YOSUA 22:22 - ALLAH NIHYET MEM TUNGWATU NYA

²² “tuhan he rino Allah Di Ninyeng Jei a! tuhan he rino Allah Di Ninyeng Jei a! Noni kan tut nyeni ningon kanti tut mun di nibon dini lene handei kon ba, jeni cem jikan tut ningon kanti dima. Gino nikiek ba, naham nimbuk kep tuhan ba, ningon gom tut Noni cem bi lene nna ba jiyai nimai binye nogindini hak ug!

YOSUA 22:22 ပူးပေါင်းရင်းမြစ်များ

NIBOU NDIG NYA GI NIGOM 8:39

lene ma angig atingou mem ighyet ei atimieisi ei gwamti. Akos ser ide sisar ba, ampu yok lewo Nangkom akan bidem tut tungwatu nya yahagom ingonti. Lene ma abibon tungwagom-gom bit leu nok niyai munti nya.

AYUB 10:7

Ningat ne akan tut ba, angon huk niti cem bipia dibon mun di igbit he bidiyai mun tunggwei bi. Akan tut bipia bit bon hi dima sindem mem gima teu da leu anda nsi bidingwes ngun kan bi.

AYUB 23:10

Mbro nok gima lo, Noni kan tut dimbutti kin dicoti nya hagom. Gino Noni bingon da dem kep nok tukan di ikinding mas pimbai kei lene mijo nibreisi bipia dingon kwes kei.

AYUB 31:22

ma hi bindei ba, dinda pang nya hacem dahat leu ba, ntun dinghat him bu bi hak ug.

MAZMUR 136:2

Jikwei ba, ipai sigyo bak Allah Di Ninyeng Jei Bibor. Nide ningon ngakeisi jo ninghig-niker.

MAZMUR 37:6

Noni mindo bindo tut jingon ngunti ei nibreisi lene mimbrap gau je bindo jingon srenti dem kep nok mpia nuhuk pijumti.

MAZMUR 40:9

Allah e, dingon llei sut gi diyai igbit angon kanti mem da bidipwoi acuk Dati nya hagom ei dingonti.”

MAZMUR 44:21

Gino nikuk nye bak Allah bu bi biningat nadi bak kwar nya,

MAZMUR 44:22

lene jo nibreisi bipia Na di Allah akan tut. Lewo akan bidem mimun di niku ei ningonti hagom.

MAZMUR 50:1

Doia Asaf. tuhan Allah Di Sindem Bibor mbrap ba, Noni hara bak tungwatu dihyeisi dini hagom leu mpia nipriti ug bipek mpia nicutti.

MAZMUR 82:1

Doia Asaf. Allah bie tut Nide awak di pai tes nya di induk yam ei gomti ei gwamti. Noni kos tut biyok bipai,

MAZMUR 95:3

Lewo tuhan ne Allah di ninyeng jei bibor ri. Noni sindem bibor bininyeng tak kep kwar nya yahagom.

MAZMUR 97:7

Noni yai nimmai bak yo di ikuk yok bak kwar nya kin yo di illei ngwig sut mun di bon ninyeng bi nya yahagom. Kwar nya yahagom miba ibiau bicom mpia ei tuhan Noho bei bikuk yok bak.

NEHEI LEUSI 18:11

Nogindini dikan tut bipia tuhan sindem bibor dor njiriek kwar di ngkiai ikuk yok bak hagom lewo Noni yai mindur dima yok hammi tirigi mben Mesir iba ingon di jei bibor bico kep je di mben Israel.”

YEREMIA 12:3

Noro tuhan e, akan tut dani. Angat diyai munti nya ba, akan tut bipia dingon gom tut Na. Ma akri yo di isibut dima yok bit leu nok domba di ijem ug ei mpia di ibui nok mikwau kikep eisi. Aya ser yok kikau ug bipek njap ngon bou dima ibui yok dem ug e.

YEREMIA 17:10

Da di tuhan rino diput ser tungwatu ingonti nya. Dibingon mun di jo ingon bei cem. Dibirop bak tungwatu nya bit leu igyaijoti. Dibibon yoni bit leu igyai munti di igyai kep nya.”

DANIEL 11:36

Nibou ndig minu Siria bon mun igbit ningon kanti. Noni ba ningon di jei bipai bipia ninyeng jei bibor dor njiriek kwar di tungwatu nya ikuk yok bak nya kin Allah Di Ninyeng Jei Bibor cem hagom. Noni sindem mem gima yai igbit ningon kanti dima kikau ug bipek njap di Allah kes hukum ei noni dip. Lewo suar mun di Allah kos tut ei su mbut bipek kep.

DANIEL 2:47

Nibou ndig pai “Daniel e, ade Allah ninyeng jei dor njiriek kwar di tungwatu nya ikuk yok bak hagom. Noni sindem dor njiriek nibou ndig nindigsi yahagom. Noni mbot kep mimun hagom kan. Gima hagom jo nibreisi mem da lewo aba angon di ki bipai sut mimun dima ningat bida tu.”

MIKHA 7:9

Ibon sisar tut tuhan tu. Nogindini suar iba ibou coi mem ningon di sibui sut nyeti. Noro jei bi ne Noni miya hacan mem nye bibuhup bak yo di ibon mun tunggwei sut nye cem. Noni mibuwak nye leu nidinditi ug ei nipigati lene bindei ba, igyaijo bingat nituti tirigi Noni teu nye bingwes ngun.

MALEAKHI 3:18

Ditde limwa nya mingat bou igyai him bipia mun di pek kep mem no di ningon kwes kei kin mun di cut igkep no di mbuk ter leu yam. Mun di pek kep mem no di kuk no biDa kin mun di cut igkep no di kuk no biDa bi ter leu yam.”

YOHANES 21:17

Yesus hig ser noni nimbiningai bu “Na di Simon di Yona nipmot e, angon ngakei Da e?” Petrus ningon ngguk drek dip Yesus nipaisi lewo Yesus hig ser noni mbiningai su. Gima rino noni buhup “Tuhan e, akan tut mun nyeng hagom ba, akan tut bipia dingon ngakei Na!” Lene Yesus pai binoni “Ma anyohou Ditde domba nya.

KISAH 1:24

Lene ingat nadi bipai “Tuhan e, akan bidem tut mun di jo ei tungwatu yahagom ingonti. Gima rino ando igbit tungwagom leu ibou can dini igom di adimig ei su,

KISAH 25:11

Gino dipigau Nibou Kaisar nicukti nya apino dingon mui ne suar ditug ndei nimai drek dip ba, ayai nimai bida hak ug. Noro gino yo dini ipai da kinei mikuisi ne dem mem tungwa hi kes da ei indati bi. Dahara Kaisar Roma nonti mbus dingonti!”

KORINTUS GI NICAN 11:11

Nggon rino dipai nok i? Drek dip gi dingon ngakei je bi e? Noro Allah kan tut bipia dingon ngakei je!

KORINTUS GI NICAN 11:31

Allah dino Tuhan Yesus Nicig kan tut bipia dibicum tut gima bi. Ma tungwatu nya ikon Allah ninyeng bijo ninno bijo kikau!

KORINTUS GI NICAN 5:11

Nyeni ningon dorti tut nittin tut Tuhanti. Gima rino nibrim ningkek kep tungwatu nya leu binhyepo ikan tut bipia ningon gom. Allah kan tut mun di jo ei nyeni ningon bei. Lene diyok dingon mem gima jeni cem jikan tut da bit leu Allah nikan tut dati.

NINDAT KEP TUHAN NICUKTI NYA 10:17

tuhan di nok jide Allah ninyeng jei dor njiriek kwar di tungwatu nya ikuk yok bak nya kin nisindemti nya hagom. Ma tungwatu nya ibit nihyet lewo ninyeng jei ba, Noni sindem bibor cem. Noni mbus nggok tungwatu nya ba, ce tut hi ba mitiei bingot kep Noni bi.

TIMOTIUS GI NIGOM 6:16

Nongkom niyaijo kikau. Noni ningat rin ei nipigati di sieng-siau kei di bit bon tungwatu nya icem kep kan bi. Hi ngat Noni bou niyai him bi sren lene bit bon hi ngat Noni kikau bi sren. Tungwatu nya yahagom mikon ninyeng ba, Nide nisindemti ug hon nohonti bi sren! Igbit ri.

IBRANI 4:13

Bit bon mun nyeng gom jo nding leu Allah niyai him kan bi. Noni ngat Nide nipai testi nya hagom brei bou niyai him. Nyeni yahagom mibuhup hanyen bak Noni tut igyai munti nya hagom.

YOSUA 22:21

Leu api keret Ruben kin Gad kin Manasye dima ibuhup,

NINGAT-HI-NGAT NYA 19:16

Ninyeng di jo ei Nide sinsunti kin nindimihumti rinok gini “Nibou Ndig di ninyeng tak kep yo di inyeng jei nya yahagom kin Tuhan di ninyeng tak kep nibou mien nya yahagom.”

NINGAT-HI-NGAT NYA 2:23

Leu api midihwen nide limwa nya cem leu binhyepo mbusyamei nya yahagom ikan tut bipia Dani ne No di yok niyai kep tungwatu nya yahagom ikan-kan nyenti kin ingonti ri. Dibirop hanyen bije bit leu nok jiyai munti nya.

SAMUEL GI NIGOM 15:23

Lewo nibit nihyet bi pima kinei ba, noyam kin nibon midut nikrau kep nihyet di dut lene nikon nonti kinei bibor noyam kin nikuk nok bak kwar cem. Allah kou sut gima anok nibou ndig lewo angkek ndok tut Nide nicuk nati.”

SAMUEL GI NIGOM 2:3

Je di tungwatu nya e, ma jinggei-nggwang tut jenti ba, jingon jei bu au. Ma jikimut juhui ser nhyema jimbrap kinei au. Lewo tuhan ningon dorti tut mun nyeng hagom. Noni gwam nok nikei mem tungwatu nya igyai munti nya hagom.