YOSUA 22:31 - ALLAH NIHYET MEM TUNGWATU NYA

³¹ Leu api Pinehas di Imam Eleazar nipmot pai bak keret Ruben kin Gad kin Manasye di ibong bei mpia nipriti “Nogindini nikan tut bipia tuhan Allah ningat rin bit nyeni yahagom. Lewo jikiek ba, jaham jimbuk kep Noni bi. Lene tug hon nisinati dima jiteu mben Israel ba, ingwes ngun leu hukum di tuhan mikes ei yok dip.”

YOSUA 22:31 ပူးပေါင်းရင်းမြစ်များ

NIBOHON MBEN ISRAEL GI NICAN 15:2

Apino noni ug ngat Nibou Ndig Asa bipai bak “Nibou Ndig Asa kin je di timiei Yehuda kin Benyamin jahagom e, ma jimiap kep mun di disok kep je tut dini. tuhan mitti kin je gino jeni cem jitti kin Noni. Gino jahara tuhan bindo ningon kanti bije lene Noni mindo ningon kanti bije. Noro gino jiba jiyai ngat Noni he lene Noni cem miba niyai ngat je.

KORINTUS GI NIGOM 14:25

Leu api no dima mipai jit nide sisar di jo nding ei ningon bei brei bak yo di mbusyamei nya lene bikuk no bak Allah bipai “Jit-jit Allah ningat rin srig jikieti.”

MATIUS 1:23

“Sop gwam nitta pilei gom minghop rin ba, misrek tut munggwom nipinai gom leu api tungwatu nya mijem ninyeng Imanuel.” (Imanuel leu nihyet Ibrani gi ibijem bipia “Allah gwam bit nyeni”.)

ZAKHARIA 8:23

Njap dima dem ne ngkiai nya ibou simnai mikwei ngat mben Yahudi gom ngat bipai bak ‘Nyeni cem nijoi sut ningat ningat di kei noyam kin nani lewo nimiap tut bipia Allah ningat rin ei jikieti.’ ” tuhan Di Sindem Bibor simbot dat tu.

YESAYA 12:6

Timiei Sion jen e, ma jimbos-hi-mbos ba, jiba jingon di nggei-hi-nggei bipai doia. Ningat ne Allah Israel di kwes ninyeng jei ba, Noni ningat rin ei jikieti.”

MAZMUR 68:17

Nggon rino Nungug Basan di bon ninggram him nya mang bibor ningon kinei sut Mbigdip Sion i? Allah dimig Mbigdip Sion binok Nide mpia di bong eisi ri. tuhan mibong ei mpia dima bijo ninno bijo kikau.

YOSUA 3:10

Tirigi sindi jicoi ug ei minu dima lene tuhan mihwen mben Kanaan kin mben Het kin mben Hewi kin mben Feris kin mben Girgasi kin mben Amori kin mben Yebus yahagom bingwig sindam ei joho bei. Apino mijo nibreisi mem je bipia tuhan di niyaijo Ningat rin ei jikieti,

NEHEI LEUSI 25:8

Ma ade limwa nya yohok prak meng gom di ipiga ei mem gima dibong ei ikieti.

YOSUA 22:30

Lene mun nyeng hagom di keret Ruben kin Gad kin Manasye nite hi ibuhupti dima jo nibreisi mem Imam Pinehas kin nibou nya ibou simnai di inok nibou mem Israel de ig bei di ibong nite bei mpia nicutti pima tu lene ingon cut hon.

YOSUA 22:32

Lene Pinehas kes nihyet leu lene ya tut nibou mben Israel pima ba, imbut bikes keret Ruben kin Gad pima ei Gilead bingkwei hanyen ug ei minu Kanaan. Tirigi yuug krau su lene itri tut munhyet dima bak mben Israel.