YOSUA 22:27 - ALLAH NIHYET MEM TUNGWATU NYA

²⁷ Noro niwin nimbar nibiyok ngon kep mem nimpung jeni ei nite jeni kin nimpung nyeni ei nite nyeni ba, mem yo di intun nyeni him di bram yam nya cem leu binhyepo jo nibreisi mem yok bipia nye di Minyei Yordan nite dini cem nittei mun di mem nibibon midut nindig mindhe titut kep hum kin mun di mem nibibon midut nibiyai ningon kwes kin tuhanti kin nibon midut nindigsi nya ba, nibikuk nye bak tuhan ei Nide Prak Meng di Nonti Ningat rin eisi. Tug hon nisinati dima lene gi mbun yo di intun jeni him di bram yam nya mipai kep yo di intun nyeni him di bram yam nya yoni mipai nok gima bi jimbier kim tuhan bi sren.

YOSUA 22:27 ပူးပေါင်းရင်းမြစ်များ

NITRITI 31:48

Lene Laban pai bak Yakub “Tig di jo-jo yam dip dini nok tig nibiyok ngon kep di mibiwin kep singonti.” Gima ripo ijem ninyeng Galed pima.

NITRITI 31:52

Tig dima hacem nok tig nibiyok ngon kep di mibiwin kep singonti leu binhyepo dipigau tig di jo-jo yam dip di bikkin ser sa dini ba, dihwou hwen na bi. Nok gima cem Apigau tig di bikkin ser sa dini kin tig di atas pijum dima ba, akwei hwen da bi.”

MAZMUR 16:5

tuhan e, dinyeng tut Nangkom he. Ayai mun di disuar nya hagom bida ba, mun di mipek kep mem da jo nyahan ei anda bia bei cem.

YESAYA 19:19

Mpe dima lene nimbar hum dok gom mijo ei minu ndig pmem ei minu Mesir ninggimau yon mem tuhan. Lene yo dima mitas tiang tig gom biya pijum ei minu niya kwas yamti mem tuhan.

NINDAT KEP TUHAN NICUKTI NYA 12:11

tuhan di nok jide Allah mindo minu ttou nsi gom ngat lene ma jikuk je biNoni ei sirima. Lene ma jittei mun di dicuk je tut hagom ei sirima. Nok mindhe-ndhe di jindig kep hum ei nimbar hum dokti kin mindhe-ndhe mem nibon midut nindigsi nya kin mun di jikwas gom leu ningot gom lene nok kin mun nindigsi di jikwas tut Noni kin mun di jipreu ei mem Noni nipou su nya hagom.

YOSUA 22:10

Tirigi keret Ruben kin Gad kin Manasye di ibong ei Minyei Yordan nite bei mpia nipriti yuug krau hanjop Gelilot ei Minyei Yordan nite bei mpia nicutti yo lene iwin nimbar hum dok di nindig krop di kei-kau-kei gom ei minyei nintig dip.

YOSUA 22:26

Gima rino niwin nimbar hum dok dima mem nibibon midut nindig mindhe titut ei dip bi ba, mem mun di nittei mem nibikuk nye bak tuhan ei dip cem bi.

YOSUA 22:28

Gima rino nyeni ningon kanti leu binhyepo gino yo di intun jeni him di bram yam nya ipai kep yok nok gima lene yo di intun nyeni him di bram yam nya mibuhup ‘Jingat nimbar hum dok dima i! Nidigup bat-nidigai bat nya iwin nimbar hum dok gom di noyam kin tuhan de nimbar hum dok. Nimbar hum dok dini mem nibon midut nindig mindhe titut kep humti eisi kin nibon midut nindigsi nya cem eisi bi. Noro nimbar hum dok dini nok mun nibiyok ngon kep mem jeni kin nyeni.’

YOSUA 22:34

Lene keret Ruben kin Gad ipai biyam “Nimbar hum dok dini ne nimbar hum ndok nibiyok ngon kep di ingat bou igyai him rin di biki nyeni yahagom ingon bipia tuhan ne Allah ri.” Lene ijem nimbar hum dok dima ninyeng “Nimbar Hum Ndok Ningat Bou Niyai Him.”

YOSUA 24:27

Lene noni pai bak nide limwa nya yahagom “Ma jiyok jiyai kep tig jei dini lewo tig dini ngig nitingou mem tuhan nicuk nyeti hagom tu. Gima rino tig dini mingat jiyai munti nya bou niyai him ba, miwin kep jingonti leu binhyepo jikiek ba, jaham jimbuk kep jide Allah bu bi.”

SAMUEL GI NIGOM 7:12

Lene Samuel ug yai tig gom bitas ei Mizpa kin Sen ikieti lene bipai “Allah mpu nye kikau kwei bipek ammani kep tu.” Leu api noni jem tig dima ninyeng bipia “Tig Nibiyok Ngon Kep Allah Di Mpu Nye.”