YOSUA 22:18 - ALLAH NIHYET MEM TUNGWATU NYA

¹⁸ Nogindini mijiba jinghim bak tuhan bu e? Gino njap di ammani jikiek ba, jaham jimbuk kep tuhan lene njap di hyep bu Noni migga mben Israel yahagom ttei yam drek dip.

YOSUA 22:18 ပူးပေါင်းရင်းမြစ်များ

SAMUEL GI NICAN 24:1

Mpe di gom bu ne tuhan gga mben Israel apino Noni bindei ba, mun di buhun bibor cut igkep yok drek dip Daud ningon kanti. Nok rino tuhan pai binoni “Apas kep tentara Israel kin Yehuda nya inyeng ba, akwop imangti.”

NIBOU NDIG NYA GI NIGOM 9:6

Ne gino nani kin ade nintun him di bram yam nya jikes hon ba, jibit diggai serti kin dicuk jeti nya bu bi ba, jikuk je bak nung nya,

NIBOU NDIG NYA GI NICAN 17:21

Niabiati tuhan bindei ba, mben Israel kin timiei Yehuda nya ikwas yam lene mben Israel ikon Yerobeam di Nebat nipmot nok ide nibou ndig. Leu api noni bindei ba, mben Israel iba inghim bak tuhan bibon sisar nindig bibor.

NIBOHON MBEN ISRAEL GI NIGOM 21:1

Jei bi lene Bilis joi sut bindei ba, mun di buhun micut igkep mben Israel. Gima rino pingok ei Daud ningonti leu binhyepo pas kep nide limwa nya inyeng bikan tut imangti.

NIBOHON MBEN ISRAEL GI NIGOM 21:14

Leu api tuhan ba nsuwer ajar di buhun bihwen mben Israel bibindei ba, ibou sribu ningot muhwindacan imai hak ei ikieti.

NIBOHON MBEN ISRAEL GI NICAN 34:33

Nibou Ndig Yosia ya kep kwar nya di biyai ningon him wei sutti di jo bidem minu Israel hagom bindung-ndiem. Leu api cuk nide limwa nya yahagom bikuk yok bak idigup bat-idigai bat nya ide tuhan Allah. Apino limwa nya yahagom ingon gom tut tuhan kikau mem nijam di Yosia niyaijo yo.

IMAM NYA IDE MIDYAI 10:6

Lene Musa pai bak Harun kin nipmot bat cin di Eleazar Itamar nya “Ma jibou jo hak ba, jirik jide sinsun rok him cem nok bindo bipia jingon ngguk tut nimai au. Gino jisrep tut dicuk jeti dini lene mijimai hak leu api tuhan ningon misibui sut nye di mben Israel yahagom ri. Noro nna ba mben Israel nindigsi nya ingon ngguk tut bipim kep yo cin di tuhan de hum yem yok dini.

MBEN ISRAEL IMBUT-MBUT NYEN 16:22

Noro Musa kin Harun ikuk yok lene iba ingwak bikik dihyei leu api yahara “Allah e, Nani ne nibousi mem mun di yai niyaijoti nya hagom. Gino tungwagom ngat he bon sisar lene ma agga limwa nya yahagom e?”

MBEN ISRAEL IMBUT-MBUT NYEN 32:15

Gino jikiek je bijiba jinghim bak tuhan lene Noni misindui sut limwa dini yahagom ei iggum ndigsi bijo ninno hanyen bu apino mijibiang isar hanyenti nibuhunti!”

NINDAT KEP TUHAN NICUKTI NYA 7:4

Leu binhyepo yoni miris jimunggwom bat nya leu tuhan ndam nung di yo dima ikuk yok bak nya au. Gino mun dima cut igkep je lene tuhan ningon misibui sut je leu api Noni mihwen je bijingwig.

YOSUA 22:15

Tirigi yoni yuug krau keret Ruben kin Gad kin Manasye nite hi di ibong ei Gilead idim,

YOSUA 22:16

lene ipai biyok gau tuhan de limwa di mben Israel inyeng “Nggon rino jibon mun di kinei tut Allah Israel dini i? Jikiek ba, jaham jimbuk kep tuhan tug hon nimbar hum dok di jiwin dima tu. Ba, jibit nicuk jeti nya bu bi su.

YOSUA 22:20

Ma jiyok ngon kep Akhan di Zerah nipmot po kou sut gi bit tuhan nicukti tut ndigban di suar ibindei sar hagom pima apino ningat mindei rintun him i? tuhan kes hukum ei mben Israel dip ttei yam drek dip. Akhan nongkom ngat he rino bon sisar noro nongkom ngat he rino tug ndei nimai drek dip bi.”

YOSUA 7:1

tuhan pai bak mben Israel tu bipia suar ibindei sar ndigban hagom ei minu ndig Yerikho bihigom lene ma igyai mun nyeng gom mem yonti au. Noro ibit nicukti dima bi. Apino tuhan gga limwa mben Israel bibor drek dip pinai gom di ninyeng Akhan bon mun tunggwei nicukti dima. (Akhan nicig ninyeng rino Karmi ba, nignyon ninyeng rino Zabdi leu Zerah ninsi de ei keret Yehuda.)

YOSUA 7:11

Mben Israel ibon sisar tu! Dicuk yok leu binhyepo ibit gi preu di yoni kin Dani nipreu ei biyam tu noro igyai mun tunggwei sut! Lewo ipos ndigban di suar ibindei sar pima hi nyahan ba, inggimang lene iku nyahan ei ndigban nggreti di ide nya leu binhyepo hi kan tut bi.

YOSUA 7:21

Dingat sinsun ndok di jei di kei bibor kei gom di mben Babilonia ibon bou inda him ba, mitiei perak di dem kilo can biniken cem mas nindak gom di dem kilo niken binjiriek di jo srig ndigban di nyeni nipos pima. Dingon pri kep ndigban dima yok bibor leu api dimbus ei mem danti bidiku hagom nyahan ei dihyei jou ei ditde prak meng nsi lo, mitiei perak pima jo nijou ngat.”

SAMUEL GI NIGOM 12:14

Gino jinggei sut tuhan ba, jidimig jenti ei mem Noni cem jimiap kep nicuk jeti nya bijibit nihyet cem ba, jeni kin jide nibou ndig jingon gom tut Noni lene mijiyai ningon nggei-hi-nggei.

SAMUEL GI NIGOM 12:20

Lene Samuel buhup “Dwai! Mbro nok gino jibon mun di kinei bibor dima lo, ma jiba jinghim bak tuhan au. Noro ma jiba jingon titut yam bikuk je biNoni kikau.