njiriek bu.

EFESUS 1:3

Jikwei ba, inggei sut Allah di nok ide Yesus Kristus Nicigya! Lewo Noni njei mun di kei di ntun gwamti him ninyeng hagom bak innei drek dip gi inok gom kin Kristus.

YOSUA 22:30

Lene mun nyeng hagom di keret Ruben kin Gad kin Manasye nite hi ibuhupti dima jo nibreisi mem Imam Pinehas kin nibou nya ibou simnai di inok nibou mem Israel de ig bei di ibong nite bei mpia nicutti pima tu lene ingon cut hon.

YOSUA 22:32

Lene Pinehas kes nihyet leu lene ya tut nibou mben Israel pima ba, imbut bikes keret Ruben kin Gad pima ei Gilead bingkwei hanyen ug ei minu Kanaan. Tirigi yuug krau su lene itri tut munhyet dima bak mben Israel.